💎 💚🏆力凡于النخبوي

🚨🎫 البنوك عندها تذاكر نهائي آسيا بين الاهلي وماتشيدا ، والنادي الاهلي عاجز عن توفير تذاكر لجمهوره ، جريمه في حق الاهلي وجمهوره كيف حصلوا على كل هذي الاعداد والكم الهائل من التذاكر من اعطى البنوك التذاكر ومنع نادي الاهلي !؟ حسبنا الله ونعم الوكيل .. الكل استغل جمهور نادي الاهلي

@ALAHLI_FC يارب من عندك وحدك وفقنا وحققه لنا

تيـفو النهائـي الآسيوي 🌏🏆🧑‍🚀💚 الحضور المبكــر الحضور بالأخضر الحضور بالشــال #الأهلي | #دوري_أبطال_آسيا_للنخبة | #LetsGoWithAlAhli

من العباء عدم التمرن على سيناريو ركلات الترجيح لأنه حسب توقعي هدف الياباني غدا عندك زوايا التسديد شوف مبارياتهم في دوريهم واحفظها ولعيبتك أشويهم نص ساعة ضربات جزاء على ميندي بعد. التمرين

جمهور الاهلي ليش زعلانين !!!! واحد جالس يقول لك سالم الدوسري أفضل من مبابي ولا يمكن يجلس احتياط… كلام أصلاً حتى سالم نفسه حيضحك عليه والمصيبة؟ هذا الشخص جالس جنبه يضحك ومبسوط! لا استنكار، لا تصحيح، لا حتى محاولة توضيح… بالعكس تأييد! طيب إيش تتوقعوا من عقليات مثل هذه؟ تبحث عن الجدل و الترند حتى و ان ضحكوا الناس عليهم باختصار: مو كل من تكلم عن كرة القدم يفهمها… وبعضهم أصلاً يعيش على الإثارة و هو ما عنده معرفة و لا فهم يبحث عن ارضاء اندية على حساب اندية اخرى حتى على حساب قيمة نفسه و فهمكم كفاية

عشان بس أبرّد خاطري في قضية التذاكر شوي | لا تتفاجئون بكرة ممكن تشوف غير أهلاويين حاضرين المباراة في أماكن ماشاء الله مرموقة، والأهلاويين اللي يحضرون كل المباريات ويسافرون ويجون ويخسرون، مالقوا شيء حتى التذاكر العادية اللي هو يبغى يشتريها ولا لقاها ولازلت أخشى من شيء بيصير بكرة ي إن الملعب فاضي أو ماأدري ايش !! ياإنك تضطر تشتري من إعادة البيع بالآلاف مثل ماسوينا واضططرنا، يا مابتقدر تحضر بسبب مالك يد فيه أبداً لا أنت قدرت تصف سرى في الموقع وتشتري لأنه بيطلع لك سولد آوت، ولا أنت لقيت لك أي حل ! عموماً يارب فوز اهلاوي وننسى شوي الكوارث اللي صارت 💚🤲

صورة وصلتني بالخاص لشخص موظف في احد الشركات الراعية للبطولة واصلته 15 تذكرة متجاورة دفعة وحدة والمصيبة ان الإرسال مفتوح لهم ! للمسؤولين عن طرح التذاكر قفلتو ارسال التذاكر على أغلبية الناس الي تبغى ترسل تذاكر لأقاربها وفاتحينها لاصحاب تذاكر الشركات، اتمنى إعادة النضر لطريقة الطرح

يارئيس لو يقدم كاس (النخبة) في بداية المباراة الأسطورة (ياسر المسيليم) ضربة معلم فكر فيها وراح تحسب لك مثل ماقدمه الأسطورة خالد مسعد الموسم الماضي 💚 @dr_ka9

محاضر الاتحاد السعودي لكرة القدم 😱⁉️ طاقية🧢 "نمرة واستمارة" اسقط واستهزء بنادي #الاهلي السعودي🇸🇦 في برنامج خليجي .. #يلو ياهو #بجح #الاهلي_ماتشيدا ✌🏼🏆 #النصر_الاهلي_القطري #النصر_الاهلي

