« ترى الحب لذة لاتوارى عن عيون الناس
حلاة الشي تدري به وغيرك مادروا عنه »
— وبـ صِياغةٍ أخرى
« أنت سر من اسرار الحياة الجميلة
مايسولف به العاقل على أغلى اخوّانه »
« نصيحه لوجه الله لا تطرد ورا المقفين
ترى من طرد له مقفي — طاح من عينه »
- خالد مبارك
« ولله لا اطرد المقفي لو يمل ساقي
انا ما اطرد ورا المقفي! من اللي يقوله »
- سعود مبارك
« تركت الي نصحني عنك والفتك وانا منصوح
تمنيتك وجيتك مانصيت الي .. تمناني
وكان انك بعد هذا الشعور المنتثر بتروح
على شاني طلبتك لا توادعني .. على شاني
بيبقى جرحك المدمي ولو ان الجبال تزوح
وبقوى الناس لين تجيبك طاري وتقواني »
- هاني حمّاد
«كرهت الظروف و سالفه للظروف احكام
اقدر ظروفك وانت ما تقدر اشواقي
يجيني على شوفك مشاعر وله و هيام
وانا فيك والله ما ادري ويش انا لاقي »
- سفر الدغيلبي، وانا
« توي عرفت ان الاماكن بالأحباب
اثر الاماكن دون .. أحبه حزينه »
و على نَفس السيَاق قال بن جدلان
« صاحبك يعطي على شوفك بشاير
ديرةٍ ما أنتوا بها ما هيب ديرة »
