نِبْراس | مصمم متاجر إحترافية

إذا كنت عاطل عن العمل أو تدور وظيفة فهذا المنشور لك .. إذا ما تعرف من أنا .. اشتغلت بائع خضار اشتغلت كداد اشتغلت في الشركات اشتغلت في القطاع الحكومي أول راتب استلمته كان 1,250 ريال وكاش! الكلام اللي بقوله خذ منه اللي يناسبك ويلهمك، واترك اللي ما يناسبك! بدايتي كانت في بيع الخضار وكان عمل مربح جداً جداً فوق ما تتخيل! في هذاك الوقت نزل قرار بسعودة سوق الخضار والفواكه والسعوديين اللي يشتغلون في السوق "كانوا" قليلين، وبعضهم كان يشوف الشغلة "عيب" لما نزل قرار السعودة قلت في نفسي "ليش ما اروح واستكشف السوق؟" وآخذ فكرة! 📂 حط في ملفات تعلمك في الحياة .. | |-📂 اتبع حدسك في فضول التعلم |-📂استغل اي قرار حكومي لصالحك | بعد الدوران والسؤال اكتشفت انه: لازم اروح الحراج المركزي واشتري من هناك بالجملة، بعد صلاة الفجر مباشرة | ولازم يكون عندك محل "داخل" سوق الخضار عشان تقدر تبيع | |-📂 دائماً وأبداً في أبجديات المشاريع: | |-📂 ابحث عن منتج مطلوب | |-📂 اختر المكان الصحيح | |-📂 سعّر بطريقة صحيحة | |-📂 وصل المنتج للعميل بطريقة صحيحة | |-📂 المعلومات النظرية بلحالها ما تكفي! | بديت ادور محل ولقيت بعد تعب .. استأجرته ورحت لسوق الجملة وشريت البضاعة وللأسف ما اعرف كيف اعبي الخضار للعميل😄 | |-📂 لا تشترط الكمال قبل البدايات | سألت التجار اللي حولي وعلموني كيف اعبي الخضار للعميل، وتعلمت منهم "بالنظر" وش يسوون طول اليوم وصرت اقلدهم | |-📂 كوّن علاقات مع الآخرين وتعلم منهم | في اليوم الأول لي في السوق، لما جت الساعة 8 الصباح رحت للبوفيه واشتريت ساندويتش وكوب نسكافيه ومويه وكلفني الفطور تقريبا 5 او 6 ريال .. | لاحظت اني انا الوحيد بين التجار اللي ياكل عند البوفية وفي نهاية اليوم اكتشفت الكارثة! | اشتريت 10 كراتين ليمون من الجملة بـ 14 ⃁ للكرتون الواحد وكنت ابيعه بـ 15⃁ فقط! يعني ربحي من الليمون بلحاله 10⃁ | صرفت من الـ 10⃁ 6⃁ على الفطور وحسيت بالقهر! وعرفت ليش يجيبون معهم فطورهم وشاهيهم وقهوتهم من البيت! | |-📂 قدّر قيمة الريال! | |-📂 تعلّم فنون إدارة المال | في المقابل كنت اشتري الباذنجان بـ 4 ⃁ وأبيعه بـ 14 ⃁! | مشكلتي تعبت من العمل بلحالي اقوم قبل صلاة الفجر وارجع الظهر وارجع للمحل العصر الى الليل حياتي صارت كرف وتعب | لذلك بعد ما جمعت مبلغ جيد وقفت، وبديت ابحث عن عمل آخر يكون مريح شوي | |-📂 نفذ اهداف صغيرة عشان توصل للأكبر | من بيع الخضار شريت اول سيارة واشتغلت عليها كداد وكنت اطلع مبلغ ممتاز صحيح اقل من الخضار ولكنه اريح "بالنسبة لي" .. | |-📂 لا تستمر في عمل ينهكك جسدياً وذهنياً | |-📂 دائماً ضع بديل احتياط! | الشي اللي ما تكلمت لك عنه واللي يمكن ما راح يعجبك هو الصداقات! | علمني ابوي جعله في جنات النعيم من وانا صغير اني انتبه مليون مرة للشخص اللي اقرر انه يكون صديقي! | ليش؟ | لأن ببساطة الصاحب ساحب! | ومهما كنت ذكي وطيب ومتربي وولد اجواد اذا صادقت الخسيس بتكون مثله - أجلك الله - وإذا صادقت الطيب بيزيدك من طيبه وعلومه الغانمة .. | |-📂 خلك حذر في اختيار صداقاتك | طيب وش علاقة الصداقات بالكلام اللي اقوله؟ | اللي كانوا يشوفون شغلي عيب وكرف والمفروض ابوك يصرف عليك سحبت عليهم باختصار .. | في هذاك الوقت انتشر شي اسمه كباين اتصالات "قبل الجوالات😄" وكان ما يشتغل فيها الا سعوديين | مباشرة بديت ادخل على المحلات واسألهم: تبون موظف؟ و 99٪ من المحلات اللي دخلتها يقولون: لا😄 | وبعد المحاولة اللي مدري كم رقمها اخيراً سمعت كلمة ايه محتاجين موظف🤩 | |-📂 عود نفسك ما تنهزم من اول "لا" | كان الراتب 1250 ريال وبعد شهر قرر صاحب العمل يزيد الفترة مقابل 2500 ريال | |-📂 اقبل بالوظيفة المتاحة مهما كان راتبها | كثيرين يعتقدون ان الوظيفة مجرد مهام تسويها وتاخذ مقابل وهذا اعتقاد غير صحيح! | الوظيفة ترفع تقديرك لذاتك وتجعلك مستقر نفسياً حتى لو كنت منت محتاج! | الوظيفة تكسبك علاقات وتساعدك تبني مهاراتك وتعلمك الدخول مع الناس وتتعرف على احتياجات بيئات العمل والسوق بشكل عام | مابي اطول عليك السالفة، ولكن كل اللي ابي اقوله لك: ان ملفات التعلم اللي اهديتك اياها جت بعد سنوات وصدامات واخفاقات ونجاحات .. | مهما اختلفت ظروف الزمان والمكان تبقى المبادئ والمفاهيم ثابتة ما تتغير .. | وسلامتكم 🙏🏼