🤔 لو انت متعرفش اي حاجة عن البرمجة وعايز تتعلم برمجة من الصفر بدون تضييع وقت وبهدف الوصول لمستوى يؤهلك انك تعمل مشاريع عملية لوحدك و منغير ما تقع في tutorial hell وتقعد تعيد في نفس الدروس 🥵 يبقى تابع الثريد ده وان شاء الله هقول لك المختصر المفيد و ريتويت بقى والكلام ده 😅

ما هي البرمجة؟ ده سؤال لازم نجاوب عليه عشان نفهم احنا بنحاول نتعلم ايه بالظبط و نركز و نوصل للهدف في اسرع وقت ممكن البرمجة هي الاداة التي تستخدم لتطبيق علوم الحاسب او الـ computer science ده في الاخر يترجم بالنسبة لنا كمستخدمين، كالعاب وبرامج ومواقع وتطبيقات و اجهزة ذكية الخ...

اي هي البرمجة بردو؟ البرمجة هي القدرة على اعطاء الاوامر للاجهزة الالكترونية التي يمكن برمجتها، بغرض حل مشكلة ما او تحقيق هدف معين طب ازاي بنعطي الاوامر دي؟ عن طريق لغات البرمجة، دي الطريقة اللي بنتكلم بيها مع الاجهزة عشان نديها اوامر طب ليه في لفات برمجة كتير و نبدأ بأي لغة؟

في لغات برمجة كتير عشان في اجهزة و تطبيقات و انظمة متعددة و مختلفة windows/linux/android/ios/games/apps/websites/robots/cars/smart-tvs/etc.. كل اللغات دي في الاخر بتطبق نفس مفاهيم البرمجة الاساسية بشكل او باخر، و المطلوب منك تعلم المفاهيم دي و التركيز عليها في الاول و لكن...

يبقي السؤال، بردو ابدأ بأي لغة برمجة؟ لو محدد مجال عايز تنطلق فيه، يبقي ابدأ باللغة المستخدمة في المجال ده، لو بتتعلم طبقا لمنهجية معروفة و مجربة و ناجحة فليكن كورس او دورة او self study plan معروفة بشكل ما لو مش محدد مجال و بتتعلم لوحدك، يبقي ابدأ بلغة سهلة و في نفس الوقت...

و في نفس الوقت لغة ممكن تفيدك في سوق العمل في معظم المجالات لاحقا، لغة مثل python او javascript طب هو ليه في لغات سهلة و لغات صعبة لو كل مفاهيم البرمجة واحدة؟ بشكل مختصر، عشان اللغات دي بتطبق المفاهيم بشكل مختلف، الشكل ده بيحدد درجة الصعوبة و عندنا لغات high level و low level

لو عايز تعرف اكتر عن الفرق بينهم، ابحث في جوجل كمان ابحث عن ما هي مفاهيم البرمجة الاساسية، what are the fundamental concepts of programming مهارة البحث مهمة جدا للمبرمج و بيعتمد عليها في شغله بشكل اساسي لازم تتعود تبحث و تقرأ و تجمع معلومات و تتعلم، و ابحث اكتر ما تسأل.

بعد ما تقرأ وتفهم ايه هي مفاهيم البرمجة الاساسية، اذهب الى يوتيوب و اختار كورس او اتنين بيعلموا مفاهيم البرمجة الاساسية باللفة الي اخترتها، و قارن اول درسين تلاته في الكورسين، ثم اختار كورس واحد و كمل معاه هدفك الان انك تتأكد من تعلم المفاهيم الاساسية، مش انك تحترف لفة البرمجة

ايا كان المصدر الي بتتعلم منه، بعد ما تختاره، افضل ماشي معاه، لا تقي في تشتت بين المصادر و اكتب انت اتعلمت ايه من كل درس و قارن ده مع المفاهيم اللي انت عارف انك المفروض بتحاول تتعلمها اول ما تتعلمها، سواء من مصدر واحد او اكثر، كف عن مشاهدة المزيد من الدروس المتعلقة بتفاصيل اللغة

ابدأ مباشرة في مشاهدة فيديوهات مشاريع و تطبيق عملي و problem solving، لان بعد فهم الاساسيات، تأتي مرحلة مهمة جدا و هي فهم كيفية ربط الاساسيات ببعض و استخدامها لحل المشاكل و بناء مشاريع و برامج كاملة الي جانب التدرب على التفكير المنطقي المرتب و تكسير المشاكل و تحليل الاخطاء