𝖺𝗃𝗆𝗂

قول اللي تبيه 🌷 tellonym.me/erilr/kmb

فمان الله واسحب سالف اعجابي ابا ارحل عن مداهيلك واخليها لأنك صرت سلبي مانت بـ ايجابي تنقض لي جـروح ما تداويها ): عذاب الروح انا في حبك مرابي أتاجر في مشاعرنا . . وانميها !

آه يا فرصة ضيّعتها . . يوم ناحـت احسب إن الليالي الممتعه ماتروحي ): كبدي اللي تشادي دلّـة يوم فاحت ! سج عنها المقهوي فوق جمر تفوحي

- ماذا لو عاد معتذراً ؟ أعتذر واللي لك . . أن عذرك يمشى مايدقق . . في العـذر بين الولايف (: ما تعـوّدت اترجى . . واتـرشى لا تهملني . . وتاكلك الحـسايف ! الامل مثل الهوى . . لا طال عشى وانت بصرك يـ الغلا وش انت شايف ؟

وش أقول بـ وجهش المتصابي المتفرّد وبـ إستمالة خصرش اللي لإغتيالي والم وزولش الميّاس . . ولاّ ردفش المتجرّد والله إنش عالم لـ حالش بـ داخل عالم كنّ مفرق نهدش المزموم . . والمتمرّد مفرق أحلام الحياه الحـاسمه للحالم (:

من نافـذة اخرى ❤️ t.me/ll7ub

ما حصل بيني وبينه خلاف يجلب الشك والارتياب اربع سنين عشرتنا نزين وضعها . . وانتهّنا بها يرحمك راحم الاموات يا حب تهايل عليه التراب ما بقى فيك عرق ينبض الا ذكر الاحباب لـ حبابها اعلن الاعتراف انك ختام الحب وانك نعيم وعذاب والتجارب مثل هذي تراها تبطي الايام بـ انجابها ):

الوجيه اللي من الحقد . . روّيانه ما نصرها الله وهي دوم منهزمه الكويتي . . الله اللي رفع . . شانه ما يخون الدار فـ السلم والأزمه ماهم بـ منّا حدٍ . . خاين أوطانه وفي وجود امثالهم مالنا لزمـه حن فدايا الدار والشيخ وأعوانه كلنا ويـاه في . . شـوره وحـزمه #وزاره_الداخليه #الخليه_الارهابيه لعن الله كل من خان هذا البلد 🇰🇼

كـل جرح تداويه . . السنين الطوالي غير جرح . . في قلبي باقي لا يـزال ! لا تلومون روحي يوم اهوجس لحالي صار ثلثين يومي من خيال لـ خيال ذكرياته بـ وسط الذاكره في خيالي اه وسقم حالي صار ماهو بـ حال ): ناعم العود قلبي منك ماهو بـ سالي لين ينعون روحي . . وسط قبر هيال ):

ضيّقوك وجابو اقصاك يـ الصدر الرحوب كل ما راحو وعادو . . على نفس السؤال طال صبرك وانت من دونك النور محجوب تنتظر يـوم الفرج . . من هلال الى هلال احسب لك حسبة الصايم لـ وقت الغروب كان ممشى الوقت ممشى محاميل الجبال يا كثر ما تلزم الصمت . . وعـيونك تنوب لحـظة . . فيها لسانك رهين الأعـتقال ! المـعزّه . . يوم شافو . . مزاياها عيـوب قلت اشوف عيوبها آيـه من آيات الجمال كان ذنبك عـزّة النفس تكفى لا تـتوب ! جعل ربي . . ما يذل العزيز من الرجـال

يا سـلوة الروح ميلي للهـوى ميلي بيني و بين الهوى . . ما بيني و بينه تركت قفر المفالي . . يحـتري سيلي وجيتك من اقصى غلاي اللي تشوفينه اخذي من العمر قَسم وحطي وشيلي لك الولايه عليه . . من أول سنـينه (:

كل يوم من الغياب . . وكل ليل من الليالي افتح صورك واقبلها واقول اللّٰه عليها ): انت حلمي وانت الاول في الحياه وراس مالي وانت اللحظه اللي ضاع عمري يحتريها ): يكثرون الناس من حولي ولكن . . في خيالي منتظر لي ساعه بـ المال والحاله افتديها !

