Hindu Unity Front (HUF)

"ಪ್ರಬುದ್ಧ ಅಕಾಡೆಮಿ" ಕಲ್ಯಾಣ ಕರ್ನಾಟಕ ಯುವಸಮುದಾಯದ ಕಲ್ಯಾಣಕ್ಕೆ ಇದು ಮತ್ತೊಂದು ಹೆಜ್ಜೆ. ಕಲ್ಯಾಣ ಕರ್ನಾಟಕ ಭಾಗದ ವಿದ್ಯಾರ್ಥಿಗಳಲ್ಲಿ ಸ್ಪರ್ಧಾತ್ಮಕ ಮನೋಭಾವನೆ ಹೆಚ್ಚಿಸುವುದಕ್ಕಾಗಿ, ಅವರಲ್ಲಿರುವ ಪ್ರತಿಭೆ, ಸಾಮರ್ಥ್ಯಗಳಿಗೆ ಸ್ಪಷ್ಟ ರೂಪ ನೀಡುವುದಕ್ಕಾಗಿ ಮತ್ತು ಅವರ ಭವಿಷ್ಯಕ್ಕೆ ಭದ್ರ ಬುನಾದಿ ಒದಗಿಸುವುದಕ್ಕಾಗಿ "ಪ್ರಬುದ್ಧ ಅಕಾಡೆಮಿ" ತರಬೇತಿ ಕೇಂದ್ರ ಪ್ರಾರಂಭಿಸಲಾಗಿರುವ ನಮ್ಮ ಈ ಪ್ರಯತ್ನವು ದೇಶದಲ್ಲೇ ಪ್ರಪ್ರಥಮ ಎನಿಸಿಕೊಂಡಿದೆ. ಪ್ರಬುದ್ದ ಅಕಾಡೆಮಿಯಲ್ಲಿ ಕೇಂದ್ರ ಲೋಕಸೇವಾ ಮತ್ತು ಕರ್ನಾಟಕ ಲೋಕಸೇವಾ ಆಯೋಗದ ವತಿಯಿಂದ ನಡೆಯುವ ಪ್ರಮುಖ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತಯಾರಿ ನಡೆಸುತ್ತಿರುವ ವಿದ್ಯಾರ್ಥಿಗಳಿಗೆ ಉಚಿತ ಮತ್ತು ಗುಣಮಟ್ಟದ ತರಬೇತಿಯನ್ನು ನೀಡಲಿದೆ. - ಆಧುನಿಕ ತಂತ್ರಜ್ಞಾನ - ಸುಮಾರು 500 ವಿದ್ಯಾರ್ಥಿಗಳ ಸಾಮರ್ಥ್ಯ - ಪ್ರತಿ ಕೊಠಡಿಯಲ್ಲಿ 125 ವಿದ್ಯಾರ್ಥಿಗಳು ಅಧ್ಯಯನ ಮಾಡಬಹುದಾದ ನಾಲ್ಕು ವಿಶಾಲವಾದ ತರಬೇತಿ ಕೊಠಡಿಗಳು - ಸುಸಜ್ಜಿತ ಗ್ರಂಥಾಲಯ - ಆಡಳಿತ ವಿಭಾಗ - ಡಿಜಿಟಲ್ ಲೈಬ್ರರಿ - ಮೆಂಟರಿಂಗ್ ಕೊಠಡಿಗಳು - ಸ್ವ ಅಧ್ಯಾಯನಕ್ಕಾಗಿ ಕ್ಯುಬಿಕಲ್ಸ್ - ವಿದ್ಯಾರ್ಥಿಗಳಿಗೆ ಅನುಕೂಲವಾಗುವಂತೆ ರಿಯಾಯಿತಿ ದರದಲ್ಲಿ ಉಪಹಾರ ಕೇಂದ್ರ - ಉತ್ತಮ ಪರಿಸರದಲ್ಲಿ ಅಧ್ಯಯನ ಮಾಡಲು ಗಾರ್ಡನ್ ಸೇರಿದಂತೆ ಎಲ್ಲಾ ಮೂಲಭೂತ ಸೌಕರ್ಯಗಳನ್ನು ಹೊಂದಿರುವ ಪ್ರಬುದ್ಧ ಅಕಾಡೆಮಿಯು ಕನಸು ಹೊತ್ತ ಕಲ್ಯಾಣ ಕರ್ನಾಟಕದ ವಿದ್ಯಾರ್ಥಿಗಳಿಗೆ ವರದಾನವಾಗಲಿದೆ. ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ ಮೂಲಕ ಕಲ್ಯಾಣ ಕರ್ನಾಟಕ ಭಾಗದ ವಿದ್ಯಾರ್ಥಿಗಳಿಗೆ ಸ್ಪರ್ಧಾತ್ಮಕ ಪರೀಕ್ಷೆ ನಡೆಸಿ, ಅರ್ಹರಾದ 500 ವಿದ್ಯಾರ್ಥಿಗಳಿಗೆ 10 ತಿಂಗಳ ಪೂರ್ವಭಾವಿ ಪರೀಕ್ಷೆ, ಮುಖ್ಯ ಪರೀಕ್ಷೆ ಮತ್ತು ಸಂದರ್ಶನವನ್ನು ಒಳಗೊಂಡ ಮೂರು ಹಂತದ ತರಬೇತಿಯನ್ನು ನೀಡುವ ಮೂಲಕ ಈ ಕೇಂದ್ರವು, ಪ್ರತಿಭಾವಂತ ವಿದ್ಯಾರ್ಥಿಗಳ ಕನಸನ್ನು ನನಸಾಗಿಸಲು ಮಹತ್ವದ ಕೊಡುಗೆಯಾಗಲಿದೆ. #ಕಲಬುರಗಿಕಲ್ಯಾಣ