سَــرَابــ

هذّبني الحزن يوم الحزن عذّبكم وربّاني الفقد يوم الفقد بكّاكم ..

حقيقة غلاك أكبر من الظن والتخمين تهون الجروح ونظرتي فيك ما هانت مصير الزمن لا دار كانك من الحيين " يعلمك أنا وش كنت والناس وش كانت "

مهما كنا بعاد أنا غيرك مابدي !

يدوم ضحكي ، ليا من صرت لي دائم لكن خوفي من الأيام / ينّفضني ! من كثر ماني من الأيام ، متشائم : أكتب قصايد فراقك / وأنت في حضني !!

كثر ماشفت من الملامح والعيون في ناهيات الحسن من بيض وسمر ماكان فرقك ، فرق شكل و فرق لون فرق النجوم الساريات .. من القمر تمر في بال ( القصايد ) و اللحون إن ما قدرت إنك على بالي ، تمر الله يسامحني .. على بعض ، الظنون كنت أحسب إنك مرحله وأثرك عمر !

أنا أدري ماعلى قلبي من صدوف الفراق خلاف لو أن نوبات حزن الذكريات تضيّق ضلوعي "ومثلك ماتردّيه الليالي ومنه ماينخاف لو أنك كاشف أسراري وعارف وش هي طبوعي" لكِن ليه الحياة الجايره ماتعرف الانصاف؟ ياكيف أحلى الليالي معك تسقى بمالح دموعي!

وانت ياللي سبب طيبي تمادى رداك قلتلك خايف ان بعتك ماعاد اشتريك رح و الايام تثبت وين يوصل مداك وان عصت خطوتك رجليك جرب يديك بتعرف مستواي وبتعرف مستواك وبتعرف فرق ماشوفك وماشوف فيك "مثل ماكنت تدري وقتها عن غلاك والله لـِ تدري اني كنت واجد عليك".

عطيته سنين و قلب و ابیات ما تنعاف و رجع لي ابياتي ولا رجع الباقي انا بآخر ايامه سمعت الكلام الجاف و كذبت سمعي لو تشهد له احداقي وبعد ما نطق في تالي الليلة إسمي .. حاف عرفت انه العربون في ليلة فراقي !

فمان الله يا أغلى من خذلني يوم أنا شاريه عجز قلبي لا ينسى اللي يحبه رغم خذلانه بيذكرني لا شاف ان الليالي تحاول تبكيه بيذكرني لا حس انه غريب مشتاق لأوطانه أنا ذاك المكان اللي سكنته وترعرعت فيه تشوفه من بعيد وصعب توصل صوب بيبانه !

يعرف أسمي ويعرف وقفاتي ويبخصني ويدري إني فوق هقواته ، وفوق آماله َ"ويدري إنه ما يزودني .. ولا ينقصني" لو تغني : حنجرة الأبداع .. من مواله !

صباح الخير🌸

@f7xff_ الله

أتطمن عليك من بعيدٍ لبعيد وأراقب حساباتك ويوميًا أمرها هذا الحال وغديت كأني حديد الأماكن كأني أشوفك لا جيت أمرها يا واحدٍ جمعتنا ليلةٍ وصل فيها بريد ترا الليالي بعدك النقص فيها ومنّها تعال ترا طبعي سموحٍ يمشي بالوريد أبسامحك لو كلمةٍ منك كان جرحها

صباح الخير🌸..

"أنا الطريق الممتلي بالمحطات لا تخدعك رحابتي .. وإمتدادي مافي دروب التايه إلا المتاهات وصوله بـ وادي .. ومشيه بـ وادي غيري كثير .. اخترتني ليه بالذات ؟ ليه اختيارك كان غير إعتادي ! وشلون تملى بالفراغ الفراغات ماخفت من هذا الشغف والتمادي !

عشقتك من بدايات الفضول لغاية الادمان وعرفت ان العرب من دون قدرك كلها تصغر لقيتك لي غناة ولاني بقانع ولا رويان وعرفت اني على فرقاك لا يمكن ولا اقدر ولقيتك عند هقواتي ولا ذوقتني خذلان لو ان الناس في تال السنين بغدرها تجهر !

يحيا حياته فارقٍ ماله أشباه لو قلدوه الناس .. ماينتشبّه سهله تمرّه لكن صعبه تعدّاه تبقى بذاكرتك وساويس حبّه أكثر ما قالوا في صواديف ملقاه عز الله إن اللي مربيه .. ربـّى🤍.

قد لا أكون مفهومًا لكنني دائمًا حقيقي .

صباح الخير🌸..

دام إن العمر فاني.. وكل الليالي قصار تعال أقطف زهر عمري ترى ما حول قلبي سور تشوف إن الطريق أطول وأشوف إن الأماني كثار ولا تكفيني الدنيا لو أشرب من هواك بحور وأشوف إن ضحكتك غيثٍ حيَت عقبه صحاري قفار مثل ما الأرض ممطورة ثرى صدري غدا ممطور !

صباح الخير🌸..

لدّي النظر يا أم العيون اللي نهايتها إحتلال ملامحك لا شافها المخطي يبادر بالعذر أنتِ اليقين الراسخ اللي مايشوبه إحتمال وأنتِ الثواب اللي تجلّى لي بعد شدّة صبر من حقّق الله حلمه ونالك رغم أنف المُحال يستاهل يعيش الحياة وبداخله نشوة نصر !