اعترافات شخصية

"السلام عليكم ، الله يعطيكم العافيه عندي شوفه شرعيه بكره والصدق اني متوتر بشكل و كيف بتكون الاوضاع بالنسبه للي مرو في نفس الوضع وكيف اخفف عن نفسي القلق ذا اللي جالس امر فيه واهوجس فيه لأني خايف الارتباك يأثر علي وقتها"

"السلام عليكم ، خطبوني اثنين كلهم من أقاربنا واحد دكتور بس ساكن بالرياض وأنا من أهل القصيم وطول عمري عايشه فيها ومالي احد بالرياض والثاني معلم وهنا بالقصيم احترت مره اوافق على مين فيهم المعلم مميزاته بالنسبة لي أكثر العيب الوحيد انه راتبه متوسط مايتقارن بالدكتور تكفون شوروا علي"

"وش نصيحتكم للزوج اللي يخوون زوجته كم مرره ويبيها تتقبل هالشي مع العلم ان بينهم اطفال؟"

"انا متزوج لي سنتين صار موقف بيني وبين زوجتي جرحني حيييل تفتيش جوال وياليت كانت هي حكيمه لا فضحتن وشوهت سمعتي عند اهلي وراضيته بس قلبي عيا يطاوع اغليها واحبه ومخطط اعرس بس كاتم هالشيء لين موعده ونيتي تجاهها رد اعتبار بس انتظر تزين الامور طبعا بيننا طفله وولد شورو علي يالربع؟"

"صار عمري 33 وما تزوجت، كنت مخطوبة وفسخت، وبعدها كل الي تقدمولي رفضوني ما عدا واحد مصرّ من زمان يتقدم بس مواصفاته مرفوضة عند اهلي فما اعطيته مجال يوصل لاهلي ويفتح معهم الموضوع ,ادعوا لي .. الله يخليكم ويسعدكم ويحقق امانيكم .. كل اللي حولي تزوجو وخلفو وانا مشتتة"

"انا عمري ٢٧ دكتورة و درست خارج المملكة وبنت عائلة معروفة تعرفت على شاب بالصدفة و حبيته وحبني ويبي يخطبني الشاب جامعي لكن ماعنده وظيفه مستقرة، عنده محل يسترزق فيه، و من عائلة بسيطة، فيه فروقات اجتماعية بين مستوى اهلي واهله هل تنصحوني أتغاضى عن كل الفروقات المهمة هذي؟"

"انا عمري ٢٦ واحب وحده عمرها ٣٣ .. تم الموافقه بس انا في حيره .. هل الزواج بيكون ناجح ؟ وايش رايكم بالموضوع ؟"

"السلام عليكم انا عمري٢٥ وتقدم اي شخص عمره ٤٤ كان مديري واشتغلت عنده من ٢٠١٨ وكان محترم وطيب وماشفت منه الا كل خير تقدم لي هالسنه وخايفه من فرق العمر هو ماتزوج ولا سبق له الزواج ومستقر مادي جدا يعتبر غني لكن خايفه من فرق العمر لو كنت بمكاني وش التصرف"

"السلام عليكم انا زواجي قريب بعد ٦ شهور وعندي منطقة الفخوذ اسمن من جسمي مو سمنه مفرطه لا وسط لكن تعتبر هي منطقة السمنة عندي يعني سمنه عاديه لكن اخاف هالشي يؤثر علي والرجال مايحبون هالشي واخاف انحف ويخرب جسمي شورو علي"

"اعترف ان علاقتي مع اختي سيئه جدا بسبب مشكله زي اي مشكله بين الخوات لكن الغريب ان بعد هالمشكله ما عاد رجعنا تكلمنا وللاسف بنكمل شهرين بدون ما نطالع بعض حتى وكل هالفتره انتظر المبادره منها لانها الغلطانه ولكن للاسف لما بادرت قررت ترمي كلمه تجرحني مره وتمشي وهالكلمه الي رمتها مع البعد خلوني اكره اختي تدريجيا"

"اعترف اني غلط غلط عمري سالت زوجي مين احلى انا ولا اللي كان يحبهم قبلي مارضي واصريت وصارت مشكله قال اجابتي ماراح تريحك واصريت انه يجاوب قال هم الثلاثه اللي قبلك احلى منك والله حاليا في قلبي غصه ولا قادره اقول لاحد واللي قاهرني اني جرحته بالكلام جرح عميق ومسيت رجولته وعلى شكله ومتنه وهو ولا فارق معاه يقابل كلامي الجارح بالشكر والتطنيش وقال لي انتي اللي سالتي ايش اسوي اتمنى القى حل يطفي ناري اللي بداخلي"

