يقين.

اسمعني يا مسلم؛ إذا تكلم معك أحد بأمر، حاول ما تركز بمصطلحاته وألفاظه.. ركز بموضوعه وأهميته! وإذا انتهى وتجاوبت معه والأمر من سعة، عدّل له المعجم اللي قاعد يستعمله بس فكرة إن الشخص يتكلم معك وبوسط حديثه تستوقفه وتقول: قصدك تكرار مو ترديد -كذا خطأ يافاشل-

قبل قليل ختام جزء جديد بالقرآن؛ جتني بكية وأنا أقرأ.. مهيب الموقف جداً، الرهبة تتكرر.. كيف بشعور ختام القرآن كامل؟ يا رب اكتبها لي

@_engahmad حلوة الفكرة جداً ، بس لو بسويها صرت على الحديدة من كثر رسماتهم

يوم كان عمري ٥-٦ سنين رسمت سمكة على منديل وشافها أبوي الله يرحمه وقرر يشتريها مني ب ٥ ﷼ والى اليوم مانسيت الموقف وفرحتي وقتها دارت الدنيا اليوم وجات بنت اختي اللي عمرها ٤ سنين توريني رسمتها على كرتون المويه وقررت أشتري الرسمة منها ب٥﷼ على أمل انها تعلق بذاكرتها مثل ماصار معي ❤️

-تشرح ألمك وحزنك لشخص، وبمنتصف الوصف يجيك إدراك إنه محد مهتم! أقسم بالله أمرضتني هالحركة؛ سويتها 99 مليون مرة وعجزت أتوب

قلتها لثلاثة أشخاص بحياتي وقطعوا علاقتهم فيني من بعد هالكلام، رغم إني قلت لهم هذي وجهة نظري إنه أمر تافه جداً إني أشوف مقطع لمشهور وين راح وكيف أكل..والله معليش ما عندك حياة؟

@saees10122000 بالعافية عليكم، هذي عادة أيضاً عرفت إنها موجودة عند أهل الجنوب ،بعض العوائل تصنع البسكويت والخبز والمعمول.. كل ما سمعت إنهم سووها تمنيت إني ولدت بالجنوب

من العادات الشاعرية المتوارثة في عايلتنا هو صنع البسكوت في المنزل وتناوله بعد المغرب مع الشاي كنا نبيعه قديما لكن في الوقت الحالي صار وسيلة لاهداء العوائل المقربة في المناسبات لإظهار الامتنان

@corowy أنا أحس إني فهمت مقصد التغريدة بشكل آخر؛ يعني الطرف الثاني أساء لي وجرحني، لكني رغم مقدرتي إني أجرحه أيضاً أختار الصمت وأنا فعلاً أقف بصفه، لأن الشرع دائماً يحث: (ادفع بالتي هي أحسن)وأعتقد هذي وحدة من الإحسان والحكمة؛ إن الإنسان يكبت غضبه مع قدرته على الجواب

اضعف شيء قرأته بحياتي ابن خلدون يقول : من وقع عليه القهر ولم يدفعه عن نفسه، اكتسب طبع المذلة

إذا عندك فكرة لمشروع وتعتقد خلال الخمس سنوات القادمة ما عندك المقدرة عشان تسويه؛ أعطِ الفكرة للي يستشيرك ويبي أفكار ،لا تصير أناني! وإذا مرّه طاغية فيك الأنانية، خذ ربح فكرتك

باب ما جاء في شرح الوحدة اللي يعيش فيها الإنسان صرت قبل أقول سالفة لأي شخص أسأل: أنا قلت لك السالفة الفلانية؟ مو نسيان، بس مرات إذا حصل لي موقف أرجع أعيد الموقف وأكلم نفسي فيه، ثم إذا عدّى وقت أنسى أنا مين تكلمت معه نفسي ولا الناس؟ -بإذن الله مو جنون

رأيك اللي تطرحه أمام جماعة معارضين لفكرتك، لا تتراجع فيه مهما يكون

عجزت أفهم أطباء العيون؛ ليه كل شخص يعطي مقاس، وكل شخص له طريقة بالكشفية، وكل واحد يشوف أهمية موضوعك ومشكلتك غير عن الآخر؟ هذا أكثر تخصص رغم أهميته لكن كل دكتور له رأي مختلف

أنا بصدد حملة قل لي وين قضيت إجازة العيد.. وأقول لك من أنت

@abdulazizk_5 أنت عليك بروعة الطرح والموضوع عساه رهيب

تغريني كتابات الشعراء.. لدرجة ودي أجلس مع شاعر يلقي قصيدته، ثم يوريني الملهمة اللي انعجب فيها ودي أشوف هل هو جالس يبالغ بالوصف لأنه يحبها، ولا هي حقيقة تستاهل كل هالمدح

سبب كافي ترضى على الناس اليوم

@abdulazizk_5 أيييييييه يصير خير ياذا التسعينات ياكثر تشكيييهم ماخذين دور الضحية

عندي أحداث وتجيني رغبة أرويها لأحد، بس الشروط صعبة المستمع لازم يكون فاضي وياكل حبوب أشواغندا عشان يتحمل أكثر من سالفة باليوم! لأني رويت لأمي سالفتين، وجيت ببدأ الثالثة قالت كأنه كثر كذبك؟ والله كلها أحداث حقيقية وحاصلة بنفس اليوم

مؤشر التواصل الاجتماعي عندي ؛واصل حالياً 2/10.. يارب إنها فترة وتعدي بسلام

سابع أهم صفة بعلمها أطفالي خليك مستمع قبل ما تكون متحدث، بس لا تعطي من وقتك وشغلك عشان تسمع ؛لعبتي المفضلة مالقيتها بالمحل الفلاني ورحت لمحل ثاني…………………. وبعدين لقيتها

حضرتُ جدلاً مالياً انتهى بجملة تقشعر لها الأبدان: -خذ مالك وأسأل الله أن يجعلها بذمتك- أنا أعلم تماماً بأن الحق مع الطرف الآخر، إلا أن قريبي أخذته العزة بالإثم وقبل المال! الذمة مكمن الخطر، وقبول مالٍ يعلم صاحبه أنه ليس حقه سم في الرزق لاسيما وضع الأمر بالذمة؛ مرعب