فضفضة

🔵 شروط النشر : 1🔴 يكون الموضوع واضح ومباشر. 2🔴 الإبتعاد عن الدراما والتأليف. 3🔴 الإبتعاد عن قضايا السياسة والعنصرية. 4🔴 متابعة الحساب. 5🔴 التأكد من تعديل الأخطاء الإملائية قبل الإرسال. 🟠 نعتذر عن الحذف بعد النشر. 📩 الفضفضه يتم إرسالها لنا عبر صندوق الرسائل الخاصة.

#فضفضه قريبتي تزوجت من شهرين وكانت مملكة قبل سنه كامله وعلاقتها معاه ممتازه وبعد الزواج بشهر فجأه تغير وبدأ ينتقدها بشكل لاذع ولا يعجبه اي شي منها وصار بارد مايكلمها مع العلم انه كان طايح عندها ايام الملكه وداها لبيت اهلها والحين يقولها وش رايك ننفصل وش تسوي الحين هي نفسيتها متحطمه لانه الاسباب تافهه ماتستحق انه يعرض عليها الطلاق وليه ماطلق بدون مايستشيرها وش تسوي ما قالت لاهلها شي ولا تبي الطلاق بس كرامتها مهمه عندها.

#فضفضه ودي اعرف جواب الزوجات ربات البيوت الي ماعندهم دخل مادي كم المصروف الشهري المناسب الي يعطيه الزوج لزوجته، أنا بفترة الملكة وسألني زوجي واستعجلت وقلت له الف ريال واحس شوية.

#فضفضه دخل في حسابي 4500 ما ادري وش اسوي فيها علماً لها شهرين وما احد جاب طاريها تكفون أبي حل هل اتصدق فيها ولاكيف الله يحفظكم ابي حل للأهمية.

#فضفضه اول كنت اذا دعيت واستغفرت وسبحت احس بقلبي فيه يقين كبير وانه عندي امل كبير وجتني بعدها فترة بعدت عن ربي وعصيته كثير واللحين امر بحالة تعب نفسي ما يعلم فيها الا رب العالمين ولما اللحين ادعي ربي او استغفر احسني ما استاهل او يجيني شعور اللي ليش توني اعرف ربي وانا والله ابي اتوب وابي اتقرب لربي اكثر واحاول بس يجيني احساس اني اصلا ادعي عشان مصلحه وبعدها برجع اذنب وانا مابي والله ارجع اذنب بس ابي ابعد هالشعور ف اذا دعيت اقعد ابكي لكن احس بداخلي اني شخص كذاب او شخص يقينه وايمانه الان اقل ف اتعب من هالشعور.

#فضفضه ترى الحياة ما توقف على خطأ أو خسارة كل إنسان يمر بمرحلة يطي فيها أو يضيع، لكن الرجال الحقيقي هو اللي يقوم ويصحح طريقه. أهلك يمكن زعلانين الآن أو فقدوا الثقة شوي، لكن ثق أن الثقة ترجع بالأفعال مع الوقت، مو بالكلام فقط. إذا شافوك ثابت، صادق، وتحاول تتغير للأفضل، بيرجع تقديرهم وثقتهم فيك أكثر من أول. لا تفكر إنك انتهيت أو إن حياتك ما لها طعم. كل مرحلة صعبة تعدي، وتعلم الإنسان أشياء ما كان يتعلمها وهو مرتاح. أهم شيء لا تستسلم، وابدأ خطوة خطوة، وقرب من ربك، واشتغل على نفسك. الأيام كفيلة ترجع كل شيء لمكانه، ويمكن أحسن مما كان.

#فضفضه سوال للبنات فقط وابي نصيحه انا بنت فيني ميول للبنات من المتوسطه والحين خريجه جامعه احاول ابعد عن وحده من صديقاتي مو قادره معي كل مكان واشوفها شبه يومي وادري الشي غلط بس مو عارفه اتعالج رحت مره دكتوره نفسيه واهلي اعرفو عبالهم اني مريضه او مجنونه صرت ماقدر اروح طبيبه نفسيه ابي وحده لها خبره تفيدني هنا او خصائيه نفسيه اهم شي سريه تامه وعيدكم مبارك مقدما حبايبي🙋🏻‍♀️

#فضفضه هل طبيعي الزوج ما يستأجر شقه والغريب يقول بعد الزواج راح استأجر ويأثثون سوا المشكله اختي عادي عندها بحكم اني بمثابه الأم لها وخايفه عليها.

