الهنوف العتيبي ♊︎

يقلع ابو الضحك يا @JarirBookstore الحين اروح المعرض ابي اشتري جوالين ايفون ١٧ برو للوالد وايفون ١٧ برو ماكس للوالدة يجي يسوي لي سالفة وينادي موظفين زيادة ومدري مين واخرتها بعد انتظار ربع ساعة يقول لي والله مانقدر نبيع لك اكثر من واحد، قلت على اي اساس ؟ قال والله ايميل من الرياض، قلت له طيب ابغى مدير المعرض بكلمه، قال لي والله مو موجود. المهم بعد شد وجذب طلعت من عندهم مستاء جدًا من تعاملهم الي اقل مايقال عنه سيء وكأني جاي اشحذهم الايفون ولا كني بدفع ١٤ الف ريال، وارجع سيارتي افتح تطبيق جرير واطلب الايفونات واسدد بالبطاقة وتكيت ربع ساعة لين جاني ايميل انها جاهزة ورحت استلمتها. الي ابغى افهمه بس، ليه تبغى تعقد تجربتي كمستهلك ؟ ليه تخليني اتمرمط داخل المعرض ربع ساعة تنقلني من موظف لموظف عشان ايفون، واخرتها ارجع سيارتي واطلبه ولا قال لي عندك حد ايفون واحد ولا شي. عالعموم هذي كانت تجربة سيئة جدًا جدًا واظهرت لي انه فعلاً مافيه ولا واحد يعرف يتعامل مع العميل في المعرض، كل ما سألت واحد وداني للثاني ولما اطلبه اسمه الثلاثي يبدا يتهرب ويقول لي هذاك المسؤول ومدري ايش. هذي نهاية توظيف كل من هب ودب.