آرام بن سام(🇦🇪)الله ثم الوطن ثم رئيس الدولة

في حادثة مهمة دمر الحرس الثوري الإيراني مقاتلة أمريكية قفز طيارها داخل الأراضي الإيراني وذلك وفق الحرس الثوري -الطيران الأمريكي استنفر للبحث عن الطيار المفقود ، وتقول وكالة الأنباء الإيرانية أن الجانب الأمريكي حاول القيام بعملية إنزال جوي لكن الدفاعات تصدت له على الفور.

من قرابة 10 سنوات كان يؤرقني تساؤل وهو: ليه فيه امم تصنع وامم تستهلك؟ ليه حنا متأخرين بالفنون والصناعات؟ ليه مافيه كثير علماء ومخترعين من افريقيا؟ هالنوع من الأسئلة تعبني فقرأت كثير عشان القى اجابات بس كان من أعظم الكتب اللي قرأت كتاب: Gun germs and steal صاحب الكتاب كانت تمر عليه نفس اسئلتي لأنه كان يعمل في بابوا نيو غينيا وهذي دولة فيها مجتمع كان معزول عن العالم عشرات الآف السنوات لدرجة ان اسلوب حياتهم ولغاتهم ولغاته مختلفة عن كل العالم تعجّب الكاتب ليه شعب بابوا نيو غينيا متأخر صناعيًا لدرجة ان لغتهم مافيها كلمات زي: كرسي، ملعقة، طاولة، مطبخ، حمام، كوب، بطانية، رداء، قلنسوة، الخ كل شيء كانوا يسمونه "كارقو" وكلمة كارقو او cargo تعني شحنة بالانجليزي، وهذا الشعب لأنه كان ما يعرف اي شي صار يسمي كل شي شحنة لأن هالامور كانت ما تجيهم الا عن طريق البحر كشحنات من اوروبا البحث حقه طويل بس بقول لكم الاشياء اللي اتفق معه فيها، واللي اضفتها انا لطبيعتنا الصحراوية بالجزيرة العربية .. الفكرة أن الحضارة والاختراعات تنطلق شرارتها من الحاجة ولهذا نشوف ان اكثر الامم تقدمًا هم اوروبا وشرق آسيا وهذي الدول طقسها متطرف بالذات بالشتاء انت تعيش في منطقة باردة جدًا؟ بتحتاج تصنع البيت والفرو اللي تلبسه والبوت والتدفئة وبتحتاج طرق لتخزين الطعام لفترات طويلة وغيره .. الحاجة ام الاختراع وفي هذه الدول كان يموت من لا يستطيع ان يبني او يخترع فالكل يحتاج الى عمل ذلك حتى بنيت ثقافتهم كلهم على الحاجة للصناعه والتطوير المستمر اما من ناحية الفنون والجوانب الاخرة من الحضارة، فهي لا تنشأ الا بعد الاستقرار .. فنلاحظ ان البشر ما يصنعون الدستور والدولة والتنظيم ثم لاحقًا الفنون والثقافة والفنون المسرحية وغيرها الا بعد ما يكون عندهم مكان مستقرين فيه، ومصدر دائم للأكل والشرب مثل النهر والزراعة ولهذا نشوف انه بالشرق الاوسط هذي الامور انطقت شرارتها من الهلال الخصيب، فهناك البشر استقروا وبدأوا الزراعة قبل غيرهم، ثم لاحقًا نشأت عندهم القوانين والفنون وماشابه .. ومرة اخرى، ليه بدأت هذي الامور في الهلال الخصيب؟ بسبب القوتين وهي الاولى وجود النهر المصدر الدائم للشرب خلاهم يزرعون بدلًا من مطارد الفرائس اللي هي اصلا قليله عندهم، وهذا الاستقرار ادى الى الفنون والثقافة وغيره بينما يوم نروح لأفريقيا، كل شي متاح .. الاكل موجود يركض قدامكم يوميًا، فلا حاجة لا لزراعه ولا لبناء مدن، وبما ان يومك يروح منه 15 ساعة بمحاولة الصيد ما عندك وقت لا لصنع ثقافة ولا فنون ولا تنظيمات معقدة .. فالحياة في افريقيا قائمة على الصيد في اكثر جوانبها، والطقس؟ ماهو حاد مثل اوروبا، دافي وكل اللي تحتاجه انك تلبس لبس خفيف وتركض اما يوم نروح للخليج العربي والجزيرة، نلاحظ ان الناس اخترعوا اسلوب حياة يناسبهم فصار الاغلبية او عدد كبير منهم بدو لعدم وجود مياه ونهر ثابت يجلسون بجانبهم ويبنون مدن، وهذا حل منطقي اسلوب الحياة استدعى انهم يهتمون بالمواشي ويشدون وينزلون، واما الاختراعات تشوفونها جت مناسبة للبيئة .. فمن جلود الابل ووبرها صنعوا القربة والصميل والخيام وماشابه ولكن الصناعات كلها خفيفة وبسيطة لأنك ما تقدر تحمل معك امور ثقيلة وانت تشد وتنزل ونلاحظ ان صناعاتنا كلها امور مهمة للنجاة، محد صنع بيانو او كمدينة مكياج او غيره، كانوا البدو يبون يحملون اقل عدد من المؤونة عشان يشدون وينزلون لونق ستوري شورت: ما يحدد تقدم امة على اخرى صناعيا وثقافيًا هو الجغرافيا فقط. البيئة تحدد مصيرك وتصنع ثقافتك وحضارتك وكل شيء، وايًا يكن الشي اللي البيئة تحتاجه راح تخليك تسعى له وتبني ثقافتك حوله