"سلام ممكن تعرض رسالتي بدون يوزر المهم انا ابوي عمره ٧٠ سنه مريض وامي عمرها ٤٥ بدايهً ابوي قبل سنتين تعب وصار يعني مو شديد على حيله نفس قبل يعني بالمختصر تعبان شويه لاحظت من فتره ان امي تكلم واحد وترسل صورها له ومغازلات وكلام حب !! انا هنا صُعقت مدري وش اسوي والله العظيم السالفه تاكل وتشرب معاي يعني امي معروف انها انسانه مره محترمه ومن كل الناس معروفه لكن وش اللي غير حالها لـ كذا انا ماعرف حتى ماكانت عليها ملاحظات ابدًا قبل تعب ابوي مستقرين من جميع النواحي من فتره هذا اللي لاحظته تزلب ابوي وتنفر منه وماتبيه وانا الاحظ انه يبيها لكن تهاوشه وتطرده عنها ماتبغاه يجيها بينما هي بالجوال كلام غزل مع الشخص ذا تكفون شورو علي وش اسوي لان ابوي زمان مو مقصر عليها ب ولا شي هذا اللي خلاني استغرب ومايقصر ابدًا كل شي يعطيها تتوقعون ليش سوت كذا هل فرق العمر له دخل ؟ طلبتكم بدون تجريح ابي حل"

"انا متزوجه من مطلق معه ولد يعشق طليقته حاولت فيه مايكلمه ولايراسلها لكن ماقدرت وقريب حضرت زواج ولد عمه وهي ولد عمها وشفتها وشافتني لما رجعت جلست تتتهاوش معي وهو لما درى حس انها غارت وانقهرت وراح وقالها برجعك انا هنا مت تعبت ساعدوني وش اسوي حزينه جداً"

"السلام عليكم. والدي رجل كبير بالسن وعنده زهايمر مو فاقد الذاكرة بالكلية لاكن لديه خلط ومايميز في الكلام عندما يتكلم مع الناس أشعر بالحرج حتى تبدأ جبهتي تتعرق من شدة الاحراج والحياء والمشكلة أنه مو راضي يسكت هو كثير الكلام ! ساعدوني والله إن حياتي تحولت إلى جحيم"

"السلام عليكم ، توني عروس وزوجي مايرسل لي ابداً ولايسأل عن حالي عادي لو ارسلت له انا من باب اني احسسه بوجودي ؟ ( يتأخر بالرد )"

"انا موظف في احد البنوك اخوي طلب مني اسوي له خدمة لكن انصدمت بعد ما دخلت حسابه انه يدفع شهريا مبالغ تتجاوز ال ١٠٠٠ ريال في مواقع اباحية وش التصرف الامثل والسليم ؟؟"

"السلام عليكم انا زوجي موظف بشهادة تقنيه ورتبته اعلى من رتبة اخوه الجامعي ،، زوجة اخوه الجامعي اللي هي سلفتي دائماً تتحلطم تقولي ان زوجها جامعي وتعب بالدراسه وماتوظف الا برتبه اقل واحس مرات تزل لسانها وتقول عكس فلان اللي هو زوجي شهادته تقنيه وتوظف برتبه اعلى كأنها مستحقره شهادته ! ليش الحسد😣؟ طيب هذا رزقه الله كاتبه له وماقصر معهم بأمور كثيره وهي سلفتي موظفه وتقدر تساعد زوجها وانا مب موظفه وعندنا امور متعطله كانت علاقتي معها حلوه من بعد كلامها هذا تضايقت منها وماارتاح لها صرت رسميه معها ومااعلمها بشيء .. مع العلم ترقية زوجي قريبه ! مااعرف كيف اتصرف معها"

"السلام عليكم عمري ٢٦ سنه وانا مع امي واتمنى ارتبط بس يكون شخص كويس محترم بس مشكلتي انه احنا يعني امي مو من النوع تروح مناسبات وكذا ، وابي اكلم خطابه بس مابي اكلم اللي عن طريق تويتر يعني اخاف من عدم المصداقية، إذا في خطابه جاده بالشرقيه"

"هل الرجل الطبيعي يتقرف من السمينة ؟ او انه منخفض هرمون الذكورة؟ ام مسألة أذواق؟"