م

يا الله يا اللي في يديك التدابير لا تطلب الفزعه ولا تستشيري واللي تبيه بـلا تقدم و تأخـير يصير و اللي ما تبي ما يصيري تحط لي في يوم كشف التقارير حجاب من بيني وبين السعيري .

تحذرت منها مير مالي عن المقسوم معي عقل لكن كيف الومه وهو معها تمر الفطين المنتبه ويغدي منجوم ويروح الشقردي خاتمٍ بين اصابعها نسايم ثغرها تجرح الورد و اليشموم وهمسة شفاها لاحكت دوب تسمعها انا المنتصر فاللي جرا لي وانا المهزوم وانا اللي وضعت عمامتي فوق برقعها خالد بن ماطر

لينت لك قلبٍ لغيرك ما يلينه الحديد ولديت لك عين لغيرك مابعد لديتها وغنيت فيك النادرات الشاردات من القصيد اللي تثير الصمت في الجمهور لاغنيتها ونشرتها بأشّهر مجله للقريب وللبعيد على غلاف المختلف الكل قرا منشيتها . سلطان الهاجري

الظلم كيف اقبله والصبر كيف احرزه عزالله اني من الاثنين قلبي جريح والله مايزعل الرجال وينرفزه الا لاقال الصحيح وقيل ماهو صحيح . لافي الغيداني

الذكريات تصحّي الهم بدري تـأثرت مني . . و منها تـأثرت ㅤ من حكمة الله حط همي بصدري لو ان همي في رجولي تعثرت . عبدالله حنيف

بعض الأصحاب لا فارقك فرصة سعيدة العوض عن مشاهدته بعيرٍ مفلّي لاتدور عضيد مايخلي عضيده الا كان بتقول لدمعة العين هلّي ولا تلفّت خلافة واضرب الدرب سيده ماحصلك نهار اليوم قبلك حصل لي وكان زلّت سموعك عن دروس العقيده طف نجوى كرم واسمع ربابة مهلّي . خالد بن ماطر

ماينومس لابته غير الشجاع الماجد واحدٍ صوته ليا عجعج رمكها يصدح الرجل ماهو بيصلح له يشاور واجد ودّك انه مره يشاور ( وعشره يقدح ) . خالد الجابر

آوي لغيري وعيّا الوقت ياوي لي ماعندي إمن الكلام أصدَق من سكوتي أموت مثل الشجر واقف على حيلي وأمدّ ظلّي .. قبل يدرون عن موتي . زبار الحربي

اللي يدور رضا غيره و يترك رضاه ماتارث عياله إلا ضعف شخصيته

يا ابن آدم من بغى شيٍ وصل له بالعمل والجهد ماهو بالتمني تحسب ان دنياي دايم مسفهله وتحسب اني مستريح وتحسب اني والفضل للي مظللنا بظله يقدر الواحد من الضيقه يغني فكّر بـ مستقبلك دقه وجله وانتبه له واصرف التفكير عني ما انت حاسدني على ما اعطاني الله لو عرفت اللي خذاه الله مني !

تعب كل التجارب لكن احيان التعب نوماس أنا حاسبت نفسي قبل ربي لا يحاسبها تقدّيت بكلامي ما تقدّيت بكلام الناس خسارات الدروب أهم عندي من مكاسبها أنا مانيب ناقص معرفة ولا بليد إحساس عشان أحط نفسي في مكانٍ ما يناسبها . عبدالله السراهيد

جميع غلطاتي من الاحساس واللي يعاتبني يعاتبني ماهوب شرط أعجب جميع الناس أنا ما كل الناس تعجبني ناصر مناحي

تغير علي طبعك ولا أدري وش اللي جاك تعامل معي بالكذب وتقول صدقني ! لا شفت المعاتب قل حاول تروح هناك أنا لا وصلت لمرحلة صمت فارقني ولاتحسبني برخصك لابغوك عداك انا شاربي من قرب منه لحق دقني . صالح النشيرا

أولوياته اللي عن يقين وقناعه كانت الدين وانتي والوطن والقبيله .

استباحت غلطة الشاطر عواقبها الوخيمه غلطةٍ يموت شاطرها قبل يدفع ثمنها.

من يقبل العيله يبي يقبل الميل ولاتنصدم بالناس كلن وساسه رجلٍ يدير الهرج بين الرياجيل ورجلٍ يديرون الرياجيل راسه متعب لافي

لاتعذّب مسلمً يوم كبّر للسجود دمعته تسبق سجوده ولاترفع معه .

ودّي أفهم بس نفسي ماقدرت أفهمها من يحرّرني من قيود الشعور السلبي أذكر إني قبل أكون إنسان في عالمها كنت آماطل لالقيت الواحد يماطل بي بس هذي رفرفت روحي على معصمها وانشغل بالي عليها واستباحت سلبي كل حرف يثيرني لا من طلع من فمها حتى بسم الله على قلبك تعوّر قلبي . عبدالله السراهيد

أنا لا نفسي عصية ولا قلبي قطوع أجفي الدنيا و أعود و أصير صحيبها عن مشددة اللواحظ ومرخية السموع قافلٍ بيبان ود العلوم وجيبها ما درى باللي تكنّ الضلوع إلا الضلوع وش تبي تنفعني الناس لو تدري بها أثرني في ضحكة الزيف لي عام مخدوع أتصنعها ولا أدري وش أنا أبي بها .

جعل الرياض لبارد النسمة وهمّال السحاب لين إتثنّى لي خزاماها وتلعب ريمها 🌧️

من ضبابيّة حياه ومن رماديّة شعور ضعت في نفس المكان اللي من اول خابره ماني بـ خايف سوا من ليلة من غير نور ودربٍ امشي به وحيد وماعرف وش آخره . خالد الجابر