يا نـاشده ما عاد فـ العلم تخمين ماني بـ غايب . . لا تقـولين غايب مرافق شعوري ولا ادري على وين ومرسل سلامي مع نسيم الهبايب من بسمة شفاهك الى نظرة العين ان ضعت . . دليني لـ سود الذوايب بـ قلّط اسمك فـ الغزل لين ترضين ولاحق على الحكمة الا صرت شايب (:

الله يعز الدار . . ويعز الخليج ويعز الاسلام ويذل المشركه يا دارنا لا تحسبين انّـا هجيج تدور . . والا ما تدور المعركه ذراش عاد بيوتنا حجب وفليج ولا فيه شي . . الا ترابش نملكه لبّـاينا يشبه . . لبّـاي الحجيج ولكل محـرم ناسك . . منسكه وصدورنا والله ما خلاها ثليج الا علمنا في مطار المملكه (:

الله يعز الدار . . ويعز الخليج ويعز الاسلام ويذل المشركه يا دارنا لا تحسبين انّـا هجيج تدور . . والا ما تدور المعركه ذراش عاد بيوتنا حجب وفليج ولا فيه شي . . الا ترابش نملكه لبّـاينا يشبه . . لبّـاي الحجيج ولكل محـرم ناسك . . منسكه وصدورنا والله ما خلاها ثليج الا علمنا في مطار المملكه (: قصرا السعد 🇸🇦🇰🇼

سلّم سلام الموادع . . رافع كفّه واغضى بـ نجل تقول النوم داخلها وانا عيوني تهل . . الدمع واكفّه اكف دمعي بـ كفيني . . واناملها كله على شان ما اشوش على شفّه اخشى يشاهد دموعي ويتخيّلها ): غالي وانا اغليه واوقف مع صفّه واطاوعه لو اضيم النفس وازعّلها يا روح روحي وروح الستر والعفّه اركن علي همومك . . واتحمّلها ):

طلّة محيا العـيوف اللي غلاها عفيف فيها الكبر والغيا . . والغطرسه والحلا ما بين سحر المفاتن والضمير النظيف وشلون ما أقول تفرق عن جميع الملا العود ماله شبه و الوجه ماله وصيف جـمالها . . يستحق التضحيه والولا في صوتها من قناد الراس فنجال كيف لو كان ما تنطق . . إلا مرحـبا يا هلا (:

في عيونك رد ثار ومعركه . . وحـروب رِده وصوت خيل وحدّ سيف وضرب رمي بوارديّه وفي نحرك الصلح والهدنه وطيب فاح ندّه والأمان اللي يجي عقب الحروب العالميّـه وليلك اللي يقدر يكـفّ الصباح . . آخر مردّه من تحت ردفك مردّه يا الغزال العسوجيّـه (:

خطا المحبوب ما ينزعل منه بس . . ينقال له / والله إن عذرك سمين . . ورد عذرك والم و إن مواطيها . . على قلبي مواطي ريـشه دامها ماهي بـ فالشكّات . . راسك سـالم أخيّر من الخوض في موضوعنا تطنيشه مقدر أصخي بك سوا . . مظلوم ولا ظالم امحق أرض تفقدك وأمحق حياه وعيشه

انت من نسل البشر ولا القمر ولا الغمامه ! ولا من نسل الورود اليانعه . . ولا من ايّـا ؟ فيك عنق وفيك خصر وفيك جيد وفيك شامه وفيك من عين الوحَش لفته وفيك من العبيّا لو ما اشوفك من خيار اهل البلد قدر ووسامه كان ما كنت فـ كنف حبّك من الحـزن اتفيّا والله ان اقسى ليال العمر . . واكثرها ندامه يوم ارتب لي معك فرصة وصـال ولا تهيّا ): ينتهي عقد الشغف وتموت كلمه وابتسامه كان مالي من وجودك حظ يا سمح المحيّا !

هنا نجد وهنا المجد وهنا للأجرب المجرود بريق ودون حد الدار . . وأهل الدار له ميقاف ترانا دار وحده مانشوف . . إن الحدود قيود يجمعنا المصير المشترك والساس والأعراف قصرا السعد ❤️🇸🇦