ما يحدث لا يمكن تجميله بمسميات براقة ولا يمكن تمريره على أنه ( تنوع إعلامي ) أو ( حضور مختلف). فحين يتم استقطاب شخصية ما زالت آثار التعصب واضحة في طرحها فالمسألة لا تُفهم على أنها احترافية بقدر ما تُقرأ كرسالة مرتبكة تُغذّي ما يُفترض أن يُحارب. كيف يمكن إقناع المتلقي بأننا نسير نحو إعلام رياضي ناضج بينما يتم تقديم من اعتاد الإسقاط وكأنه صوت مهني يُعتد به؟ التناقض هنا صارخ ، بالأمس خطاب مشحون وغمز ولمز واليوم منصة أوسع فماذا تغيّر ؟ الطرح أم المعيار ؟ النادي الأهلي لم يكن يوماً مجرد فريق عابر بل كيان مشرّف للكرة السعودية وتاريخه لا يُختزل في آراء عابرة أو محاولات التقليل منه. ومن يختار طريق الإسقاط فقد اختار أن يفقد جزءاً كبيراً من مصداقيته مهما تغيّرت المنصات. السؤال الحقيقي الذي يفرض نفسه: هل الهدف بناء إعلام يُحترم ، أم صناعة إثارة مستهلكة ؟ لأن الفارق بينهما كبير ! ! الأول يرفع الوعي ، والثاني يرفع مستوى الاحتقان. أما القبول الجماهيري فأعتقد أنه لا يُمنح بقرار بل يُنتزع بالمهنية والاتزان. ومن غرق في مستنقع التعصب لن يخرج منه بسهولة لمجرد تغيير موقعه فالثقة تُبنى ولا تُمنح !! .

اذا كان هذا المستسفه محاضركم فسود الله وجيهكم ولا بارك الله في جهودكم

العام حصلت أزمه في نقل بطولة ( نص العالم ) القارات وما وفروا نقل فضائي إلا بآخر كم ساعه بعد صياح وتاقات ولطم الحين مشكلة التذاكر وتجريب تطبيقهم الزباله في نهائي قاري لنادي يمثل الوطن وماكفاهم راحوا باعوا ربع الملعب للشركات وموظفينها عشان يخسفون الحضور هل لو الهلال أو النصر فالنهائي كان شفنا هالتعامل والفساد ؟ ولا الأهلي دايم مناسب لتعصبهم

ماتخجل على وجهك يا بندر المشكله انك إعلاميّ سعودي وتحول تقلل من الاهلي وماتعرف يًا متعصب ان الاهلي بطل اسيا وذهاب للبطولة الثانية على التوالي للاسف الضيوف الموجودين في البرنامج من الدول الاخره كلهم أشادوا بالأهلي وانت جالس تحاول الإسقاط بشكل مخجل ومضحك حتي الضيوف يضحكون عليك ‼️

@mamdooh_8899 @bengasgas2020 @ssmfksa @B_ALMASHRAFI هذا المفروض تسحب #رخصته_الإعلامية ان كان عنده رخصة ويمنع من المشاركة في اي برنامج رياضي خارجي.

@ssmfksa @B_ALMASHRAFI هذا للاسف المتعصب الذي اسقط ع نادي سعودي ببرنامج قطري .. وللاسف الضيف العراقي يتكلم باحترام عن الاهلي السعودي الذي يمثل السعودية وضيفكم يسقط ع الاهلي ببرنامج خليجي !!!

هذا اللي يسقط على الاهلي في برنامج خليجي من يتبناه هو الاتحاد السعودي للإعلام الرياضي شايفين الي اي حد وصلنا

١٠٠٪ في تلاعب كبير حصل في التذاكر من طريقة طرح اعادة البيع واضح في مربعات انسحبت وتسربت على اعادة البيع بطريقة ما لازم احد يحقق في الموضوع بعد النهائي

بعد كوارث التذاكر، والأهلاويين اللي أعرفهم أغلبهم مالقوا تذاكر وهذا شيء مريب وغريب ! اضطريت أنا والشباب اللي معي نأخذ من "إعادة البيع" بمبالغ كبيرة جداً وماهي منطقية أبداً، شيء يحز في الخاطر لكن الشكوى لله. هذه المباراة ستظل واحدة من أفشل التجارب في التذاكر على الإطلاق.

الكارثة هنا .. مربع 344 لم تُطرح أي تذكرة فيه ومعروض بإعادة البيع بأكثر من ضعف السعر للوحدة مع الرسوم لا بعد عارض 6 تذاكر فوق الحد الأقصى للطرح الأولي (5 تذاكر) تعطيه الموظفين بالشركات ويتأجرون على حس الجمهور؟ والله شيء غريب

أكثر من 20 ألف تذكرة لم تُطرح في المنصة ( المُستحدثة ) وغالبية الجماهير لم تحصل على تذاكر للمباراة والسوق السوداء مليئه بالتذاكر ومن مربعات ( لم تُطرح أبدًا ) !! هذا عبث من لم يجد الرقيب واستغل الحدث لأمور نجهلها !