لارا

بمرة شفت مقطع لـ -سمية الناصر- بعيدًا عن اتفاقي مع توجهاتها من عدمها بس كانت تقول لوحدة خايفة الناس يشهدون سقوطها في أمر ما: خلي الناس تشهد سقوطك وتتكلم عنه سو وت ياماما سو وت.. إتس أوكي.. إتس أوكي وأحس صدق سو وت؟ تعاملوا مع أحزانكم باحترام لأنه ترا من تعاطف النفس مع النفس إنك ماتلبسها شيء يناقض شعورها. إذا كنت بخير أنت بخير إذا كنت في وضع سيء أنت في وضع سيء اسمح لنفسك تتنفس ولا تطيل التأسف. لأن الأسف مامنه فايدة إذا طال عن حده الزمني.

هل عشتُ حقًا؟ يكاد الشك يغلبني

المشكلة أتمرن ما أدري ليه يعني لا أدور مؤخرة بارزة كباقي البنات ولا أدور شيء محدد ومع ذلك ٥ أيام فيه نعم أنا نوع البنات اللي تحب البنت تكون عصلا بدون كيرفز واضح بس برضه ما أحب أحد يتفوق علي بجانب الانضباط علاوة على إن التمرين تنفيس عصبي بالنسبة لي.

سقوط حر أو سقوط الحر؟

وكل ما يكلمني تجيني بعده رغبة شديدة في البكاء هل هذا هو مشروع عمري؟ كيف كذا ماعدت أحس ناحيته بشيء وصوته لحاله كفيل بإنه يثير في رأسي نوبة شقيقة هو نفسه؟ الرجل اللي كنت أحبه زي ما أحب أهلي؟ يحاول يبقى لطيف بس حتى لطفه ماعاد شيء اهتم لأمره سبحانك يامقلب القلوب كيف حرفيا الهوى من قلبي زال..

أحب الليل وأحب الصفاء الذهني اللي يجي معاه أنا من زمان ماجربت أكتب كلام فاضي زي الآن وأحس بنفس الوقت زعلانة إنه جربت أكتب زي زمان لأنه يذكرني في جزء مني كنت أتمنى شوية لو تركته في الماضي وبقيت أستذكره. مدري ممكن كلامي متناقض بس It is what it is

وأنا منذ عرفت نفسي آنس بصحبة نفسي بس هذي ممكن أول مرة أحسني قريبة مني كذا. عرفت نفسي بجد وأحس شيء في روحي استفاق. فيه نهم يأكل روحي فيه رغبة في إني أحدق في الفراغ وأتوق للعدم ويآسرني منظر ماخلف النوافذ وأحب التماهي مع اللاشيء وأرغبه.

صايرة إذا تملكتني فكرة مليئة بالقلق أحب أربت على كتفي وأذكرني إني غالبًا قاعدة أضخم الأمور. وعاهدت نفسي ما أبكي وإذا قربت دمعتي تنزل أحاول أعدد الأشياء من حولي لين تروح.

متمرنة لور بدي كامل وماخذة كارديو ٢٠ د وعندي دوام بعد ٤ ساعات ولا نمت للآن وأحس

نطيب لو عيت ليالينا تطيب ونموت ماتاطى لنا الدنيا طرف

يخوان والله كأنهم رجال..

سوف ننسى الألم سوف ننساه
إنّنا بالرضا قد سقيناه

عموما كلنا سعوديين ونقد عادة لايعدو عن كونه مجرد نقد. وعند الجد الجنوبي في ظهر النجدي والنجدي في ظهر الجنوبي وكذا الحال بالنسبة لكل المناطق. والله يديم أمن دولتنا ويحفظ سعوديتنا 🇸🇦❤️.

"لكيلا تأسوا على ما فاتكم ولاتفرحوا بما آتاكم والله لايحب كل مختال فخور".