فضفضة

🔵 شروط النشر : 1🔴 يكون الموضوع واضح ومباشر. 2🔴 الإبتعاد عن الدراما والتأليف. 3🔴 الإبتعاد عن قضايا السياسة والعنصرية. 4🔴 متابعة الحساب. 5🔴 التأكد من تعديل الأخطاء الإملائية قبل الإرسال. 🟠 نعتذر عن الحذف بعد النشر. 📩 الفضفضه يتم إرسالها لنا عبر صندوق الرسائل الخاصة.

#فضفضه زوجي قاهرني وابغى اخذ حقي منه ولاقدرت عليه اذا صارت اطرف مشكله يتغير وقت العلاقة ويصير فيه قسوة وعنف أكثر من العادة و إذا قلت أسلوبك يوجعني يقلب الموضوع علي ويقولي إني أبالغ ودلوعه وساعات اطلب اروح المستشفى يمنعني يقول وش بتقولين لهم لا اصبري يروح كل شيء 💔 والله سبب لي رعب صرت أتوتر قبل العلاقة وأفكر كثير لأنه كل مرة أطلع منها متضايقة نفسيا وجسديا ولاقدر ارفض مره اقسم بالله ضربني كف واخذني بالقوه عشان رفضت ولااقصد مشاكل بس انا عصبيه وطريقة كلامي تبان اني سويت مشكله صرت أخاف من أي مشكلة بيننا لأني أحس أثرها يطلع بهالطريقة، كيف اخذ حقي اخاف اذا كلمت اهلي يعصب ويكبر الموضوع ويطلعني مجنونه ويجحد وانا اعرف ابوي يصدقه ويرجعني له مثل كل مره ؟

#فضفضه أنا من القصيم فكيت التقويم من سنة وطلعت لي مشاكل تسوسات بالجوانب بين الأسنان الأمامية وتصبغات برتقالية ماتروح وحساسية شديدة والتسوس جالس يزيد مين مر بنفس تجربتي وكيف عالجها ؟ وايش الإجراءات اللي تناسبني بدون ما اضر الاسنان أو تلبيسات، ياليت ترشحون لي أطباء أو عيادات شاطرة ومجربة بالقصيم الله يجزاكم خير.

#فضفضه انا اعرف وحده وابي اخطبها بالحلال بس فيه مشكله هي من مدينه وانا من مدينه وهي من قبيله وانا من قبيله كيف اقدر اجيهم واخطب وإذا سألوني كيف عرفتنا وش اقول لهم ؟

#فضفضه كيف تقنع شخص بأنك أخرجته من حياتك للأبد عن قناعة و رضا حتى يكف عن ملاحقتك و يترك لك مساحتك الخاصة لانه حتى الحظر وتغيير الحسابات و التنكر ما جاب نتيجة من ٢٠٢٢ وانا اعاني.

#فضفضه هل طبيعي يكون للزوجين غرفتين نوم وماينامون بغرفة وحده مع بعض ؟

#فضفضه خطبني شخص ومتردده بسبب انه موظف بقطاع البنوك ولا اعرف رقم تقريبي لرواتبهم وكيف حالته المادية هو مدير قسم في قطاع البنوك الاجنبية بالرياض.

#فضفضه وحده من صديقاتي حبت شخص بطريقة مرعبه مو حب عادي لا من النوع اللي يخليك تربط مستقبلك كله بإنسان واحد حتى لو هو مو معطيك نفس الشعور هو أصغر منها وكل شوي يقول لها مو الحين نتزوج لما تتحسن ظروفي لما أكون نفسي وهي كانت تعيش على هالكلام وتنتظره سنين وترفض أي أحد يتقدم لها عشانها مقتنعة إن نهايتهم زواج المشكلة دايم يلمّح لها بطريقة غير مباشرة إنه مو ناوي يتزوجها أصلًا يقول لها “أي أحد يجيك وافقي عليه” وهي تضحك وتحسبه خوف أو تهرب مؤقت وترجع تقول ما أبي إلا أنت ومع التعلق والطلعات والكلام عطته أغلى شيء ممكن البنت تعطيه لزوجها وهي تحسب إن قربها منه بيخليه يتمسك فيها أكثر بس صار العكس فجأة تغير ويقول إنه يبغى يتوب ويبعد وكل ما رجع يحاول يستقيم ترجع تسحبه لنفس الدائرة وكل مايبعد عن الغلط ترجع له تضعفه تخيلوا إنه صار يقول لها أنتي زي الشيطان بحياتي كل ما حاولت أترك الغلط ترجعين وتخليني ارجع لنفس الطريق والبنت منهاره تقول ابيه يخطبني وهو قريب بيخطب وحده غيرها وهي للحين ترسل له من حسابات وأرقام ثانية تترجاه يرجع وكل يوم تبكي دم وتدعي عليه مادري ايش الحلل وش اقولها !!

