ابراهيم لفى

تحاكي بسمتك كل ابتسامة في وجيه الناس :)

ياخويّي لاتصير بماقفك متشدّد الحياة تطوّعك لاصار عقلك مارد لا تلاوم بالغرام اللي هواه محدّد يطرح الخاطر على شف الغزال الشارد ودي انّه طول عمره بيّن ومتصدّد لذة العشّاق لاصار الوصال مطارد الغلا اللي كل ليلة خاطره متجدّد ماني مخليه خلوك بصقيعٍ بارد النصيحة تنفع اللي وده ومتردّد ولا انا الله لايعوق بـ شرّ وارد وارد

#بيان | تعرب المملكة العربية السعودية عن رفضها وإدانتها بأشد العبارات للهجمات الإيرانية السافرة والجبانة التي استهدفت منطقة الرياض والمنطقة الشرقية وتم التصدي لها، وهي هجمات لا يمكن تبريرها تحت أي ذريعة و بأي شكل من الأشكال، وقد جاءت على الرغم من عِلم السلطات الإيرانية بأن المملكة أكدت أنها لن تسمح باستخدام أجوائها وأراضيها لاستهداف إيران.

نختلف؟ نعم وهذا طبيعي .. ولكن نتفق أن أمن الخليج خط أحمر أمن الإمارات أمننا أمن الكويت أمننا أمن قطر أمننا أمن البحرين أمننا أمن عُمان أمننا الاختلاف لا يلغي وحدة المصير —- نسأل الله أن يحفظ دول الخليج وكافة الدول العربية

أقول: ياوطن شع نورك فالصباح الجديد لابس أحلا لباس وشايل أكبر حِمل في صباحك قرار وفي مساك السعيد " يستقر الأمان ، ويستمر العمل " والحمول الكبار اللي على أرضك تزيد مالها غير " ابوسلمان " درع وجمل . #يوم_التاسيس

قولوا لنجل العيون البعد مايبعد شعور الحبيب لو رفّت اهدابـها يمّي خفق نبضي على شانها وقولوا لها لاتظنّ الحب لاغابت معاها يغيب واناااا لو اقدر على النسيان ماحاولت نسيانها

مايستر جروح صدري غير ثوب الصبـر ولا يستحي من دموعي غير راحة يدي ماضاع حلم العمر ضاعت سنين العمر يسرقني الحلم وحساب الزمان ايعدي

نذرت الحسايف ثارٍ لـ عمري اللي فات ونجّـاني الله من رزايـاه بـ اعجوبة لايبقا هواك ينازع الصبر بـ الحسرات تبين الفرج بـ اسلوبٍ يخالف اسلوبه ! ظليمة عيوني ماولَف دمعها الاصوات وهي غيمةٍ من مهجة القلب مصبوبة على شان لذة حبّ ندفع عشر لوعات وش الباقي اللي نتلف الروح بـ دروبه

والله من البرّ ياقلب الحبيب القطوع اللي تمادى على المعروف واستبدله ذكراك خلّيتها حيلة وسكّة رجوع لو انها لاحقتـك انحلّـت المشكلة

ياغطروف ورحاب الصدر غيهب الكتمان تهادى على اوسط عرق بين الضلوع وغَنّ شف اللي يلاحي سجعتك ماهو بـ طربان يشيل اقصر لحونك تقل شايلٍ له طَنّ يابلواه من جرحٍ قطع نقذة الشريان يبشّ الدم اليا استورح الذكريات وجَنّ عطا كلمتين بلوح روح وطرب واشجان وعطا وسعة الصدر لبليد العقل وانجَنّ معي لك ثمان معلّقات بـ ثمان الحان تلاعب هواك ملاعب الخيل قبل اتعَنّ وش الفايدة لا سارت بـ لحنها الركبان ولا القى ضميرٍ كل ماروجعت له حَنّ اصبّ الشعر صبّ السواقي وانا بحلان واشـوفه نكـد يوم المعافى يشوفه فَنّ وش اقول يوم امسيت غربٍ من الفيوان وخلايل غرامك يوم سجّيت ويش ابدَنّ ياليتك سمرت الليلة اللي قمـرها زان وانا اشوف وجهك لليقين اقرب امْن الظَنّ تحرّا عيوني نجمة الصبح قبل تبان ولو الصبح يقشع ليلـة الوجد مانامَنّ غلبني شعور الفقْد واجحفني الخذلان وكم بارقٍ لاغضيت عيني رزيمه دَنّ انا ماعطيتك لـ الصواديف والنسيان عطيت انحري لرماح شوقك ولا عيَّنّ بعد عينك امست وحشة الليل فـ الوجدان وعنـدي كـلام ابيه يسمَع وابيه يكَنّ ذنوبك تسدّك وش تبي في ذنوب انسان يـدوّرك فـ وجيه المقـابيـل لا لـدَّنّ وقف عند لحظة وابتـلاه اسمك الرنّان لو يسجّ عن ذكراك لحظة في سمعه رَنّ

