بيآنة 🌌

@AdealAlabdullah كذبه أبريل واذكركم 😂😂😂 هذي تحب زوجها مره ماراح تتركه

نهى نبيل انفصالها عن زوجها بعد زواج دام 17 عام

@Tutuvvb اموت على البكمنه من هالنوع عسسسسل لكن بكمنه ابي ارضي الذكور اكرهااااا

هيييه أنتي لا تغيري الترند ترا مو الكل المكونات متوفر عندنا

@waateee الرجل الرخمه هو الي يحب يستقوي على اي احد ضعيف لو رجال قدامه ترى ما يقدر هو يحاول يعوض الضعف ، المهم تراك غبيه لو ماحلبتيييييييه ورفعني دعوى هذا فرصه حلوة للتربيه والتجارة على حسه 🤣🤣🤣

#ارهاب_الشوارع ضد النساء هذا متى ينتهي؟ من يوم ساقت المراه و هذا وضع الذكور مطاردات و مىيكه؟؟ قاعد يطاردها و نزل يضربها !! والله حتى في المكسيك ما تصير

@Ummdan_1 @lara19ry اتدلع وابسط حقوقي عندي وحده تخدمني وش حارق رزك ! وكلمه رفلا يستخدمونها لتأنيب السنعه الغبيه مو أنا 😂 دايم الي يصايحون كذا يخافون يفقدون السلطه على رعيتهم 😂 او مدقومين مجبورين يخدمون 😂😂

@369_bwin @lara19ry اقول تبغينيها رفلا مثلك ماهو كل من حرصت على النظافه والطبخ شغاله. تعقبين.

من الخاص: السلام عليكم بنات من غير تجريح أنا ابي احد يعلمني ويساعدني أنا إنسانه جدا مهمله ف ترتيب البيت وتنظيفه ولا ارتب البيت ولا أنظفه ولا اعرف اسوي شي ولا عندي طاقه اطبخ او اسوي اي شي م اعرف كيف ماشاء اللّٰه تبارك اللّٰه البنات الي في عمري سنعات ويعرفو كل شي أنا م اعرف اسوي شي أبدا حتى الطبخ م اطبخ ودايما الي حولي ينقدوني علموني وساعدوننيييي ساعديني ونزليها ابي حلللول

@Askmuhami تبدين بالغلط بعدين تقولين وش اسوي الله طلب من الرجل الصرف على البيت وعياله وعليك تروحين تأخذين دوره هذا الي بيسويه فيك ياخذ مراه حقيقيه تعيش دورها معه المهم دامه زفت ويهدد انتي هددي وقولي برفع قضيه بالأرض وخلي الضعافه دامك اخذتي دور الرجل خليك رجال

من الخاص📩 السلام عليكم ساعدوني ارجوكم بالقول السديد والحكيم أنا طبيبه و زوجي طبيب قبل خمس سنوات قرر يشتري ارض بمبلغ مليون وميه وقال نشتريها نص بالنص ونفرزها كل واحد ياخذ النصف وكنت رافضه تماما بس هو ضغط علي ودفعت بعد ما دفعت كتب الارض باسمه ورفض يكتب باسمي وقال هذا دين راح ارد لك الدين قلت له ليش قال أنا راح ابنيها لان بقسمها بالنص جزء لنا وجزء لاهله طبعا وكلت امري لله عشان ما تكبر المشكله بيني وبينه واخترت راحه بيتي طبعا للان الارض ما بنى فيها شى لانها كبيره وما معه فلوس والحين لقى فلتين دوبلكس جاهزه وقال بيشتريها وحده لنا ووحده لاهله بس قال انتي تدفعي وحده ونكتبها باسمك ونسكن فيها وانا اشتري الثانيه واخلي اهلي فيها طبعا رفضت وقلت عندي فكره أنا اشتري منك الارض وتكون لي وبفلوسها انت اشتري الفلتين باسمك طبعا رفض وقال الارض الحين زاد سعرها واذا ابغا أبيعها لك راح أبيعها بسعر السوق وصرنا كل يوم مشكله هو يبغا هذي الفلتين وكل يوم يعصب وقلبت حياتنا فوق تحت ليش ما تدفعي مع زوجك وانا راح اتزوج عليك ويهددني . للعلم كل مصاريف اولادنا أنا مسوله عنها بحكم اهله ميسورين حال وهو مسؤول عنهم السوال كيف اثبت حقي من الارض على العلم ان التحويل موجود وأفكر اني أتطلق بس ابغا شى يثبت حقي بالأرض قبل اي شى هل أوكل محامي ضايعه تماما وماعندي احد لاحول ولا قوه إلا بالله

