راجية عفو الله 1

@FdFdHME مو غلطانة ابدا بما ان اخوانك موافقين ماعليك استقدموا وادفعوا كلكم كثر الله خيرك عاللي سويتيه احيانا العطاء الزايد يخلي البعض يشوف ان واجب عليك تعطيني حتى لو فوق طاقتك كنت مثلك لين طحت بموقف عرفت ان كل شي له حدود ولا يمكن اعطي فوق طاقتي واتحمل ديون وهموم سدادها.

#فضفضه اول ماتوظفت استقدمت لأمي خادمه ولا لي شكر ولا فضل المهم قلت حتى راتبها أنا مسؤوله عنه شهريا تقريبا جلست الخادمه معاها 5 سنين ونص وخلال هالسنوات تزوجت أنا وانجبت وكنت محتاجه خادمه لي ول بنتي وفوقها وزوجي راتبه جدا قليل يعني مايقدر حتى يستقدم لي لكن اقسم بالله حرمت نفسي عشان امي ماقدرت اقول ابي خادمه ومقدر على راتبين ف تقريبا بعد الخمس سنين سافرت الخادمه وانا بين وظيفه وبيت وطفله تعبت انهلكت وعندي اخوان موظفين سويت قروب قلت الان كلنا ندفع سوا ونستقدم لأمي عامله جديده وايضاً الراتب كلنا سوا ندفع فيه أنا والله عندي التزامات وابي خادمه ثانيه لي وهذي امنا كلنا لازم نكون يد وحده وبالعكس كلهم ابشري وتم لكن حسيت امي جاء بخاطرها تبي كل شي أنا اللي ادفعه واسويه؟ سألتكم بالله سويت غلط، يشهد الله علي اني ابديها عن نفسي بكل شي ومع ذلك مهما عطيت ومهما سويت تشوف ماكاني سويت ولا شي وانه غصب عني😔حتى كلمه حلوه والله العظيم ماشفتها ليش ياعالم وش السبب؟ اقسم بالله راتبي يادوب يغطي احتياجي وما ابخل عليها لا ب ذهب ولا هدايا ولا عيديات وايضاً مالي شكر لو أعطيها الدنيا كلها..

@FdFdHME الله يفرج همك يارب

#فضفضه انا وزوجي نمر بفترة انفصال من شهرين وبيصير طلاق بسبب انه تعبان نفسيا ويمر بضغط قبل يومين زوجي ارسل لي صور رسالة من صديقتي مصورها من بين اغراضي الشخصيه بالبيت لانه طلعني من البيت واليوم ام زوجي كلمت امي وقالت اني غير متربيه واني مع البنات في علاقات محرمه واني مع رجال ويتصلون على زوجي ويذكرون اسمي والله يشهد اني بنت محترمه ولا احد يقول فيني حرف ولايحتاج اني اشهد لنفسي الكل يعرفني لكن ابي اعرف وش اقدر اقدم فيها انا سجلت مكالمتها وفيها الكلام المذكور والواضح هي لاعبه براس زوجي وقالت له هذا الكلام انصحوني وش الاجراء المناسب ؟

@FdFdHME انصحك تفكرين الف مرة بمستقبل عيالك قبل كل شي اذا ناوية تستقرين بالسعودية شايفة كم وحدة حولي معاناتهم مع ابناءهم من غير السعودي . وربي يكتب لك الخير واللي فيه صلاح وتوفيق وسعادة

#فضفضه ابغا رايكم الصادق واحتاج تقنعوني لو انا غلطانه هل تشوفون الزواج من غير السعودي قرار صحيح علما انه من مواليد السعوديه وعايشين هنا ومتأثرين بالبيئة وشخصياتنا جدا متوافقه بس انا شايله هم نظره المجتمع لان المعتاد عندنا الولد عادي يتزوج اللي يبغا بس البنت لا وعيب تتزوج غير السعودي انا ما اسامح او احلل اي احد يقول كلمه علي انا فعلا احتاج اعرف الي اسويه بيكون صح او لا حسبي الله على اي شخص بيدخل بنيتي ويغلط علي.

