ُ

في كل حزّة مغيب أقوَل يمديني استقبل الشّمس بكره من مطالعها اللّٰه من الصبر ومن الِوّازع الديني ومن احترام المشاعِر عن تصنّعها ماقلت فيني من الأيام ما فيني أنا قبيل الظروف اليّن اسنّعها .

يوم شفتك وقفتي والعرب جالسين قلت فديت كبد أم العيون النجل طالعيني وشوفي العالم بنص عين أنتي أجمل بنات الأرض وأنا رجل .. #فهد_بن_سهل

لو نسى وجه الفجر صبحٍ يصبر ساهرينه مانسيتك يا أول أحبك نطق فيها لساني

لا يحسبني يوم قفيت ناسيه لعيونه اني ماتحاليت عذرى ليت الزمن يرجع وانا اعلمه ليه ولا الحظوظ من المقابيل تشرى كل العذارى في الوفاء ماتساويه كنه اليمين وباقي الغيد يسرى . #محمد_بن_فطيس

لا تحسب العمر القصيّر على طول عوّد وعالج جرحك اللي جرحته خل الكلام ومرحبا حي هالزول طل القمر وانا تربعت تحته قلت الصباح انباج مهوب معقول اثر الخمار اللي على الوجه زحته مقْبلك مقبول والحكي معسول لو في يدي شرحٍ طويلٍ شرحته كن طرفك الناعس يخاطبك ويقول اما اذبح .. الرجال ولا ذبحته . #مشيع_بن_فهيد

اتصبر عقب طول الجفا حتى غديت غصن اومت به سموم الدهر لين انبرى ليتني ما جيت ضميان ولا يوم جيت ماطلبت من الهوى شرب وظلال وذرى والغرام انواع والذ واقسى مالقيت حب تشوف العنا والهنا فيه خشرا .

من خسرت البداية ماخسرت المقام ومن لمحت النهاية ماتحاشيتها لو تزيد المواجع كل ليلة . وعام ماجرحت القلوب البيض وادميتها ياسراب السعادة والرضا والسلام يانقيض السنين اللي ، تمنيتها انت مثل الحياة الفانيه بالتمام عارف اني بخليها .. وحبيتها . #عساف_ابوثنين

الطواري كريمه وانت وصلك بخيل والزمن دار بي و الحال بعدك نحل لا تسيّر عليّ . . مسيار " عابر سبيل وانت بين الضلوع العوج راعي محل .

اراعيك بالذكرى وذكرك يقوّتني ولو غاب ذكرك ويش عاد اتقوّت به انا لا بغيت اسج عن صورتك جتني مع الطيف ولا علمك الناس ما جات به عليك الضمير امهايمٍ وانتهى حتني هبوب الشمال من المعاليق هبت به . #سعد_بن_جدلان

سيطر على مهجتي وأصبحت راضٍ به اتبع خياله ويـا مرني ويـنهـاني واصحى بذكراه وأرقد واتحلم به وأعيش في حلم لا جيته ولا جاني ايامنا القشـر صدن بي وصـدن به وش حيلتي في الزمان اللي تحداني حتى التلفون يـصعـب ما تكـلم به خوف يعرض مناقيـد على شـاني . #دهيمان_الهوامله

هيه ياللي غرك الحسن و أطغاك الجمال و الله ان اموت ما شفت لأوصافك شبيه   لو يسام الحسن والتيه بجنيه و ريال ما بقى في سوق غيرك ريال ولا جنيه    كيف أهدّك للمقادير و أنتي راس مال راس مال و مال و المال ما يعطى السفيه   #ضيدان_بن_قضعان

خطفني غرام اللي على شارعه مريت غزالٍ تحت هيبة .. قوانين موطناا تجيه القلوب اللي تشابه حصا حليت وترجع وهي خضراء مثل روضة مهنا هذا عادي اليا طحت عنده ولا سميت مطيحٍ يخلي كل من طاح يتهناا اشوف الشفايف كنها شعلة الكبريت واقرب واقول الله من النار يامنا .

على وقع الوصال اللي مضا دونه ٣ شهور تباشر كل جرحٍ من جروح الصدّ والغيبه هلابك عد ما طال انتظاري ياسمي النور وعدد مازاد بي شوقي ولا دري ويش اسويبه تماثل للشفاء جرح وتسمى للحنين شعّور يبدد وحشة القلب وقسى حزنه وتعذيبه لو إني من شهر مارس قدرت اكشف لك المستور ماضيق خاطري شيٍ خذيته عاد ودي به لكن الله حفظ لـ اسررنا شيمة حياء وصدور نداري ما درينا به عن العذال تدريبه انا ويَاك ما اخترنا نهاية دربنا المهجور خذلنا الحظ لا والله خذلنا الشك والريبه لا تسمع مابدعه الشاعر وصفق له الجمهور قبل تسمع ضميره وش سبب حزنه وتأنيبه تركت من الجفا ذكرى وصال وخاطر مكِسور وخذيت من الوفا قلبٍ عجز غيرك يقفي به غلا ويجوز لك ما لايجوز لغيرك ومعذور سحى وجه العتاب من الغلا للعاشق مصيبه اذا تبا الغلا حجه ترى ذنب الوله مغفور مع اللي تكره عتابه ولو كثرت عذاريبه ماودعتك وداع اللي سمح وموادع المجبور يبين خلته لا ضاق صدره وانكشف عيبه عسى يومٍ لفاني بك عقب فقدك ٣ شهور بعد ليل الجفى وموادع العشاق والغيبه . #حمدان_المري

انت سرٍ من اسرار الحياه الجميله مايسولف به العاقل على اغلى اخوانه وانت غايه ولا لي غير وصلك وسيله وحلم ٍارجيه واصبر عمر كامل عشانه .

والله أن القلب يالترف الصغيّر عند من يزهى محبته ووقاره آدمي من عرفته ما تغيّر كل يوم فات من دونه خساره يوم قالو في بني غاده تخيّر كل ما مريت به تم أختياره وكل ما اعطيت الرسن قلبي وسيّر ما لحقته غير قده في دياره #محمد_الشمالي

عاضني ربي عن الشمس بالبدر المنير وعفت حنّيت دفاها وبرد ظلالها ما يشابه طهر الإحرام في السيل الكبير غير قلبٍ ردّ روحي على مدهالها يا حبيبي غاية الحب توحيد المصير القلوب اليا التقت ما تعيش لحالها أنت كنّك ركعتينٍ مع الثلث الأخير كان ما صليتها ما عرفت أفضالها #مهند_الجمل

يامكاسيب التجاره ويابسط الحياة يا قبالاً طلته مثل مطلاع الجـديّ ياغناتي والله أن مالنا عنكم غناة غير من حكم المقادير يا وين أغدي .

أطلسِيات النسبْ وُضح الطخايم نسافات المُوج في شّهب الصّحاري فُوق دايةَ داعَج العْكش النوايم تردف الوّنَات وتعل العَباري سل حالي منه سلال المهايم ثم غدا عمري ومفناي ودماري أيتومن بي ذعاذيع النسايم في صفر الصبح وصفر العصّاري من شرَب من سم لذات الغرايم مانفعه وصفت طبيب ونفث قاري #مطحس_بن_حمد