سعُود .

يارب سخر لي بعد وفاتي صحبه صالحه تدعوا لي بلا إنقطاع وعمل صالح يشفع لي ورحمة منك تدخلني فردوسك الأعلى❤️.

لبيه يا الراحه وذعذاع الصباح وأنا مصلي الفجر في توقيتها أسعى في صدري سكينة وانشراح من يوم أذن للصلاة وجيتها مذنب وأحب الخير وأسعى للصلاح وأندم على الغلطه ليا سويتها .

صباح الخير اما بعد : مافات خلّه ولا تهتم من باكر اغنم من اليوم ماساقت توافيقه :)

ياريف قلبي سلامة وجهك الزين اللي تخالط معَ حسنه شحوبه اقرأ سوالف عيونك لو تخبين لا يمكن تكون هالنظرة كذوبه بيّن عليك التعب والخاطر الشين كنّك على ضحكة الضحك مغصوبه ان كان ودك على اللي فات تبكين قبلك بكينا على حال العروبه في كل حالٍ من الأحوال تبقين اول دروب الغلا واخر دروبه عانقت ركبك وحيد وخالي ايدين إلين ما صار لك قلبي ، ركوبه الواضح انك خلقتي له جناحين اشرق معك بعد جمّلتي عيوبه مَيّزت وجهك عن وجيه المزايين على امتداد النظر دوبي ودوبه مِن حِدة الحاجبين الساطيه لين ! البحر والثلج والنار الشبوبه لرضاك لو تطلبيني دمعة العين هانت ولو دمعة الرجل محسوبه على كثر ماعطاك الله مْن اللين مزاجك العنجهي كله صعوبه تبقى مرابي صْباك سنيين ودنين فالصدر عن باقي الناس محجوبه حتى اسمك اللي جرا مجرى الشرايين صوبه وعند البشر مانيب صوبه يدري به المقتدر رب الثقالين والجن والانس والله مادروا به هذي قصيدة حبيبك بين قوسين تقطّر جروح وتقطّر عذوبه

البرق لا جاء المشعّف زود اشعافه وأنا مشعف غرامك وأنت براقي 🤍.

تبسَم لعنبو مِن لامني في ضِحكتك و رضَاك .

نسَاير الأيام بين قولة : "مثل ما شانت يجي لها .. يوم وتزين وبين عسَى العوض في مقبلات الليالي" والله كريم .

تروح سنين من عمري وانا في ضحكتك طواف وتمر السالفة ويطول في طاريك موضوعي انا اللي شفت في وجهك طهارة قلب ما ينعاف ومعكّ ما زادت احزاني معك يا خفة دموعي اشوف بعينك اليمنى بلاد ممتلي ب إنصاف واشوفك بين طيات القصيد ولمة ربوعي خذاني ظرفي الموجع ولكن خاطري ما عاف رجعت من الغياب و يا حلو وياك مرجوعي .

أبو وجهٍ لو الظلما تشتّتني غياب وخوف أشوف بضحكته نورٍ يشتت عتمة الظلما .

قهوة بعنوان : مرحبا والقلب دارك ومحبوبك فداك توّ ما جِرد المحاني .. تبسّم ريفها ❤️.

تبسّمت لحديثك بسمة إللي ممتليّن إعجاب مع إن نص الكلام إللي ذكرته .. مْا يناسبني .

عساه صبحٍ فيه للفرح .. صيت و إقبال وفيه من السعد مايبهج الروح و يحييه .

منهو اللي ما يهوجس وصدره ما يضيق اعتقد مافيه حي ٍ .. على الدنيا استراح .

كل هذا الغيث قطره من سحابه و كل هذا الحب نبذّه من غلاي من دريت إن بـ المطر دعوه مُجابه و أسمك أكثر أسمٍ أذكره في دُعاي .

من مزنةٍ هلّت الماء عقربيه .

يارب اطلبك عفوك ولطفك وستر الحال انا اضعف بواجد من هقاوي البشر فيني اداري غضبك وخاضع لك خضوع الذال قومي قو بطشك جعل ضعفي ينجيّني لولا سترك اللي حطلي قيمه ومنزال في عيون الخلايق ولا انا ويش في ايديني من فضلك علي جعلتني ذو قدر واجلال وناس ٍ مياسيري وناس ٍ مياميني .

لا جيت أسلم كل مرة لا تردين السلام لأن السلامة من سلامك مستحيل أنولها .

اصلاً دوام شفت الليل حلو 🚶🏻‍♂️.

كن المطر نبيّ بالحق مرسول نازل يبشّر كل راجي سحابه صوت أرتطامه بـ أرضنا كنّه يقول أدعوا ترى دعواتكم مستجابه .

جيتك غريبٍ ضايع الخطوات في ليلٍ طويل أبصرت بك فجرٍ ضحك لي نوره و غيثه همى .

أسر يالليل القصير اللي تفاصيلك طويلة العوض في ليلةٍ ما تظلم الدنيا بختها في رحاب الأرض ساعاتً دقايقها ثقيلة يتساوى عندي اللي فوقها باللي تحتها التظاهر بالفرح غير التظاهر بالفضيلة أتركوني مثل مااعرف نفسي اعرف مصلحتها ودي أبعد عن جدال و ودي أقرب من جديلة لين أجدد في زوايا البال ذكرى راعيتها والله ان كن الهبايب والنسانيس العليلة ما تعرف تهب من كل الجهات الا جهتها و العيون اللي ما شدّ أنظارها برق المخيلة ما تحب من الدروب الا الدروب اللي مشتها غاية ما عاد باقي من وسايلها وسيله ما بقى لي غير مجلاسي تحت ظل شجرتها من يبي يخلي سبيل الشوق من يخلي سبيله والمشاعر من يجاوبها على كثر اسألتها كل ما هامت بوجه مستحيل القى بديله قالت اجمل مرحله فالعمر كانت مرحلتها وصلها اللي ماقدرت انسى لياليه القليله ليت ربي قاسم له طول من طول رقبتها بين رغبات الحياه الممكنه والمستحيله العبر من يعرف اولها سلم من تاليتها يوم اشوف اللي يهينون النفوس بـ كل ليله احمد الله كل ما انزلت العباده منزلتها مامعي لك حيل يا قلبي ولا لك معي حيله صبرك اهون من مشاوير ماتحمد عاقبتها لا انت ميت من هوان ولا انت ميت من فشيله ما لك الا موتة وحده متى ماجتك متها — عبدالله السراهيد