@FdFdHME ان شاء الله ماتندمون . لكن كل جناح خلوه بمدخل خاص وربي ييسر لكم يارب

#فضفضه زوجي كان مخطط يبني شقه لامه وشقه لي بعدين حب انه يسوي فله نسكن فيها احنا وامه ولي جناح خاص وامه لها جناح خاص بس البيت كامل مشترك طبعا هو وحيد امه، وابوه متوفي الله يرحمه انا ابغى اعرف لو فيه احد سوا كذا هل ندم او شي لان لو بنينا مافيه تراجع. وابغى نصايحكم

@Mbk8g لاحول ولاقوة الا بالله العلي العظيم. اللهم لاتجعل الدنيا اكبر همنا.

من الخاص ✉️ انقذوني فجرت ايوه حلفت عندي القاضي وانا كاذب يمين السالفة اشترى مني شخص سيارة واعطيته مهلة ٦ اشهر واخذت اوراق واثباتات وبعد ٦ اشهر سددني المبلغ المتفق عليها ١٤٠ الف كاش لان طلبتها كاش وبعد فترة بعد ماستلمت حقي رفعت عليه قضيه وقدمت الأوراق وحكم لي الشيخ باليمين وحلفت واخذت ١٤٠ الف ثانيه وبعد شهر توفى ولدي الكبير وبعد ٤ اشهر توفى ولدي الوسط وبعد ٧ اشهر احترق محلي وجاني سكر وضغط وكرهت الحياة الان انا توبت وابي ارجع حقه قسم بالله ماعرف انام الليل انقذوني بالحل كيف الطريقة

@FdFdHME الله يحفظهم من كل شر يارب

#فضفضه زوجي عساه ينعم بالجنه البارده توفى من سنوات وربيت عيالي احسن تربيه وكرّست حياتي لتربيتهم الان عيالي بالجامعه والثانوي وللأسف عيالي كلن يقدر يغشهم ويضحك عليهم ويصدقون اي احد وانا اخاف عليهم لأن كثير طاحوا بمواقف ناس تضحك عليهم وولدي تعبت معاه يساعد ناس كثير لدرجه وصل واحد من الرياض للخبر خط صد رد فزعله وهو مايعرفه ولما خانقته قال يبي الاجر وانا على كثر مااسمع مصايب المخدرات وناس تتبلى على ناس خايفه على عيالي. تكفون هل فيه جهه او اشخاص يعطون دورات توعيه للشباب او مدري وش اسوي تكفون افيدوني 😭 والله اني اخاف على عيالي وبناتي وبنتي مره دخلت حرمه ببيتنا وقت مطر قالت شفتها بالشارع وقلت ادخلي وانا كنت نايمه تكفون تعبت من الخوف عليهم ولاعندهم عمام او خوال اقدر اثق فيهم.

@Askmuhami يارب تصلح حال اخوهم وتهديه وتجعله هين سهل طيب القلب اللهم اهده واصلح احواله ونور بصيرته ياكريم . الله يفرج همكم ويسخره لكم .

من الخاص📩 السلام عليكم أبي استشارة في موضوع عائلي حساس، وأرجو أن تقرأ الرسالة كاملة قبل أي حكم. الوالد طلق الوالدة قبل ١٥ سنة وقال في المحكمة ما يبغى يشوف أبناءه وتم تسجيل في صك الحضانة "ولا يحق للأب مطالبة في الحضانة ومستقبلا" ، ومن ذاك اليوم ما تواصل معنا ولا يوصلنا رد منه. اخوي و أنا كنا بمثابة الأب لإخواني الصغار طول هذي السنين و الوالدة تعتني فيهم ودخلتهم احسن المدارس ولا قصرت معاهم في ولا شي. أحد إخواني عمره الان ١٦ سنة، ومن ٤ سنوات وضعه تغير بشكل كبير، يرفض يصلي، يهرب من البيت، يستخدم ألفاظ قذرة اجلكم الله ،مدخن ويسرق أموال البيت و البطاقات ووصل فيه الموضوع يضرب الوالدة وقت ما اكون في الدوام .جربنا كل شي معه ولا نفع وحتى اخوي الكبير جلس معاه ينصحه و بصق في وجه اخوي. حالياً رافض الذهاب للمدرسة من ٣ أسابيع. الوالدة الان كبيرة وعندها أمراض مزمنة وما عندها طاقة تتحمل أكثر، وأنا عندي ضغط ومشاكل في القولون و من ٣ سنوات إلى الان عندي ارق من كثر الإرهاق. بعد ما استنفدنا كل الخيارات، شاورت الوالدة بفكرة نرفع طلب في المحكمة لتحويل الحضانة للوالد، بحيث يقدر يربيه احسن منا وحماية لباقي إخواني الصغار (يكره باقي اخوانه ولا يبي حتى يشوفهم قبل سنة ضرب اخوه عند العين والدكتور خيط له الجرح ). أبي أعرف: كيف طريقة رفع طلب للمحكمة بخصوص نقل الحضانة وهل أستطيع الذهاب بدل الوالدة وهل تقبل الدعوى اساساً ؟ أرجو إفادتي، وشكراً.

