َ

أكثر حياة الرجل صبر وعزايم الـروح تفنى والليالي مقيمة

مستعَّد أخلي بلاد، وأنزل في بلاد دام ذعذاع الكرامه لا هب، يـهبْني والقلوب، إللي خذاها التغطرس والعَّناد مستحيل! أشري رضاها عشان تحبني

حنا رجاجيل تجينا رياجيل يبغون منا جاه والا معونه يوم علينا مثل شرب الفناجيل وايام مانقدر على اللي يبونه

يارب ما غيرك سمع صوت شكواي يا واحدٍ ماله بخلقه شراكه تحتك امل دناق راسي ورجواي ومنك انعقاد امري ومنك فكاكه للذيب في روس المراقيب عواي يشوم لو شومته فيها هلاكه للخوه عهود وعوايد وحماي ودستورها عيبٍ عليك انتهاكه ابكاك من ضحكي وضحكك من بكاي اما اضحك لـ ضحكي او بكاي باكه

في غرامك ياشذى الورد وانسام الصباح لعنبوا عينٍ مالحّت وقلب ماولف كني المح في عيونك مزاهيب السلاح وانا قبل اجيك متسلّف الراحه سلف باقيٍ حبّك لو ان غيبتي غيبه كفاح مثل ماهو باقي حلف يامٍ ومحلف وش ورى دنّاقه الراس ياضبي البراح صدّقيني ولاّ والله العظيم ان آحلف

لازم الحين افحص الرجال فحصٍ كامل ! ان ضبط وان ما ضبط مسكّته المنشرحه :)

يا جاهلين اللي تخفّيه الصدور لا احدٍ يخربها .. تراها خاربه من جاه من صوبي ردا والا قصور لا يلـقّي العشـره واهلها غـاربه يصبر علي .. يا لين م تزين الامور ولا له إلا اللي يدسّم شاربه

العزوم تقرب الغايه اليا صارت بعيده من تباعد غايته يقضي حياته ما وجدها

اللي يسوي خطاء ويقدم الاعتذار ابرك من اللي يجيه العذر ما يقبله

ابتسم في وجه الايام ياسمح الجناب لو حياتك من جميع الجهات مهدده لا تـجي عبّاد دنيا ترا الدنيا سـراب اعبد الله و اترك المال لـ اللي يعبده اكتتب في بنك الأمجاد لو فيك اكتئاب لا يغـرك من يقول الحيـاه مـعقـده القوي في كل موضوع يحسب له حساب والضعيّف تأخذ الناس حقه من يده

اليا جفاك الوطن واللي يرودونه دارٍ بدارٍ ،،،، وخلانٍ بخلاني موت الفتى في سرابٍ يطرد دونه اخير من مقعد لك فيه حقراني

لا جيت في مجلس فيه الخفيف ثقيل فنجال واحد عن الشكه و خلك عجل تغانم أجر الزياره كان تبغى الحصيل استأذن من الجميع وخصّ راع المحل يبا يقولون تو الناس ما راح ليل قل ادري الليل توه بس عندي شغل وأن لزم الاجودي قل جعل عمرك طويل مريت أسلم عليكم والمشاهد حصل

اسرفت في حبك جهر مانيب مثل المستحين اللي يحبك يعتزي ويشوش ويرد البرا مشاعري لك لو توزّع باليسار وباليمين صاروا جميع الناس عشاق ونشامى وشعرا

الكلمة الي ترهب الخايف ويدراها الشجاع اقولها والعين ما ترمش على روس البرا اقلط مقاليط ما يقدرها الرعاع ابن الرعاع والي تقدم لـ الامام يجيه حذفٍ من ورا انحت مضاريب القصيد الي توقع فالنخاع لو كان جداني مقادم قوم ما هم ب شعرا

والله ماتلقى علينا لاحما الماقف طريق حنا مافينا ضعيفٍ ينشب لسانه فـ الجما نقدر نهدر دما الخصوم ونشعل الساحه حريق مثل مانقدر نعتق الارقاب ونحقن الدما لكن تشيمنا تشيام الرفيق من الرفيق من كل راس لاحتمت روس النشاما ماحما

انا بدويً على الفطره ورجلً صريح احب وضح النقى واصحاب وضح النقى حتى عدوي ماحب اشوفه وهو يطيح اجل رفيقي لامنه طاح ويش تهقى ؟

طبعي أجنّب عن الأوادم وأصد لاشفت ما لا يستحق إهتمامي في ذمتي ماهوب معجزني الرد أنا أعتبر صمتي جزءٍ من كلامي لكن عندي كل حاجة لها حدّ قبل توصل هيبتي وإحترامي صدّي عن اللي ما يبادلني الود شيمة لنفسي واحترام لمقامي

انا يا صاحبي ماني ذليل ولا سليل ضعوف لذا لا تستهين برجعتي لك وأحسب احسابي اصد عْن الوله يومه ينادي. صدة الملهوف وارفرف لك غلى في هجرتي واخالف اسرابي

اطلع وانا غايب من الغايبين الحضور ما اطلع وانا حاضر من الحاضرين الغياب لا تتهموني بفرط الكبرياء والغرور لو ماني بذيب كان اكلو عشاي الذياب لحدٍ يعاتبني اليا صار قلبي جسور عاتبت نفسي كثير الين عفت العتاب

تعبت اشل السيف واشد الحزام في معركه ما ينعرف صنديدها

ترا المراجل قلب ، وذراع ، وعزوم نستثني ( اشباه الرياجيل ) منها تباّعة المقفي ، وكرارّة النوم ذي تسقط فروض الرياجيل عنها