#فضفضه انا تملكت من ٣ شهور تقريبا رجال قالوا عنه كلام طيب وارتاح اذا جلست معه وسولفنا، الشاهد انه يفتقد حس المسؤوليه واول ٤ مرات دخل علي بورد بعدها يدخل يده فاضيه، جلف جدًا بالتعامل احيانا بعد مااكلمه او نتراسل اجلس اصيح من القهر كانه يسولف مع خويه ردود تجرح ودايم يقولي سلبياته ويخوفني منه وانا احتاج من الرجال الاحتواء والامان. هل فكرة الانفصال جيده هذا الوقت ؟ او انتظر اكثر لان بقى على الزواج ٦ شهور.

#فضفضه قدر الله علي وأخذت قرض عقاري وراتبي 14 الف ريال والقرض 8 آلاف ريال بعد سنه أحتجت مبلغ ضروري لإصلاح سيارتي وتسديد بعض الديون البسيطة واخذت قرض الف ريال شهرياً والمتبقي من راتبي 5 الاف ريال وعندي ثلاث اولاد صغار ماني قادر اعيش مثل الناس ولا اصرف وأثر علي في حياتي وسبب لي مشاكل مع زوجتي واصحابي يحسبوني بخيل اتهرب من المشاركة في القطات للجمعات وصرت اتعذر بالانشغال ماني قادر حتى اشتري الاشياء الضرورية لأن المتبقي الـ5 الاف وبعدما اسدد فواتير الكهرباء والمياه والإنترنت والبنزين يبقى تقريباً 4 الاف ريال اشتري بالفين مقاضي للبيت يبقى الفين جربت اشتغل في اي شي توصيل ومسوق عقارات لكن الوضع من سيئ لأسوء اللي صرت ما أنام زين ومهموم ماني عارف اخرج من الورطة لي 4 سنوات اكثر شي مأثر فيني اني مقصر في حق زوجتي وأولادي حاولت اتنازل عن التمويل لكن البنك رفض اللي يعرف حل بمشكلتي بدعي له في هالايام المباركة.

#فضفضه ابوي متزوج امي من ٤٤ سنه ومقصر معها وشافت منه ماشافت ويعاملها كنها خدامه المهم بعد هالسنين جاي يتزوج وحده كبر بنته وانا الصراحه مو طايقه العيشه مع هالوضع ،، امي تقول مو راضيه لكن مصره تخدمه ومدري شقول دعواتكم وحسبي الله على كل ظالم.

#فضفضه أنا خاطب لي تقريبا ٣ شهور بس فيه حاجه مو عارفها خطيبتي عمرها ماكلمتني أنا للي دايم اسال وحتى ما ترد علي إلا متاخر وبكلمتين بس مع انه انا مشغول وكذا هل هذا طبيعي ؟

#فضفضه انا متزوجة من ٦ شهور وهذا اول عيد لي مع زوجي بس ما ادري اذا المتعارف عند اهل زوجي انه لازم يعود ام زوجته الي هي حماته كأحترام لان عند اهلنا نعود بعض واذا مايعرف كيف افتح معاه الموضوع ؟

#فضفضه كم الفرق الطبيعي اللي يكون بين عمر الزوجين وهل عادي يكونون بنفس العمر؟

#فضفضه أنا عندي زوجة يغلب على طبعها الغباء في التعامل تفهي كثير تفهي لدرجة إنها ممكن تنكر ان هالشيء صار وتنرفزني لما تخش ف عيني أنا أدري انه من سخافة عقل مو من وصاخة أو خباثة أو استفزاز كيف ممكن أخليها تتجاوز هالنقطة وأحط حد لذا الموضوع لأنه بدأ فعلاً يأثر على حياتي صايرة متعبة جداً في النقاش أتعب لين أوصل لها معلومة أو أشرح لها موقف أو أبرر لها ماتفهم بشكل طبيعي الموضوع يحتاج له جهد مضاعف طبعاً حبوبة وطيبة وأحبها وأعزها وسلامتكم.

#فضفضه خطبت من ناس بس ماني مرتاح ابوها يوجه اسئلة عجيبة يبغى اخلي بنته تسوق ويكون لها كلمة بالبيت وامشي لها مصروف شهري ويلمح اكثر من مرة على قضية الفلوس والبخل انا الحمد لله ماني بخيل لكن ما احب احد يفرض علي شيء هل هذا طبيعي وحرص من ابوها ولا فيه تحكم.

#فضفضه انا متزوجه وزوجي مهملني من ٣سنوات ماكاني متزوجه يقوم بواجبات البيت ولكن مافي مشاعر زوجيه ولا في مبادره وكمان اهلي يعاملوني كاني غريبه عنهم مايبلغوني بااحداثهم وأفراحهم ليش كذا أنا قلبي طيب يعني من بين الجهتين احس بغربه وأنا مع اهلي غريبه وزوجي إيش الحل جزاكم الله خير اول مره أنزل استفسار.

