DR WAG_WAG

دار الإفتاء: يجوز الاشتراك مع غير المسلم في الأضحية من البقر والإبل المصدر: الموقع الرسمي لدار الإفتاء

العراق الذي نحبه ! —- فيه عراقين للأسف الان وليس عراق واحد ! فيه عراق نحبه ، عراق بغداد الرشيد وسوق المتنبي وصوت ناظم الغزالي مع شاي سنكين ، نحب عراق أهلنا اللي بيننا وبينهم دم ولهجة ونسب . هذا العراق عمره ما كان غريب عنّا ، لا على الخليج ولا على السعودية تحديداً ، وحتى لهجة أهل البصرة أقرب لنا من لهجات كثيرة حولهم ، والعراقي البسيط كان دائمًا يشوف السعودي والخليجي أخ قبل أي شيء ثاني والعكس صحيح . وعشان كذا لما فتحت السعودية منفذ عرعر بعد سنوات طويلة ، ولما دخلت الكهرباء والاستثمارات والتجارة ، كانت الرسالة واضحة : العراق عربي وأهله أهلنا . —- لكن للأسف في عراق ثاني ، عراق صنعته إيران بعد 2003 ، عراق الميليشيات والمحاصصة والسرقات والولاءات الخارجية ..عراق نوري المالكي وشلّته ! دولة طافية فوق بحر نفط وغاز لكن شعبها يعاني من الحر والكهرباء والبطالة والفقر وحتى شح المياه ..تريليونات في الميزانية لكن المواطن ما شاف منها أي شيء ، آخرها سرقة القرن "نور زهير" وفوقها قاموا بتهريبه .. واحد سرق اكثر من ملياري دولار وهرّبوه ! كل وزارة صارت غنيمة وكل حزب عنده ميليشيا وكل ميليشيا عندها راعي خارجي ، وتحول العراق كأنه بيت مفتوح ، إيران تتحكم بجزء وأمريكا بجزء وإسرائيل تضرب من جزء ، والشعب بالنص يدفع الثمن. وعلشان ما انسى ماشاء الله عندهم قنوات تلفزيونية كثير ! طبعا كل ميليشيا عندها قناة تلفزيونية أو اكثر تحرض وتهاجم وتسب ولا فيه رقيب ولا حسيب واذا انتقدهم اعلامي اغتالوه بدباب أبو كفرين أو اغلقوا برنامجه مثل ما سووا مع إعلامي عراقي كبير مؤخراً " الاستاذ عدنان الطائي " وهنا اسمحوا لي أستعير كلمة الإعلامي حسن شويع : يعني تفضل ! تخيل حكومة ما تدري وش يصير في صحاريها ، وميليشيات تطلق المسيّرات على جيرانها باسم السيادة ، أي سيادة يارجل !! وفوقها قواعد سرية اسرائيلية تتحرك على أرضها ، ثم يطلعون يتكلمون عن حماية الوطن ..أي وطن؟ الوطن اللي يسرقونه ؟ ولا الوطن اللي يبيعون قراره ؟ —- نحن ما نكره العراق ، نحن نكره اللي سوّوه بالعراق ، نكره المشهد اللي صار فيه السلاح أعلى من الدولة ، والفاسد أقوى من القانون ، نحب العراق اللي فيه الجواهري ومظفر النواب وياس خضر ، مو العراق اللي تديره الفصائل ! نحب العراق العربي اللي حدوده مع السعودية جسر ومحبة مو جبهة وصراع . والحقيقة المؤلمة إن العراق الحقيقي ما مات ، لكنه مدفون تحت الركام ، تحت الفساد والسلاح وسنوات طويلة من العبث! لكن مهما صار يبقى العراق أكبر من الميليشيات وأكبر من الأحزاب وأكبر من كل اللي حاولوا يخطفونه ، ويبقى العراقي البسيط أقرب لنا من كل شعارات السياسة . —- تحياتي 🌷

NEW: France has formally opened a judicial investigation into the 2018 murder of Jamal Khashoggi, targeting Saudi Crown Prince Mohammed bin Salman. A judge from France's crimes against humanity unit has been appointed. It's the first time a French judge has been formally assigned to probe MBS's alleged role. Saudi Arabia has not commented.