عمر الودعاني

دعيت الله انه ما يخلي لقلبي راي …. و يجعل ضميري بدر في الليلة الظلما

@alzuaby هذه قصيدتي المفضلة يا دكتور الله يخليك للشعر والشعراء

هِزِّي إليكِ العُود يتساقط تناهيد وغرام على شجون الكُرْد هِزِّي العُود مَرَّة ثانية ما يصلح لهذا المقام إلا مثل هذا المقام غَنِّي لنا "يا مْصَبِّر المَوعود" مرة ثانية إذا نزل صوتك على جِدْب المشاعر يا سلام تصير نبضات القلوب وْرود مرة ثانية وإذا انحنَى عُودك على عُودك خَلَص كل الكلام أحسّ بِإنّ الله بَعَث داوود مرة ثانية تمايلي والليل تَوّه ليه أنام؟ وكيف أنام؟ جُودي على روحي من الموجود مرة ثانية الحين حتى لو يروح الليل ما راح الظلام مدري متى لون الحياة يْعود مرة ثانية تقدَّم الساحر مكان الراهب ومات الغُلام وأصحاب الأخدود اِحفرَوا الأخدود مرة ثانية تمايلي يا أم العيون السود وإن قالوا حرام تمايلي يا أم العيون السود .. مرة ثانية

بين القصيدة والشعور هناك منطقة لا تنتمي للكلمات وحدها، ولا للمشاعر وحدها بل للمسافة التي يلتقيان فيها. في هذه الأمسية الشعرية النبطية، نصغي إلى القصائد وهي تعبر من القلب إلى اللغة، ونقترب من الحكايات التي لا تُروى إلا شعراً ، ومن الأحاسيس التي تجد في البيت النبطي صوتها الأصدق. #الشريك_الأدبي #محمصة_شڤل @mowaffaqas @LPTC_MOC

" يا دار اللي ورث من حنظله تاريخه المعروف أميرٍ من صباه مراكيٍ كوعه على شداده قطر ، و المجد مثلك موجز بـ هيبة ثلاث حروف ثلاث حروف … و بطون القصايد منك ولّاده ملاذ مذيرٍ لونه من ( أطراف ) الشفق مخطوف تجرّا، لين زان ملاعبه قدام صيّاده " @iim3MR 🇶🇦

@SalmanAljabaa الله يخليك لنا وللشعر يابومحمد

راجعه نفسي لعادتها القديمة كل ماهب الهواء يا شهر مارس للبحر وقفة على الدنيا مقيمة مع طلوع الشمس وأصوات النوارس حاجتي حاجه عواقبها وخيمه دونها سورٍ طويل وعين حارس مير ما والله يقنّع بالهزيمه واحدٍ للرمح في صدره مغارس اشهد اني يوم ذبيت الخريمه مادريت اني عقبت بلاد فارس للغزال اللي عطى للشعر قيمه والقوام الغضّ والنجل الخوارس محتمي لعيون ريم، شداد ريمه حاذفٍ من دونها روس الفوارس

كلمة سمو #ولي_العهد خلال استقباله المهنئين بعيد الأضحى في الديوان الملكي بقصر مِنى. spa.gov.sa/N2601710 #حياكم_الله | #واس_حج47

كل عام وأنتم بخير❤️

@sbinbtlaa وعشانك اعتبرني نصراوي والشكوى لله

@iim3MR عشان هالابيات اعتبرني احد جماهير الدرعيه 🤍

صَعد معَ طيور السماوات توّاق نوّا لـ مجده واحتمى.. يوم نوّا 🔝🦅🤎

@roykiny_ والله اللي يستاهل معلقة ثامنة

@m_bsu1 الله يبارك فيك يابوسلطان واوعدك من هذا المنبر بأهازيج جديدة في روشن

الف مبروك لنادي #الدرعية الصعود لدوري روشن تهنئة خاصة للصديق @iim3MR رئيس رابطة المشجعين للنادي.

🤎🤎🤎🤎

الوقت فوق دقوننا مدمن الغشّ وحنا نعرف الوقت ماهو مسالم وانا لـ راسي عود زرياب ما نشّ غنّي على تقسيمته يا ام سالم مْن الراس مالية غدا خاطري هشّ ما مرّته مثل الليالي .. سوالم زهرة عمْر رشّة شذى عطرها رشّ من كرسي المكتب لـ زرّ السلالم من قال رزقك لا تحرّا له و عشّ؟ والله لو ان الرزق فـ يدين سالم!

@itsasmaabader دامها على القافية بس الله يطمنك

يروي ضما الشعر، شاعر صحّ شرواي لا منّه كتب له بيت مع اني اليا احتجت عِدّه شحّ! يبخل وانا ياما عطش وارويت صوت الشعور من القصايد بحّ ويا كثر ما قال الهوى ما اوحيت في شاردٍ دمعه بـ خدّه سَحّ يمطر ويحيي كل عشبٍ ميت يقول لي لا شفت حزني طِحّ لرضاه ورضى الكبريا والصيت واقول تبغى تروح؟ ياخي رحّ يا مرحبا لا رحت والا جيت الصدر يشتال الحزن ويفحّ اطول ضلوعه ما يشيل البيت والا أنت عادك .. توّ عمرك تَحّ صغير .. لا منك بكيت ابكيت وما يومن الطفل ان رضى وان لحّ يمكن يشب النار بالكبريت

مكانك يا كبير❤️

ما لـ هذا الحزن آخر؟ ليه ما له! جاوبيني دام في عمري بقايا ليت رمشك يسدل لـ عيني ظلاله من زوايا الضيق لين أوسع زوايا ما قريتي وش كتب شاعر خياله؟ هذا انا واضح ولا عندي خبايا من يقول ان الشعر يبغى رساله؟ الشعر زلّه تقفّاها الخطايا لا حزنت اصير للأدنين عاله ولا برا حزني تلقّوني برايا اختلفنا.. هامشي واعطيك هاله تختلف حتى المشاعر والنوايا واتفقنا بس في حبّ العداله العداله واجبه في هالقضايا جيت لك شعرٍ يمرّ الما خلاله ما يسوّى بي مثل هذي السوايا ورغم هذا عشت لو مانيب داله فيك تاخذني عن الموت الحمايا