#فضفضه أنا أم منفصلة من سنوات وعندي بنت عمرها ٧ سنوات والحمدلله تربيتها صالحة جدًا، محترمة ما يطلع من فمها كلمات سيئة ، ولطيفة وشخصيتها قوية ما تخاف تقول اللي عندها وتشاركني كل افكارها، دائما اقضي وقتي معاها نلعب ونتكلم ونتحاور، واغلب وقتها تطلب تكون جالسة بحضني او ماسكين يد بعض، ويشهد علي الله اني معاها محترمةوحنونة واقدرها واعاملها بكل مودة واحسان ولا اتذكر بيوم اني مديت يدي عليها او جرحتها بالقول، بس صار لها شهرين متغيرة اذا قربت لحضني تقول معاك ريحة للعلم اني نظيفة جدًا والله، وصايره تسقط على شكلي باستهتار مع اني ايضا جميلة، والأدهى من هذا تجي تقولي اسفة بالغلط دعيت عليك بيني وبيني نفسي او تقول قلت ليتها مو امي … الخ، جربت معاها اسلوب الحوار جلست تبكي انها تقول هالشيء غصبن عنها، جربت التجاهل بس تجلس تزن الى ما ارد رد جدي، جربت ازعل واخذ موقف منها بس تجي تقول اللي عندها وتروح، جربت اهاوشها صار بس بعيونها خوف وندمت، ولا زالت مستمرة ابغى حل بدون ضرب او عقاب

#فضفضه عمري 22 وطولي ١٦٣ وجهي جدا طفولي وجميل وكاني ١٥ سنه حياتي صعبه من كل النواحي الناس ماهي قادره تاخذني بجديه او اتحمل مسؤوليه لانهم يشوفوني وكاني طفل وهذا تعبني جدا حتى موضوع انه ودي اتزوج او الحصول على وظيفه مع اني بكالوريوس بمرتبه شرف واتحدث الانقليزي بطلاقه وش الحل تكفون

#فضفضه ودي اتوظف بوظيفه ما اشوف فيها اي مخلوق بالعالم واقصد ماحب الازعاج ماحب الاماكن اللي فيها ناس كثير والكلام والاصوات ابغى بس انا وجهاز الحاسب الالي او اي شيء محترم المهم مو ناس مو مخلوقات مو مزعجين وش تتوقعون انسب الوظايف لي وبدون كلام سيء لان ماراح اسامح اي احد يقل ادبه باي طريقه كانت

#فضفضه انا في ضيق مايعلم فيه إلا رب العالمين متزوجة من 6 سنوات وعندي طفلتين والحمدلله زوجي ملتزم ومن بداية زواجنا كان فيه أمور وحدود حطها بيننا حاولت كثر مااقدر اني اتعايش معها مثل منع أعياد الميلاد وغيرها ، مع مرور الوقت كثرت مشاكلنا صرنا مانكمل ثلاث ايام بدون ماتصير مشكلة لو من شي تافه تصير مشكله كبيره ودايم يلقي اللوم علي في كل شي ، هو عاطل مو موظف ، نتمشكل على اي شي وكثير مايتدخل بأي شي ويسبب منه مشكله معي سواءً شي يخص البيت او الاطفال وتعاملي معاه يخلق منه مشكله عشان يتمشكل معي ومن زمان كنت اقول له حنا ما نناسب بعض ومو متفاهمين يقول لا حنا وضعنا طبيعي والمشاكل تصير في كل بيت اللي حاصل الان انوه مشاكلنا خرجت خارج نطاق البيت صرنا نتهاوش بالطريق وانا رايحه لاهلي وانا رايحه للسوق طفشت ودايم يطالبني بالهدوء وبالصبر وهو مو هادي ولايصبر ولا شي واصبح يكلمني ويقنعني بموضوع الزوجه الثانيه لكنه مايبغى يخسرني انا الان جالسه ببيت اهلي لأني تعبت العشر الاواخر من رمضان جلستها عند اهلي ابتعاداً عن المشاكل وحفاظاً ع نفسيتي ونفسية اطفالي لأن بنتي الكبيرة مرة مرة أثر هذا الشي عليها ، لما ابتعدت عن البيت ودايماً لما اروح لاهلي بعد كل مشكله يكون اسلوبه حلو معي ومتفهم وما يرفض لي طلب لكن بمجرد ما أرجع للبيت المشاكل ماتوقف ، انا الان حاسمه امري وافكر كثييييير بالطلاق ، كل يوم افكر بالموضوع واشوف نفسي شلون مرتاحة عند اهلي وبناتي كيف يلعبوا ومبسوطات ومرات اخاف من قراري ، مع ان بنتي الكبيرة كارهه بيتنا وكارهه الرجعه له وانا نفس الشي ، شوروا علي وانصحوني الله يجزاكم خير ‘