@FdFdHME العجيب انه شرهان عليها ولا كانه سوا غلط ! وشايف انه عادي ومن حقه طبيعي طالما دينك المجتمعي مبيحه لك ! كلكم أردى من بعض والحمدلله الي فضلنا على كثير من خلقه وترى خويك ماتزوجها عبث اكيد انها يوم كانت معك كانت معه يعني طقطقت عليكم وتونست عليكم كلكم وانت بتاخذ لك وحده مثلها

#فضفضه احتاج مشورتكم والسالفه اقسم بالله العظيم انها صدق أنا اعرف وحده عن طريق العمل ولنا مع بعض فوق 3 سنين وكل شي صار بيننا مثل المتزوجين المهم تقدم لها صديقي بالعمل بحكم انه عملنا كلنا واحد وهي طلبت استشارتي وقلت لها شوفي نصيبك تزوجت وبنفس الوقت كاسر خاطري صاحبي انه تزوجها وهي هذا حالها معي والقهر تقولي راح ابقى معك وراح نخرج مثل ماكنا ولا عليك من احد تكفون أعطوني رايكم ايش الحل.

@mhmsoon ماعطوها شي بس ترقيه على نفس الراتب الناس السعوديين هم الكويسين اما دانكن ماعطوها شييييي حتى هي ماقالت عطوني من وين تجيبون الكلام الفاضي هذا !

موظفة ستاربكس اسمها دينا كامبيون ابتكرت الفرابتشينو من مكونات موجودة بالفرع. ستاربكس أخذت المنتج صار يبيع بمليارات الدولارات سنوياً وما أحد يعرف اسمها تخيلوا ! وحتى ما حصلت ترقية! ولا نسبة ولا حتى شكر بنت تبوك ريري ابتكرت ريري كوفي رول من مكونات فرعها بدانكن. الترند ضرب في دانكن السعودية ودانكن اعتمدت المنتج رسمي بكل الفروع رقوها مديرة فرع وكافأوها. والناس راحوا يجربون المنتج خصيصاً عشانه من ابتكار بنت سعودية 🇸🇦 هذا الفرق بين بيئة تاخذ إبداعك وتنساك وبيئة ترفعك معها السعودية ولادة 🇸🇦🇸🇦

أوراد القران أقوى محرك في الحياة للتغيير 🤍

تعرفون ؟ هيومن ديزاين يعني طاقتك الروحيه مع النفسيه والفكريه وش ممكن تسوي ؟ من الآخر خريطه شخصيه بس اكثر وضوح من ناحيه وش افضل احتمال ممكن الواحد يسويه بحياته من وين يبدا وش هي نقاط قوته وكيف يستخدمها في حياته وعلاقاته مره الموضوع مبهر وجميل وخلاني اعرف نفسي اكثر #حدس

@ziin80 @D17Wr @DunkinDonutsKSA لغه الجسد حقتها تقول ماعطوها اي مكافاه غير أنهم رقوها للمانيجر هذا إذا ماكانت أصلا موعوده فيه من قبل وسرعوا البروسيس 😂 للأسف دانكن تحت إداره عماله مصريه قويه هذا الي بيسكتونا احنا فيه لأننا الي جالسين نسأل وش عطوك وش عطوك تحت ضغنا واذكركم انها بتطلع

🚨🚨 رسميا : تمت ترقية موظفة دانكن صاحبة ابتكار ' ريري كوفي رول ' لمنصب مدير فرع + مكافأة غير معلنة ( يارب تكون نسبة من مبيعات المنتج ). مبروك بنت تبوك @D17Wr تستاهلين وعقبال كل مجهتد في عمله . شكرا دانكن السعودية @DunkinDonutsKSA .

