أ. الـمـطـيـري

الأرض تفنى . . والملذات بـ تزول والعمر فرصة ما تعوض . . ثمينه احرص على الجنة مدام الله يقول { إنـا جَعَلْنَاَ مَـا عَلَـى الارْضِ زِينَةً }

بنت عزٍ ماهي من بايعات الغرام الدرابيل ما تلحق مشاريفها من حياها وعفّتها وخوف الملام ذايرٍ من خيال المهتوي طيفها كن عليها من العفّه قطيفة غمام تلتعج من شعاع الشمس اطاريفها نخبوية مجاني من خوال وعمام كل شيخٍ يبي في كرته يضيفها .

يالله عسى مافي خاطري يحين وتشرق شمس السعاده في حياتي وتصبح لي الدنيا على ما اشتهي وقدام عيني اشوف أطيب أمنياتي🤍

اللهم ما أخشاهُ أن يكونَ صعبًا هوّنه وما أخشاهُ أن يكونَ عسيرًا يسّره وما أخشاهُ أن يكونَ شرًا اجعل لي فيه خيرًا ولا تجعلني أخشى سواك يارب❣️.

جابك الله عن شموس الكارهين الظل - أضيّع لأجلك سنيني وأسابيعي وساعاتي❤️

" صحيح إني رقيقة قلب ويتعبني الوداع .. أحيان ولكن من تخير في بعادي .. ما يهد حيلي بيدرك كثرة أحبابي .. بيدرك من هو الخسران وأنا يكفي القلوب الطيّبة .. تشري مواصيلي"

شلون قلبك طاوعك على الغدر؟ و أنا على هقواتك أصحىٰ و أغفي يا خيبة ظنوني و يا كبر القهر ودي أقول لدورة الأرض أوقفي لا تبدي أعذارك أنا الي بعتذر و أستسمحك باقي سنيني و أختفي قلبك قدر يجرح و قلبي ما قدر سكت و سكوتي علامه لنفي من عاده الدنيا و من طبع البشر ضريبة الخذلان يدفعها الوفي

يارب مالي ملجأ من صكَّة الدنيا سواك لو شانت وضاقت علي أضْيق من عيون الإبر الأرض أرضك والسِّماء بأفلاكها العليا سماك والمنكسر لا من دَعى بإسْمك من كسوره جبر يارب أنا عبدك وابن عبدك وراجٍ في عطاك وعبدك ليا ضاقت به الدِّنيا من إلهامك صبر

"يمكن ابي نجمه و ربي كتب لي قمر احيان الاحلام تظلم حظ حالمها ويمكن ابي قطره و ربي يبي لي مطر يرويني اللي روى هاجر بزمزمها"

أثر العمر توّه .. والعالم واسع أوسع من كل تجاربي وأفكاري القديمة وأثر الناس واجد وفيهم اللي أحسن من توقعاتي واللي كنت أتخيله❣️

اللهم انصر الكويت واحفظها بحفظك ، اللهم اجعلها آمنةً مطمئنةً سخاءً رخاءً ، اللهم احفظ أهلها من كل سوء ، اللهم من أراد بها سوءًا فاشغله في نفسه واجعل كيده في نحره ، وردّ عنه كيده ، اللهم أدم عليها الأمن والإيمان ، والسلامة والإسلام ، واحفظ قادتها وشعبها من كل مكروه 🇰🇼

يعرف أسمي ويعرف وقفاتي ويبخصني ويدري إني فوق هقواته ، وفوق آماله ويدري إنه ما يزودني .. ولا ينقصني لو تغني : حنجرة الأبداع .. من مواله لو يحاول يختصر دربي ما يوصلني دربي أطول من خطاويه وأوسع مجاله ما أنا اللي ينحني ___لو الوقت قسّيني واقفٍ شامخ ______ولو تميل أحواله

متقلب الود .. لا تقبل معاذيره خله يذوق الجفا والويل والحرّة من يضمن تسامح ذنوبه وتقصيره يقدر يعيد الخطأ نفسه مية مرّة .

«وأذكر إني مانسّيتك ويغريني الرجوع ياغرامٍ تنشد الناس . . وينه ياترى والغرام أنواع والقلب مدهل كل نوع والله إعلم منهو اللي من الحّدب وورا وأنت ياللي منزلك ماورا حدب الضلوع تدري إنك من وراها وغيرك . . مادرا تمتلكني يا اطرق العود من عادك فروع قبل تغريك المدينه ويطغيك الثرى »

امثل اني عديم احساس – وانا فطين وهموم صدري ظروف الوقت من دونها مشاعري في يدي .. ماهيب للراحلين ماعادهم يوم راحو يستحقونها وماعاد قلبي على من غاب عني حزين حتى ولو ذكرياته لي ... يطرونها من ينكرون العهد ويمثلون الحنين الذاكرة .. مستحيل انهم يمرونها

الغيم ما يحزن على موت الأشجار والشمس تشرق لي وتشرق لغيري والناس تتزاحم على شرب الانهار وأنا مكفيني عن الناس بيري ويوم الطيور تهاجر تقطع أبحار أنا مبرقع داخل الصدر طيري ماني لكل مضيّع دياره ديار ولا هو ضروري كلٍ يذوق خيري

عاد عيدك ياوطنا والعدا يفدونك وكل عام بقوة الله عزمنا متقوي دونك الجيش الكويتي والسعد فـ عيونك ياوطن لاتشكي من الخاين المتلوي نرخص الاعمار في سوق المنايا دونك انت في وجه القياده والدفاع الجوي

قرب العيد وانت تحت الثرى مدفون والقلب بعد فرقاك بيّح الحزن سدّه .

« مرحبا والعيد عيدك يالمقام السامي كيف ما أحبك وأحب مواجهك وأحسب له كل يوم تكون فيه يكون خير أيامي وكل عيد تكون فيه أحلى من اللي قبله »

الحمدلله شكرا وامتنانا وإقرارا بفضله ، واعترافا بعظيم كرمه، الحمد لله ليلا ونهارا، سرا وجهارا، الحمدلله ملء كل شيء، الحمدلله بلا سبب ولا طلب، كاملا على نعمه وأفضاله

والله أنك عيد حياتي بـ أيامها وشهورها وسنينها « عادت أعيادِي الهنيّه بك كل عام❣️»