Tha3lob

لكل أصحابنا واخواتنا من جيل Z ولأهالينا الأكبر مننا ❤️ لإسقاط أي نظام دكتاتوري مثل هذا النظام @AlsisiOfficial لازم يكون عندك عنصر مهم جدًا وهو البديل.. البديل ده لازم يكون فيه خصائص مغايرة تمامًا للخصائص السيئة للنظام الحالي اللي الناس عايزة تشيله بسببها. طيب ازاي نقدر نعمل ده ونخلق النموذج الإيجابي والمغاير تمامًا له ونظهر ونثبت قدراتنا كشباب مصري عنده القدرة والمهارة؟ هنا يجي دور سيرفر الدسكورد بإسم يجمع شباب مصر كلهم GenZ002 وسيتم إطلاقه غدًا إن شاء الله. "الصورة مثال صغير ؛) " تنسيق وبناء السيرفر "غدًا سيتم نشر الرابط" بيسمح لكل من يدخله بالتناقش وتقديم الأراء والمعلومات والمقترحات بكل ما يخص المشاكل اللي بتعاني منها مصر. "لما تدخل السيرفر هتشوف التنسيق" برضو بيكون عندنا مساحات للنقاشات والمقترحات كلها للتطوير لو عندك فكرة شايفها هتحسن من ادائنا السياسي والديموقراطي تقدر تطرحها وكله يشوفها ويتفاعل معاها ويقول رأيه. إحنا هنعمل الأول على خلق كيان دولة شبابية موازي للدولة الحالية ولكن بكل الصفات اللي بيطلبها الشباب وأهالينا من حق وعدل وكرامة وديموقراطية وحرية وهنكون مغطيين كل الجوانب الدستورية والأمنية والسياسية بحيث نبقى عارفين إنه لما ننزل الشارع نطالب بحقنا وفقًا للدستور والقانون فإحنا عارفين بالظبط احنا عايزين ايه وايه اللي هيحصل بعد السقوط ومنسمحش لحد يسرق الثورة ولا يركب عليها ويتزعم علينا زعامة غير حقيقية والمجلس العسكري يركب تاني. على سبيل المثال.. بعد اطلاق السيرفر وبدء النقاشات والحوارات هيكون في مدة زمنية بيصوت عليها شباب السيرفر هنخصصها للنقاش في شكل المرسوم الثوري اللي هتقوم مقام الدستور اللي سيتم تعطيله بعد رحيل النظام. المرسوم الثوري دي هيتناقش فيه كل الشباب بما فيهم خبراء قانونين معروفين ومحترمين وكله يطرح آراءه ورؤيته ويتثقف ومن كل الأراء اللي سيتم طرحها والنقاشات الواعية ومن رحم ده سنصنع مرسوم ثوري نصوت عليها كلنا وبنتيجة الأغلبية سيتم الموافقة عليها واعتمادها لما بعد تعطيل العمل بالدستور وسقوط النظام وكده كلنا لما ننزل الشارع فاحنا كلنا على نفس المستوى و فاهمين وواعيين ومحدش يقدر يضحك علينا ولا يفرض علينا أمر واقع.. لا ده كان زمن وولى.. الشباب هو اللي هيفرض الأمر الواقع وهيحكم! لو لم يوافق الشباب على الوثيقة وشافوها غير مرضية سيتم اعادة الصياغة وطرحها للتصويت ولو اكتر من مرة حتى يتوافق الناس ويحصل على نسبة الأغلبية. "مفيش فرض آراء ولا تسلط ولا دكتاتورية تاني.. كله يشارك ويعبر ويقول رأيه وسيتم العمل بيه والتصويت عليه" بعد كده هيكون مثلًا في نقاشات مختلفة بخصوص مثلًا: خارطة الطريق، الفترة الانتقالية وشكلها ومدتها ، شكل الدولة والمؤسسات، الداخلية والأمن العام ، الجيش وموازنته العسكرية المخصصة للتسليح، محاسبة كل من افسد وزيف عقل الشعب ودمره ، وإزاي هنحافظ على الأمن العام للبلد بعد انسحاب الداخلية عشان هما هيعملوا كده ١٠٠٪ وإزاي هنتعامل مع البلطجية إلخ.. (الخطة ١٠٠ والخطة ١٠١) من الآخر احنا خرجنا من عباءة كل الأحزاب والجماعات الكرتونية وزهقنا وتعبنا وعايزين نبني مصر المحترمة القوية الحرة من ضوء افكارنا ومقترحاتنا ونقاشاتنا احنا كشباب شاف العالم والشعوب كلها واتعلم من الإنترنت مش من القناة الأولى وكمان الأفكار ديه هنصوت عليها ونحترمها وهنتعلم ونعلّم الديموقراطية واحترام الرأي الآخر عشان لحظة ما ننزل الشارع يكون البديل بكل تفاصيله معروف لينا ولأهلنا وللعالم كله. احنا مش عيال ومش محتاجين ندرس ٥٠ سنة يعني ايه دولة عشان نعرف نديرها ونقودها.. ادينا شوفنا اللي درس ٥٠ سنة دولة واشباهه عملوا فيها ايه! حركة genz002 ليست حزب سياسي ولا جماعة دينية.. احنا حاجة جديدة هتدخل التاريخ وكتب العلوم السياسية.. مرجعيتنا وهدفنا هو خلق مقدرات وهوية مجتمعية وسياسية جديدة في عقول أهلنا الكبار والأجيال اللي هتيجي بعدنا ومبنية على حرية الرأي والتعبير وتداول السلطة السلمي من غير قمع وظلم وافتراء! احنا صحاب وأخوات وأهل حتة واحدة وأهالينا معانا بيتعلموا الديسكورد برضو ❤️ وهيساعدونا أكيد ويشاركوا معانا بقلب الأخ الكبير والأب والعم والخال ويبقوا جزء من التاريخ والأمل.. كلنا واحد! كلنا مصريين منعرفش فرق وده اكبر كابوس الطغاة والمستبدين ومحدش هيضحك علينا تاني وايدينا في ايد اخواتنا الكبار الأبطال بمختلف توجهاتهم كلهم و اللي بدأو ٢٥ يناير واتعلمنا منهم النضال و بنمد أيدينا ليهم كلهم بدون أي تمييز أو فارق وبنقولهم تعالوا مع أخواتكم الأصغر منكم وشجعونا وساعدونا وشاركوا وتعالوا نكمل حلم ٢٥ يناير تاني! الحلم الجميل اللي هيخلي مصر فعلًا أم الدنيا مش عرت كتفها وكشفت ضهرها زي المفسدين ما عملوا فيها! #GenZ002