@Roui2030 يسوون الاختبار الي سواه فرعون لموسى لما حط له تمره و جمره المشكله ان موسى اخذ الجمرة 😂 عشان كذا صار لسان موسى عليه السلام فيه مشكله والغريب اكثر أنهم إذا ماصار لها شي يعني هي صادقه !!! طيب موسى اخذ الجمرة 😂😂😂!! يقدرون فرعون بشكل غريب المصريين وهو اكثر واحد ملعون بالقران

هذه العادة غريبة بمصر .. منظر الحرمة وهي ترجف وتصافق ركبها من الخوف يضيق الصدر! 💔 مهما كان السبب، تعريض النفس للنار والتشويه عشان 'اختبار براءة' أسلوب غريب وماله علاقة بالدين ولا المنطق. معقولة للحين فيه من يطبقها؟

@SALIFATI9 ترى اختبار سلم القيم قبل الزواج ضروري للبنت وللرجال يشوف وش اكثر شي يهمه الشكل او المال او الحب او الجمال او الصحه او الاطفال ضروري الواحد يحدد وش القيمه المهمه الي ما يقدر يتنازل عنها لان كذا غلط هو رجال وكويس غيرك يحطه بعيونه وانت قيمتك العليا الجمال والشكل المفروض ما تاخدينه

#سالفتي انا مشكلتي طول عمري احب الرجل بضخامته وعوارضه وجاني عكس هالشيء تماماً .. لذلك للان ماحسيت ب انجذاب لخطيبي رغم جميع الايجابيات وودي ما اركز على الشكل بس مو قادرة ماتقبلت صغر حجمة وطولة ووجهة وصوته .. بالشوفة هو دخل علي وكنت حاطه علامة عند الباب اذا وصل لها يعني انه بطولي وشفته وصل لها وبعد العقد يوم دخل علي طلع اقصر مني بكم سانتي وابدًا م احس ب انوثتي معاه بس ماقدر انفصل الكل بيكون ضدي وماكملنا شهر مع بعض وهو شاري رضاي صراحه بس الانجذاب مهم

@tot_9il كويس هي تشوفه صرافه وهو مسميها البيت هذي اخره الزواج التقليدي ما ينجح فيه إلا من رحم ربي ياناسسسس ضروري الواحد يعرف وش هو مقبل عليه في حياته

اختاري مصلحتك لو كنتي باسوء حالاتك

@S7ir44 تدرون لو المحادثه لمراه و شاف المحادثه هذي رجل من الاغبياء المنتفضين لذكوريتهم استخدموه ضد المراه وأنها ناقصه 😂 يعني وش اكثر نقص وغباء وامراض من كذا لكن كنساء ذكيات نعرف ان هذا مو طبع كل الرجال الصاحين وانه واحد ولا يمثل البقيه من الرجال ولا كان صدق سلام علينا

يهددها بالطلاق عشان علك.؟

@BellaBey1170480 @ipret_ سورة المسد عن تجربة للحزن والألم والمرارة

@ipret_ أنا كان عندي حزن شديد هذو الايام ليوم صيامة شوال و عم ادهن بطني بزيت خروع كل ليلة في سورة قرأنية ساعد وضعي

سورة القلم تناسب نية كشف المواهب أو بنية تطوير موهبة معينه وبنية أستعادة الشغف والتركيز ، وتناسب قراءتها بنية الجانب الدراسي والعملي لانفتاح الذهن والتطور لكن اقراوها بدون عدد ايام معين❤️.

@FdFdHME يعني كل هذا وشوروا علي واضح ان مجتمعك غير عن مجتمعه وتفكيره بعيد عن تفكيرك ومشكلتك في محاوله إثبات ان كل شي بخير وأنك واثقه هالاشكال ينفع معه الشكم مو الضعافه كل ردات فعلك اثبتت انه تقدر تنكد علي اكثر للأسف المشكله من عندك مو عنده

#فضفضه عقدت قراني على شخص عمره 33 وعمري27 وسالنا عن الولد وقالوا انه من بيت دين واخلاقه يشهد بها بعد الملكه حصلت اشياء ضايقتني طلبته يحضر معي حفله النساء ولاجاء وبعدها جاء دوامي ونزل سال عني وعن البنات اللي معي وقال دوامك م عجبني ابوك قالي انك في مبنى لحالك وهذا م حصل وعديتها له بعدها بدا يشكي من وضعه المالي وانه عنده مشروع فتحه وفشل فيه وعنده ديون ومشاكل قضائية وانا قلت له امورك الماديه بصبر عليها لين تتعدل ان شاءالله يعني م بينت له اني متضايقه وانا والله صادقه ما تهمني الماديات قد م انه يكون رجال كفو ومره كنا نتكلم عن المستقبل قالي كلمه ان انا ي اعيش ي انسجن هنا انا بديت اخاف بعدها بدا يقولي لاتروحين لصديقاتك مااحب كذا ولاجمعات الاهل والاقارب اشياء كثير اشوفها عاديه لكنها عنده ماتعجبه مثل مواعيد عيادات او صالونات بعدها قالي بجي ازورك في مكتبك عندك مشكله قلت حياك مع انه طول فتره الملكه ثلاث شهور مازارني ولاشي مع انه ف منطقه غير وفي مره قلت له اننا طلعنا نتقهوى سوا سالفه وزعل وانه ليش اخوانك م يودونك وش فايده الرجال اذا مافيه خير لاهله هنا زعلت انا ورجعنا نتكلم بدون م يعتذر ودايم يسالني ويتوقع اني مخبيه عليه شي ف شوروا علي هل هذا ينفع لمشوار العمر ؟

