🇵🇰 Sohail Ahmed Ch 🇵🇰

اس بحران سے جو دباؤ ہم پر آئے گا، اس کا حل صرف اور صرف یہ ہے کہ ہم پاکستان کی پیداواری صلاحیت بڑھائیں۔ ہمیں اپنی زرعی پیداوار کو فروغ دینا ہوگا، درآمدات میں کمی لانی ہوگی، اور برآمدات کو بڑھانے کے لیے حُد حُد کوشش کرنی ہوگی۔ حکومت آئندہ دنوں میں بزنس کمیونٹی کے ساتھ مل کر اس پر جامع حکمت عملی ترتیب دے گی، تاکہ زیادہ سے زیادہ زرعی اور صنعتی پیداوار حاصل کی جا سکے۔ ہماری معیشت خلیجی ممالک سے بھی جڑی ہوئی ہے، اور تقریباً 40 ارب ڈالر کی ریمٹنسز ہماری معیشت کا اہم حصہ ہیں۔ اس لیے ہمیں اپنی اندرونی صلاحیتوں کو مؤثر انداز میں استعمال کرنا ہوگا، توانائی اور وسائل کے ضیاع کو کم کرنا ہوگا، اور محنت اور لگن کے ساتھ اپنی صنعت، زراعت اور ایکسپورٹس کو فروغ دینا ہوگا۔ یہی وہ راستہ ہے جو ایک ذمہ دار قوم بحران کے دوران اپناتی ہے۔ مجھے پورا یقین ہے کہ پاکستان کے ہر نوجوان، ہر شہری اور ہر بزرگ اس قومی مشن کا حصہ بنے گا۔ اگر ہم سب متحد ہو کر کام کریں تو نہ صرف اس چیلنج پر قابو پائیں گے بلکہ ایک مضبوط، خودمختار اور خوشحال پاکستان تعمیر کریں گے۔ یاد رکھیں، محنت اور اتحاد ہی وہ طاقت ہیں جو کسی بھی بحران کو موقع میں بدل سکتی ہیں—پاکستان زندہ باد!