محمد النشّاق

@alzuaby الحين حتى لو يروح الليل ما راح الظلام مدري متى لون الحياة يْعود مرة ثانية الله الله يادكتور

هِزِّي إليكِ العُود يتساقط تناهيد وغرام على شجون الكُرْد هِزِّي العُود مَرَّة ثانية ما يصلح لهذا المقام إلا مثل هذا المقام غَنِّي لنا "يا مْصَبِّر المَوعود" مرة ثانية إذا نزل صوتك على جِدْب المشاعر يا سلام تصير نبضات القلوب وْرود مرة ثانية وإذا انحنَى عُودك على عُودك خَلَص كل الكلام أحسّ بِإنّ الله بَعَث داوود مرة ثانية تمايلي والليل تَوّه ليه أنام؟ وكيف أنام؟ جُودي على روحي من الموجود مرة ثانية الحين حتى لو يروح الليل ما راح الظلام مدري متى لون الحياة يْعود مرة ثانية تقدَّم الساحر مكان الراهب ومات الغُلام وأصحاب الأخدود اِحفرَوا الأخدود مرة ثانية تمايلي يا أم العيون السود وإن قالوا حرام تمايلي يا أم العيون السود .. مرة ثانية

@n_f3a الله يصح بدنك ويسلمك🙏🏻

@asbei3 كل بيت عن قصيده صح الله لسانك يابو عبدالله 👏🏼

ليه أغني غزل و أنا مفارق غزاله؟

@dih2i أستذة يابو محمد

للمشاوير صوت وللحياة ألوان وللرسايل قصيد وذكريات وشوق كنت أدوّر على أدنى سالفة.. والآن تاركٍ في زوايا الذاكرة طاروق أدري إن السنين تعلّم الإنسان والتجارب عذاب الطارد الملحوق خلّ الأفواه تنطق والوجيه تبان وأسمع الشاعر الواثق من المطفوق كل لحظة ماتشبه لحظة النسيان وكل ضحكة ماتشبه ضحكة المعشوق أنت ياللي عطاك الله من التحنّان الله يزيد عمرك بالحلا والذوق ايه أحبك وأشوف إن العتب برهان واحدٍ مايعاتب مايعرف يتوق لك معي ما يشدّ الخاطر الزعلان ولي معك ما يتلّ القلب والمعلوق قد مضى الوقت وأحداث العمر سيّان ما تداوي جروح ولا تبلّ حلوق لين جادت بك الدنيا رضى وإيمان نعمةٍ جابها ربّ البشر من فوق

@mohmdalathbh الله الله الله ، الله يصح لسانك يابو راشد

انت انتصاري في عيون اشرس عداي وهزيمة اللي ما انهزم في حياته

@MM0tb ياسلام الله يصح لسانك يابو معضد

من اسمه قد عرفت ان الليالي لو تعقد الراي ما هزت فالمواقف من يشوف ان ربعه عضوده

@Alsraheed ما بقى من حبه ألا بقايا ذكريات ودي إنه راح كله وأخذها كلها ياسلام يابو سعود

بين لحظات التجلّي ولحظات الشتات روحي أدنى ؛ ما يتلّ - الشعور - يتلّها كلّ ما قامت تغنّي طرب .. لـ المقبلات رجّعتها - كل - « ثورة حزن » مَحلّها يشتويها الخاطر اللي جروحه مرمسات والعيون . . اللي ( تدوّر دموع ) تهلّها صاحبي من باب ماجا على ألسنة الرواة ماأطيب مْن الحاجة اللي تجي في حلها الظروف اللي تحدّك من الاربع جهات حلّها عند الله .. اللي جدير بـ حلها والهقاوي حملها آثقل من جبال السرات لا تعلّقها على اللي ماهو بـ كفوٍ لها مشكلتك إنك تهقوى .. بدون مبررات ماتحسب حْساب دق العلوم وجلها ولّا من بد الشجر والغصون اليانعات شجرة الزقوم من ينسدح في ظلها ؟ والله إنّي يوم أبدّي على الهرج السكات تندبل كبدي . . بـ كثر الهروج وقلها مبتعد عن كل زحمة بشر مجلود ذات بين ( يا ليت الليالي ) .. ويا لعلّها وسارحٍ مع ذكرياتٍ قديمة وأمنيات خايف إن كبدي عليها تموت بـ غلها من تركني حاير البال مهزوز الثبات لا صمل ؛ يِجهز على روحي ولا بلّها التشبث فيه مثل التشبث فالحياة بس أنا حتى . . حياتي بديت آملها ما بقى من حبه .. ألا بقايا ذكريات ودي إنه « راح كله » وأخذها كلها

