نماذج التنفيذ

من الخاص📩 السلام عليكم أنا طلقني زوجي وطلع صك الطلاق أمس وباقي على عدتي شهرين ، ومعي طفلين وهو ينتظر عدتي تخلص عشان يسوي لي إخلاء من بيته ، لأنه يبي يطلعني وأنا رفضت اخاف يطلعني بالإخلاء وش الاجراء اللي اسويه بهالحالة؟ وهل لو سوا إخلاء قبل مارفع عليه قضية سكن يقدر يطلعني بالقوة ؟

من الخاص📩 السلام عليكم انا اخذت سلف من شخص 30الف وحسبها لي 50الف الان اناسددت 30باقي 20وعلي سندامرمنه الان الرجال يطالبني 20 اقدراعترض علي سندالامرافدوني وفقكم الله

من الخاص📩 السلام عليكم،
أرغب بإفادتكم بخصوص مشكلة تنفيذ وحجز على الحساب بسبب مديونية، وبعد التواصل مع البنك تمت الموافقة على إعادة جدولة التمويل بشكل رسمي، وتم إصدار السندات والموافقة النهائية، وبعدها تم السداد ورفع التنازل حسب إفادة الموظفين. ورغم ذلك لا يزال إيقاف الخدمات قائمًا حتى الآن، وما زال مبلغ يقارب 20,000 ريال محجوزًا في الحساب تحت الحجز التنفيذي، مع أنه تم رفع التنازل وإنهاء الإجراءات المطلوبة. كما قمت برفع شكوى لدى البنك المركزي السعودي بسبب تأخر رفع الإيقاف واستمرار الحجز منذ تاريخ 22/5/2026 وحتى الآن دون تحديث فعلي للحالة. أرغب بمعرفة الإجراءات النظامية المناسبة، وإمكانية المطالبة برفع الحجز بشكل عاجل، والنظر في التعويض عن الضرر الناتج من استمرار الإيقاف وحجز المبلغ رغم إتمام السداد والجدولة

من الخاص📩 السلام عليكم انا ابغى ارفع إبطال سند امر كيف الطريقه انا زوجي قال بيعطيني مبلغ 67000 كاسلف وقالي بسجلها سند امر و انا وافقت حفظ للحقوق و وثقناها وغدر فيني ماعطاني ولا ريال كلمته رسلت له ع واتس حاولت اثبت اني مااخذت ولا ريال منه وقدرت اثبت عن طريق محادثات الواتس حاولت فيه يعطيني المبلغ بس راح ورفعها للتنفيذ و وقف خدماتي الحين وش الحل معه حرفيا انسان نرجسي ونصاب .

من الخاص📩 السلام عليكم تم بيع بيت والدي المتوفي في المزاد العلني صدر حكم بيعة في المزاد العلني والبيت مكتوب مباع وين احصل معلومات المشتري و التسديد والتقسيم مو عارفه شنو ادخل ادخل من ناجز التحقق من طلب التنفيذ مكتوب قائم واهو مباع مابعد البيع وين اروح

الأصل في الجلسات القضائية ألا تتجاوز مدتها 30 دقيقة، سواء كانت الجلسة حضورية أو عن بُعد.

من الخاص📩 السلام عليكم عندي مستأجر وبسبب انه استخدم العقار بما لا يرضي الله اتفقنا على انهاء العقد بالتراضي. مع العلم ان العقد موثق في منصه إيجار. سؤالي : .هو دفع حق 6 الاشهر الأولى وباقي على عقدة 11 شهر 1- هل يحق لي مطالبته بدفع كامل قيمة العقد 12 شهر ؟ 2- هل يحق له طلب استرداد قيمة المدة المتبقية للعقد ؟

— من الخاص 🎙️ عندي استفسار بخصوص القرض طلع لي القرض ولما جيت على التنفيذ تفاجأت ان في سندين أمر السند الاول بالمبلغ المتفق عليه مع البنك قيمة القرض + الفوائد والسند الآخر كان مبلغ مختلف عنهم. سؤالي هل الطريقة صحيحة اللي سووها البنك ؟ وهل جميع البنوك تتبع نفس الآلية ؟ #استمتع_بالرحلة

اذا اخذت قرض من البنوك وسددت وتعثرت ونفذو عليك ترا الموضوع حساس ١) البنك ينفذ عليك المبلغ بالسند كامل مايخصم الاقساط الي انت دفعتها ٢) تحسب الخصم الي ٢٧ ينزل بحسابك يروح ؟ لا يخصمون عليك كل يوم ٢٧ تلقى سالب قيمة القسط يعني فوق انه منفذ سند كامل مايخصم الي سددته