ياحظ منهو نوم عينه بمخباه اليا تساوا مات فوق الوسادة الليل هذا ماهنالي بممساه فضله علي اليا قلبته عبادة كن السنين الماضية في ثناياه يشرب دَمْ الشريان والصبر زاده ياشيخ ياطول البطا منك طولاه والله مهو لك ياكحيلان عادة اخوك مشهاب التباريح يصلاه همه شعب ركبه وزاد اجتلاده انت تعرف وش ساس كل المعاناة وتعرف وش يبري مواجع فواده دعواي واصلتك ورجواي بالله اللي تحت حكمه يسيّر عباده

لا انثنى خصرك من النود لا هبهب شمال ما لشرهات القصايد من اللوم اشعره يبتدي ..حرف المشاعر على لبه.. وشال لين معسول الشفايا و جمره و انحره من يقول الحرف ما هو من الخمر الزلال ما عرف حكي الشفايا و خمره و اسکره بين نظرات التغطرس و شي من الخيال والجديل اللي غطى فوق ردفه و اظهره شاهر الشلاحي

من اول نفس للشمس ومن آخر الانفاس ادفي نحايف لفحة الشمس تكسرها واذريه عن برد الهوا واترك النسناس يرتب مسى الغره ويرجع يبعثرها مثل مايحس بكل الاطراف عرق الراس انا احس في رجفة يديه بحذافرها ومثل مايغير شكله الماء بشكل الكاس اصخر على مشهاه نفسي واغيرها انا من قبل لا اعيش حبه وقلبي حاس وروحي تحرى منه طاري يطيّرها اغني بكل احساس واسكت بكل احساس وتنتظره عْيون القصايد يناظرها يماري بخد وقد وبفارع وميّاس واماريه باللي كل صعبة تصيّرها ليا قال كل عيون ( ناسي ) تذوب نعاس انا اقول لي لابة وحمرن نواظرها

لايثر عليك الحزن ، من موتة الناقه :(

بنت المطر لاتثنّا عودها للنسيم يسوقني الشوق لين اطيح بيدينها جيت اتحايل على الفرقا بقولٍ قديم ماثور بـ لسانها واسناده بـ عينها سلام ياشمعة الوجدان وام اليتيم اللي ربته الدهور وكاون سنينها اليا اثمر الوجد يفهق لك جناح العتيم ويصفّ كل الحقايق مع براهينها تبصّري بالعيون اللي طرفها سقيم وعدي ملامك عيوني لا تلومينها

قصيدة الليلة : يا قلبي إن طالت اللوعه و كابرنا الحب يمرض هله و يعيش متعافي نعايشه بين ماضينا و حاضرنا عليه الأحساس مثل المشلح الضافي حتى لو اللي جفانا ما تذكرنا حق الغلا باقي و حق الوصل هافي حنا ضحايا الجحود اللّٰه يواجرنا من عزنا ما نبي لـ جروحنا رافي لو الظنون القريبه ما تساورنا تحتالنا البسمه اللي صدقها غافي و لو نعزل الشوق عن باقي مشاعرنا ننسى وجيه الحبايب واصل و جافي بياعة الود تهناهم خسايرنا لا فرطوا بـ النقا و المذهب الصافي سلامة نفوسنا تجبر خواطرنا و اللي شربناه من مر الزمن كافي خل الطواري لـ نص الليل تسهرنا علم السهر ما يسرّ و علمنا وافي ندوّر اللي من الضيقه يعذّرنا كنا فقارى ندوّر واجب اللافي و أوجاعنا مستقره في ضمايرنا تشيب بيض الوجيه و حزنها خافي "

يابعيدي ظروف عمري سالكة بالطريق والعافية يوم اشوفك والله بـ عافية حطّي على منكبي حملك لو انّه طويق لا تتركين بـ ضميرك حاجةٍ خافية انا ولـد مدركين العزّ مانـي رقيـق والله مانشد عن الدنيا وهي جافية بالله لا تشتقين بضيقتي يوم اضيق الحزن هذا نديم وعشرته صافية علّمني بـ صدق عدواني وكذب الرفيق هاذي بـ نظرة عيوني وحدها كافية شريف وجروحه ابرك من جروح الصديق لو طاولت كل عرق اوجاعها شافيـة

~ ✋🏼 على النقا ماهو على حنث الايمان تثبت مواقفنا بـ خالص ولانا لا كلّحت بشّر بنا خير الاوطان دونه نسوم الموت لامن حدانا المجد مايسفط من اخوان لاخوان والله ماشام الا لـ طالة يدانا سقنا له جموعٍ تداعا على الشان واثمر نماه اللي روى من دمانا مالله خلقنا لقمة لـ كل طمعان يغص بـ اسمانا العدو ما دعانا وعبّادة الدينار لو تِكرم تهـان تكرم عن لحاهم سبايت حذانا والله لـ يرغي دوننا كل دجران جرّب زعلنا ثم تمنّا رضانا السيف الاجرب ماله سموع ولسان له ضربةٍ تشقر سرايا عدانا اليا انجرد من غمده بـ كفّ سلمان شيخ العرب عن ماقفه ماتوانا حامل لوا الاسلام في كل ميدان مزبان من حده زمانه وجانا حنا سلايل من نصر خير الاديان نحفظ على نهج الصحابة نقانا وديارنا من حد الاردن الى عمان اغلى ثرا فوق البسيطة ثرانا قرّي بـ امان الله ولاغيره امان اللي رفع بين الأمم مستوانا #المملكة_العربية_السعودية 🇸🇦 #السعودية_العظمى