@iissub مبدع يابو عديس

البارحه مرتني الفرحه بعد طول الغياب " واثاري الفرحه تعدت لين خلتني ممر " مرت ذهاب ولا دريت انها ذهاب بلا اياب راحت وخلتني مع الحزن العميق المستمر بعد الفراق اللي ما عقبه لاسؤال ولا جواب وقبل الشعور اللي ما بعده شي يهدم ويْعمر راحت من تجيب السرور وتعمي عيون العتاب لا جات منها زله [ الزله طبيعي تنطمر ] ماقالت السنة الرّواه وجابت حروف الكتاب مثل الوصوف اللي تحاليها لا بيض ولا سمر تمر واليا مرت الشارع .. تّلف الها الرّقاب تقول كنها ! كل مامرت يجي للناس أمر 'تَلفت عيون العباد وتّعقل يدين الركاب ' [ وتغني الدنيا وتّبعد شمس وتطلع قمر ] يبين شي من الخيال وشي من بنت السحاب ويبين حسن الوصف والزين الحقيقي ينهمر معها يذوب اللي ما عمره من هوا الخفرات ذاب تقدر تسوي بالعقول ! اللي يسويه الخمر راحت ! وانا من يوم راحت داري انها ماتّجاب عشانها فرصة عمر ناظرت قانع بالامر ناظرتها مثل المحيم اللي يناظر للسراب ووادعتها هاك الوداع اللي يمر ولا يمر ! يّحفظ مثل مايّحفظ المعروف من سمح الجناب ويحرق مثل ما يحرق اللاهب واحر مْن الجمر [ قدام عيني لو يحط الوقت ما لذا وطاب ] ضحيت فيها لاجل ليلة وصل تّشرا بالعمر

@yvvuuy عذب جداً ياعبدالرحمن

@MM0tb الله الله الله ، الله يصح لسانك يابو معضد

عزاي اني من اللهفه ما جبت الطارف الميسور كتبت اللي محد جابه عشانك ، بس ما جابك

@n4iih شرفتني🙏🏻

@asbei3 "ظلم غيرك ظلام وظلمك انتي عداله" أكتفيت

@s1iirl الله يصح بدنك ويسلمك🙏🏻

@asbei3 ابدعت صح لسااانك يا النشّاق 👏

@nii911_ 🙏🏻🙏🏻

@saadalspoq الله يصح بدنك و المبروك اللي يجوزلك يابو عمر

@asbei3 كبييير يابوعبدالله صح الله لسااانك👏🏻

@Onlyformyhurts عليك🙏🏻

@asbei3 الله الله !

@OmarRsheeed سلمت ودمت يابو رشيد الغالي🤍

@asbei3 ياسلام يابو عبدالله ابدااع

@i66ef 🙏🏻🙏🏻

غالي الجرح ما دامه من يدين غالي يمكن يكون عله بس ما هو بـ عاله نصف ديني ربيع أيامي و راس مالي ظلم غيرك ظلام وظلمك أنتِ عداله

@Ald7miSuhaim الله يصح بدنك🙏🏻

@asbei3 صح لسانك يا محمد 👏🏻

@11t_99 الله يصح بدنك

@asbei3 صح لسانك

@f_al3mre الله يصح بدنك يابو عبدالله الغالي🤍

@asbei3 غالي الجرح ما دامه من يدين غالي يمكن يكون عله بس ماهو بـ عاله فن يامحمد صح الله لسانك ياشاعرنا

@Doctoor27 ماعليك زود💐

ماتضاهي عذاب القلب مما طراله مبدع يالنشاق مبدع