#فضفضه اكتشفت زوجتي تراسل صديقتها وتقول عني كلام ما حلو ولا احد يتقبله وتمس الكرامه وصراحه معاد تقبلتها ولا قلت لها اني شفت الرسايل وفكري مشتت صراحه ؟ اعطوني حل كيف التصرف المناسب معها.

#فضفضه زوجي تسببت لي باكتئاب وصايره احس بألم ف قلبي اقسم بالله من كثر التفكير أنا معد أتحمله امانه نزلها يساعدوني خاصه الرجال كيف أتصرف معه، زوجي بزر تصرفاته وانا عقلانيه تخيلو راتبه يا الله يكفي الأساسيات اسبوع ومخلص وانا عندي عيال وآخذ من اهلي المشكله مو هنا المشكله الراتب كويس رايح في قروض ياخذ قرض ويسوي مشروع ويفشل وهكذا إذا بغيت أناقشه مايسمع لي لدرجة كل سنه يزيد الوضع المادي سوء يسوي شي جديد الحين اخذ سياره جديده وسيارته كان فيها خراب بسيط بس تودي وتجيب كنت اقول لا تاخذ قسط زياده الباقي يا الله يكفي الضروريات إنسان اتكالي وغير مبالي ابد ويقول اصبري كيف اصبر وهو الي بتصرفاته يزيد الوضع سوء صرت امنعه من حقه الشرعي ويزعل علي وأزيدكم من الشعر بيت أنا كنت ف بيت اهلي مستحيل انظف متعوده ع الخدم ماعندي خدامه رغم اني احتاج بقوه لكن عشان الوضع المادي تنازلت عنها وانا في امس الحاجه وانا ما اطلبه ابد واتوقع هذا الغلط الي سويته ف حياتي صار غير مسؤل يعني عادي عنده اخذ من اخوي او اختي

#فضفضه امي تجبرني على اشياء اسويها غصب عني بس ماابين لها هالشي عشان ماتزعل مني مثلاً اشياء في البيت دايم انا اللى اسويها لحالي بدون مساعده بس انا راضيه ومحتسبه الاجر بس الا موضوع السفره هي تبي تروح عند اهلها وانا اصلاً مااحب ذا المكان ولا ابغاا عاد اروح لان ماارتاح واحس بضيق ، السنه اللى راحت رحت معها غصب وانا كارها الروحه بس عشان خاطرها رحت والان تبغاني اروح معها كمان هذي السنه المشكله عندي اخت اصغر مني بكم سنه بس ماتضغط عليها ولا تقول لها تروح معها دايم انا اللى انجبر اسوي اشياء ماابيها ولله احس اني متضايقه وكارها الحياه اعطوني حل😔

#فضفضه بقولكم موقف صراحه مؤلم عساه مايمر ع احد، وحده جت تشوف بنت ناس والنعم والبنت والنعم اخلاق دراسه ودين ادب حلوه ومعلمه المهم ام الخاطب هذي مدرسه جت جلست يمكن نص ساعه راحت ارسلت مافي نصيب اول ماركبت سياره وشريكم بتصرفها عدم احترام مشاعر البنت الام جايه بلبس بيت جايه بدون ماتجيب معها ولا قطعه شوكولاته ولافصخت عبايتها والناس مستعدين ومكرمينها وشرايكم بتصرفها.

#فضفضه احس معي مرض نفسي ماني راضي على وضعي الحمدلله توظفت بشهادتي جلست فترة طويلة عاطل بشهادة ثانوي بعدين مليت مرة من وضعي وقدمت على كل كليّات وخشيت تخصص هندسة والحمدلله الحين متوظف حكومي واحس ماسويت شي ف حياتي انا اذكى واحد في اخواني لكن كنت مهمل ايام ثانوي وفي فترة عطاله تعلمت برمجة مواقع وتعلمت لين سويت موقع تجريبي والحين معي شعور مو راضي يروح عندي أفكار مشاريع لكن ما عندي مادة وتحس انك مضغوط توجيهاتكم الله يحفظكم

#فضفضه ابي رد من ناس فأهمه هذا طبيعي ولا لا ابي اكلم ابوي واخواني قبل افهم الموضوع أو انا أنا مكبره السالفه أنا تملكت من أسبوع لواحد من أقاربي وتواصل معي ومن البدايه كذا كلامه غريب اول شي يقول سبب تأخري عن الزواج اني ماأتحمل المسؤوليه ويقول لا تصدقين كلام احد فيني لا خواتي ولا زوجات اخواني عادها لي ثلاث مرات خلال هالاسبوع بعدين قال الصراحه ابي لي غرفه خاصه وحمام ماحب ادخل بعد احد الحمام ويقول عندي فوبيا من الحمل إذا حملتي ٩ شهور خليك عند اهلك وانا ترا خواتي يقولون لي نرجسي إذا شفتك مبسوطه بخرب عليك ماحب أشوفك مبسوطه اسألكم بالله هذا عادي طبيعي أنا عمري ٢١ سنه وهو عمره ٣٠

