Ashira Mae(I❤️SG)

Higit na kooperasyon sa ibang bansa ang hatid ng isang Bagong Pilipinas! Sinimulan natin ngayong araw ang biyahe patungong Malaysia para sa ating state visit. Dito ay titingnan natin ang posibilidad ng pagtutulungan sa Halal Industry at Islamic banking, bukod pa sa mga larangang atin nang ipinagtitibay kasama ang ating karatig bansa.

Sariling lupa at pagpapawalang-bisa sa pagkakautang ng ating mga magsasaka ang sukli natin sa kanilang kontribusyon sa bansa! Sa tulong ng New Agrarian Emancipation Act, mapagagaan natin ang pasanin ng mahigit 610,000 agrarian reform beneficiaries upang sila’y magkaroon ng mas malaking kita at higit na kakayahang payabungin ang kanilang mga sakahan.

Isang malakas at modernong Philippine Air Force para sa proteksyon ng ating mga mamamayan at seguridad ng Pilipinas! Sa pagdiriwang ng ika-76 na anibersaryo PAF ngayong araw, ipinaabot natin ang ating pasasalamat, maging ang suporta ng administrasyon sa pamamagitan ng AFP Modernization Program. Atin ding nasaksihan ang capability demonstration ng Hukbong Himpapawid ng bansa at personal na pinarangalan ang mga indibidwal na nagpakita ng natatanging husay at katapatan sa serbisyo.

Isang milyong housing units kada taon sa ating panunungkulan at produktibong mga komunidad ang inaasahan nating bunga ng Pambansang Pabahay Para sa Pilipino Housing Project! Iyan ang binigyang-diin natin kahapon sa site inspection para sa isinasagawang 4PH project sa San Fernando City, Pampanga. Siniguro nating malapit ang 8,352 na itinatayong pabahay doon sa mga mahahalagang pasilidad gaya ng paaralan, ospital, pamilihan, at pasyalan. Kasama ang mga LGU at pribadong sektor, palalawigin pa natin ang proyekto sa iba’t ibang bahagi ng bansa upang maabot at mapakinabangan ng mas madami pang Pilipino.

Pantay na pagtrato sa kapwa Pilipino, anuman ang sektor, pananampalataya o kasarian na kanyang kinabibilangan. Sa LGBT Pride Reception kasama si First Lady Liza Araneta-Marcos, ito ang isinulong natin bilang bahagi ng ating pagbibigay-daan sa isang Bagong Pilipinas na hatid ay oportunidad, proteksyon at pagpapahalaga sa bawat isa.

Sapat na suplay, matatag na presyo at produksyon ng bigas at mais para sa bawat Pilipino! Sa ginanap na miting ng Private Sector Advisory Council, inatasan natin na pag-aralan ang mungkahing pagkakaroon ng mga silo upang tiyakin na may 30-day buffer stock ng bigas at mais ang ating bansa. Binigyan-pansin din natin ang posibilidad at kakayahan sa pagtatayo ng mga rice at corn stations modules gamit ang mother-daughter o Hub and Spoke system.

Maligayang Araw ng Kalayaan sa bawat Pilipino saan mang panig ng mundo! Sa pagdiriwang natin sa tagumpay ng mga ninuno at bayani ng bansa, 125 na taon na ang nakalipas, asahan ninyong nakatuon ang ating mga hakbang, katulad ng Philippine Development Plan, sa pagbuo ng isang maunlad na Republika. Mabuhay ang malayang sambayanang Pilipino! Mabuhay ang Pilipinas magpakailanman!

Sa pagsasailalim sa probinsya ng Albay sa state of calamity dahil sa pag-aalburoto ng Bulkang Mayon, pinapaalalahanan ang ating mga kababayang Bikolano na sumunod lamang sa mga rekomendasyon at evacuation instructions ng inyong lokal na pamahalaan upang masiguro ang kaligtasan ng bawat isa. Patuloy ang paglilikas sa mga pamilyang nakapaloob sa 6km permanent danger zone at pagdadala sa kanila sa mga evacuation centers. Nakaantabay na rin ang DSWD para sa mga sumusunod na tulong: •Php 114M Quick Response Fund available at DSWD Central Office •Php 5M Funds available at DSWD Field Office Region V •179k Family Food Packs available in Disaster Response Centers Dagdag pa sa mga preparasyong ito ay maaasahang patuloy ang koordinasyon at pagtutulungan ng bawat ahensya kagaya ng OCD, DA, DOH, DENR, PHIVOLCS, at iba pa.

Mahalaga ang pagtutulungan at malalim na ugnayan ng mga bansa sa isang nagbabagong global landscape upang masiguro ang kapayapaan at seguridad ng mga mamamayan. Katulong natin dito ang mga bagong chief of mission at ambassador na nakasama natin sa courtesy call ngayong araw. Sa kanilang mabuting pagganap sa tungkulin, maitatawid ang mga prayoridad natin sa agrikultura, enerhiya, imprastraktura at digitalisasyon, tungo sa isang handa at matibay na Pilipinas.