@__all17 من الآخر القران يقولك رغبها مالياً ولو لازالت ما تبي ترضع له أخرى والان فيه بديل صناعي المراه لما تولد ترى هرموناتها تتلخبط جداً وبعضهم بدون وعي ممكن تكره طفلها اعرف وحده كذا تقول أكرهها مابيها والحين إذا ذكرتها بالموضوع تصيح صياح تقول ليه سويت ببنتي كذا ماكنت بوعيي ..

رفضت زوجتي ارضاع طفلنا الاول بحجة..👇🏼 وش رايكم تشوفو من حقه يتدخل ف قرارها؟ اللي واضح انه بخيل ما يبي يدفع قيمة الحليب

@ahmedaltmime1 @FdFdHME أنا جبت دليل وأنت تقول ليس سوالف شهر شهرين هذي الايه انزلت في الي يبي يتزوج وحده بالعده والعده ثلاث شهور ،تثقف بدينك الله يصلحك لو طبق الدين صح ما شفنا لواط ولا زنا لان الناس عندها احتياجات يجب ان تلبى وفق شروط معينه والحب أسمى أنواع المشاعر الي تخلي الواحد طاهر ويحافظ على نفسه

@369_bwin @FdFdHME هذي في التلميح بالرغبه بالزواج وليس سوالف شهر وشهرين 🤣 لاتولف مسوي نفسك فاهم بالدين

#فضفضه تعرفت ع بنت من خلال تطبيق زواج وسولفنا مع بعض تقريباً شهر ونص والصدق مره منعجب فيها وهي كمان وفيه تشابه في شخصياتنا و الخ عاداتنا وتقاليدنا نفس بعض، علمت عمتي كيف تعرفت ع البنت لاني اثق فيها وقالت ممكن البنت كويسه بس طريقة تعارفكم غلط شي مبني ع حرام وبكره يدخل الشك بينكم والخ، وتجي مشاكل وعلمت البنت برد عمتي وواضح انها زعلانه وماتبغى تنهي العلاقه وقالت هذا رقم ابوي اذا غيرت رايك وتجي تتقدم لي، والله علاقتنا مبنيه بهدف الزواج وانا تعلقت فيها ومعجب بشخصيتها مره وانسانه مهتمه بصلاتها ودينها بس ما ادري ايش اسوي الآن وجهوني. انا الان بس بعرف هل صح ان علاقة قبل الزواج غلط مع ان نيتنا زواج وكان التعرف عن طريق تطبيق زواج

@YaktobRisala @lara19ry @KfC_kn حديث غير صحيح اولاً ثانيا الألم النفسي والشعوري هو الأشد من كل الم وكل الأحاديث والايات عن النساء ومشاعرهن وهذا الألم ماراح يحسه الرجل إلا بعد ما تخلعه زوجته وتتزوج غيره وتعيش بسعاده مع زوجها الثاني هنا بتفهم😂 يضحكني الي يقلل من الم غيره عشان يقنع نفسه انه صح هذا منتهى الانانيه

@lara19ry @KfC_kn حديث الرسول من طلبت الطلاق من غير ما بأس لم ترح رائحة الجنة

من الخاص: زوجي ناوي يتزوج سلفتي بعد ما توفى زوجها، وكل أهل بيت حماي موافقين بحجة إن عيالها ما يربيهم أحد غريب. أنا قلبي مره متألم، لأني أنا وزوجي كنا متزوجين عن حب، ومب قادرة أفهم كيف الموضوع هذا عادي بالنسبة له ومتحمس له كأنه عريس لأول مرة، كأني أنا ما كنت في حياته! حالياً أنا مخيّرة بين إني أوافق أو يطلقني… تكفون ساعدوني بدون تجريح 💔