#فضفضه فيني قلق وخوف مو طبيعي من سالفة الانجاب رغم اني رجال توني متزوج بس الفكره مخيفه ورعب هل هذا طبيعي؟ احس الناس ينبسطون بهذا الشي بس احسه مخوفني كثير اني اقصر بشي او ما أعرف اتعامل معهم خايف ما أكون قد هالشي ومسؤولية الأبناء اتمنى ردود عقلانية.

#فضفضه أنا معلمة مطلقة بدون أطفال وعمري ٣١ والحمدلله مهتمة بنفسي وربي خلقني جميلة وزميلات العمل يغارون مني لأن دايم الطالبات يمدحوني ويتكلمون عن جمالي وهالشيء زاد غيرتهم مني ومرة وحدة من طالباتي قالت لأبوها عني جلست تمدحني عنده وتوصفني له والمشكلة أبوها قال لزميلتي بالعمل اللي هي زوجته وصارت تكرهني فجأة مدري وش فيها تعاملها معي تغير صارت تدقني بالكلام وتحرجني قدام زميلاتي بعدين وصلني الخبر من زميلاتي الثانيات قالوا لي السالفة أن بنتها مدحتك عند زوجها وراح يسألها عنك ومن بعدها تغيرت علي مرة وأنا مالي ذنب بشيء وعلاقتي بالجميع محترمة ومسالمة وأخلاقي حلوة مع الجميع ماني راعية مشاكل وماعمري أذيت أحد أو تدخلت بحياة أحد وفي حالي ومن دوامي لبيتي وحتى لو بطلع مكان أحب أطلع مع نفسي دايم وعلاقاتي محدودة جدًا ومع ذلك صار عندي أعداء وناس تكرهني بدون سبب مني أبي أعرف كيف أحسن علاقتي بزميلات العمل وأخليهم يتقبلوني ومايعادوني مع أن علاقتنا كانت ممتازة قبل هذا الموقف بس ألحين أحس إني صرت منبوذة بينهم ياليت تساعدوني بحل لمشكلتي صرت أتضايق من دوامي أحسهم يتكلمون فيني بظهري إذا طلعت من الغرفة لأني إذا دخلت يسكتون ويطالعوني بنظرات غريبة وهذيك المعلمة جالسة تشيطن الناس علي كل هذا بسبب السالفة اللي حصلت وأنا مالي ذنب وما أقدر أنقل من دوامي لأن هذي أقرب مدرسة لبيتي.

#فضفضه الي قد دهنو بيتهم كامل بويه حتى الغرف كم تاخذ يوم. وهل نقدر نجلس وننام فيها ؟ لمدة ٢٤ ساعة هل عادي ؟

#فضفضه صرت اعتمد ع ال AI الذكاء الاصطناعي بشكل كبير جدا خاصة بالدوام لدرجة إني أعطيه مهامي يسويها لي وإرسله ملفاتي يحللها، وايميلاتي يعيد صياغتها، هل هذا الشي يعتبر خطأ من الناحية القانونية كون ملفاتي تبع الشركة ترسله يحللها عشان الخصوصية ؟

#فضفضه معلمة في مدرسة بنتي إذا زرت المدرسة القى على رقبتها وحمه بنفسجيه حركات متزوجين صراحة شيء مقرف وكل مره مكان في الرقبة وياليتها حلوة لا والله مدري كيف زوجها يجيه نفس يلمسها حتى بس حركتها مقرفة قدام المعلمات ابغى اعرف وش هدفها تبين هذا الشيء لهم يعني شوفوني زوجي يحبني والله لو انا مستحيل ابين اخفيه بمكياج ماااتفاخر اش رايكم لهدرجة صار يتفاخرون يعني احسها تقول لزوجها سو لي عشان يشوفونه كل يوم.

#فضفضه هل الافضل دفع المهر قبل كتابة عقد النكاح او بعد كتابة عقد النكاح؟ وماهو الأفضل تحويل بالبنك او تسليم كاش ؟

#فضفضه جارتنا أجنبية من دولة أوروبية وكل يوم توقف قدام بيتنا وترفض تبعد السيارة بحجة إن الشارع مو ملك أحد أعطوني خطط تطفيشية أسويها بدون ما يكون فيها أي مخالفة للقانون لأنها شرانية.