Isang mapagmalasakit na sistemang pangkalusugan at malakas na kapasidad sa pagdepensa ng ating teritoryo ang layon natin para sa bansa. Sa panunumpa ni Atty. Gilberto C. Teodoro Jr. bilang kalihim ng Department of National Defense at kay Dr. Teodoro J. Herbosa bilang Department of Health Secretary ngayong araw, sinisiguro nating nasa mabuting kamay ang kapakanan ng bawat Pilipino.

Ipagdiwang natin ang mayamang kasaysayan ng bansa at ang buhay ng ating mga dating pangulo at unang ginang sa Malacañang Heritage Tours na inisyatibo ng ating First Lady Liza Marcos Simula June 1, libre at bukas na para sa lahat ang pagbisita sa Teus at Goldenberg Mansion, pati na rin sa Bahay Ugnayan, kung saan masisilip ang ating paglalakbay mula sa ating pagkabata hanggang sa pagkapangulo.

Ngayon pa lamang ay nagpapasalamat na tayo sa USD 2.5 bilyon planong investment ng Charoen Pokphand Group para sa pagpapaganda ng ating agricultural production sa sektor ng pagkain, swine, poultry, at shrimp. Ito ang ating tinalakay sa courtesy call kasama ang mga opisyal ng kumpanya na una nating nakasama sa Thailand noong Nobyembre. Inaasahan natin ang higit pang pagtutulungan pagdating sa teknolohiya, pagsusuri, at pamumuhunan.

Binabati natin at pinasasalamatan ang ating Hukbong Dagat para sa 125 na taong pagdepensa sa soberanya ng Pilipinas at pagpapanatili sa kapayapaan ng ating karagatan. Walang pag-aatubili ninyong pinoprotektahan ang inyong kapwa Pilipino, kaya naman asahan ninyo ang buong suporta ng inyong pamahalaan, sa pagsulong ng inyong modernisasyon, pagpapabuti ng inyong kakayahan, at lalo na sa pagtaguyod ng inyong kapakanan.

Yesterday, we advocated for a bilateral Philippine-EU Free Trade Agreement at the gala dinner hosted by the EU-ASEAN Business Council and the European Chamber of Commerce in the Philippines. This will pave the way for sustainable growth, job creation, and expanded export opportunities. We are grateful for the EU's support as we make the Philippines an attractive hub for trade and investments, and we look forward to a stronger partnership that benefits our regions.

Sanib-pwersa para sa isang masiglang industriya ng asukal at mas magandang lokal na produksyon! Ito ang hangarin natin sa pagtitipon kasama ang mga magsasaka at manggagawa ng sektor sa unang pagkakataon. Kabilang sa mga rekomendasyong ating nakalap ay ang pagtatalaga ng schedule at dami ng importasyon ng asukal, ang pagpapalawak ng lupaing nakalaan para rito, at ang pagpapaigting ng Philippine Sugar Corporation.

Ating isinulong ang matibay na pagtutulungan ng nasyonal at lokal na pamahalaan sa pagpapasigla ng hanapbuhay at paghahatid ng government at health services sa oath-taking ng mga opisyal ng Provincial Board Members League of the Philippines. Pinahahalagahan natin ang suporta ng ating mga LGU na katuwang natin sa pag-abot sa bawat komunidad at pagtukoy sa kanilang mga pangangailangan.

Mas matibay at nagkakaisang "Solid North" ang ating panawagan sa panunumpa ng mga bagong kongresista na bubuo sa Northern Luzon Alliance. Kasama natin sila sa pagpapabuti ng pamumuhay, ‘di lamang sa hilagang Luzon, kundi sa buong Pilipinas.

Mura at maaasahang enerhiya para sa mga Pilipino ang ibubunga ng paglagda natin sa Malampaya SC No. 38 ngayong araw. Sa "renewal of service" na ito, maipagpapatuloy ang responsableng paghahanap ng natural gas sa bansa para mabawasan ang importasyon ng langis at mapanatili ang ating suplay ng malinis na enerhiyang hindi nakasasama sa kapaligiran.

We reiterate our commitment to an effective and substantive Code of Conduct in the South China Sea and commend the emerging consensus among ASEAN member-states to address the situation in Myanmar. The 42nd ASEAN Summit Retreat Session emphasized our collective efforts to foster peace, stability, and democracy throughout our region.

We are resolved to expand our ties with Vietnam, with a keen emphasis on trade and investment, tourism, agriculture, defense, and security. During our bilateral meeting on the sidelines of the 42nd ASEAN Summit, we welcomed with utmost gratitude the assurance extended by H.E. Pham Minh Chinh, Prime Minister of Vietnam, to provide a long-term strategic supply of products which will augment our nation’s capacity to recover from natural disasters. 🇵🇭🇻🇳