@lara19ry تقدم لها . ويارب يردكم لبعض ردا جميلا ويرزقكم الذرية الصالحة .

من الخاص: انا كنت متزوج وبيني وبين زوجتي حب ومشاعر قويه وعلاقتنا جميله مادياً ونفسياً وعاطفياً وبعد سنتين من الزواج اكتشفنا ان عندي مشكله في الانجاب والعلاج راح يطول فقلت لزوجتي اختاري تكملين ولا تنفصلين تشوفين حياتك وعشان ما احرمها من الاطفال قالت بظل معك طول العمر وهذا رزق من اللّٰه ومكتوب ... وبعد 7 سنوات وعلاقتنا مافيها اي شي صارت مشكله بسيطه بيننا وفجأه تدخلت امها وارسلت لي رساله اطلق بنتها تشوف حياتها وتشوف عيالها وكلمت زوجتي واتفقنا على الطلاق .. والحين مر على طلاقنا 5 سنوات وانا ماتزوجت وطليقتي ماتزوجت وكل ماتقدم لها احد ترفضه وافكر اتقدم وارجع لها والله الرازق يرزق من يشاء ولان 5 سنوات وهي وماتزوجت وبيننا تواصل احياناً وصارت حياتها للأسوء هل تنصحوني اخطو الخطوه هذي واتقدم او ابعد عنها

@1llIIr السعودية❤️

اتمنى الاجابه تكون بدون عنصريه 😬 شنو اكثر دوله عربيه تحس لها قبول من الجميع !!

@SALIFATI9 لاحول ولاقوة الا بالله اللهم استرنا فوق الارض وتحت الارض ويوم العرض .

#سالفتي اختي تزوجت واحنا عايله نتنقب كلنا ومانكشف والي خذت منهم اختي كل خواته يكشفون وقالها عادي اذا تكشفين او تلبسين كمام الي يريحك وهي تحب تلبس لثمه وحلو عليها وبيوم طلعت بمكان عام هي وزوجها وشافها اخوي >>هذا الاخ بالذات متخللف ومتحجر ومسيطر بشكل عكس باقي اخواني كل واحد في حاله سلم ع زوجها وطنشها هي تخيلو ! وقال لها وش هاللبس من متى اللثمه ولا يعنني صرت حضريه كان يقولها بتطنز بعدها قالها تغطي لالعن …. تخيلو قدام زوجها !! ووجه معصبب تقول احس شوي وبيعطيني كف وهي خافت وزوجها حاول يلطف الجو ويهديه كان مرره معصب لدرجة الناس لاحظو كان يقول تغطي تغطي باعلى صوت وهي انهارات وخافت منه وراحت ع طول للسياره ومازال يلحقها وزوجها يركض بينه وبينها ويقول مالك دخل في زوجتي والناس كلهم لاحظو قال باعلى صوته لاعاد اشوفك طابه بيتنا وانسي ان عندك اهل تخيلو ورحع للبيت معصب ومنقهر ويلعن ويهاوش ويكسر الدنيا ويسب زوجها يقول رخمه وماعنده غيره وديو… ووالله لو دريت انها دخلت بيتنا لاتوطها برجلي السلق… ويقط الفاظ وكلنا خفنا منه وامي تهديه مع العلم ابوي ميت وكلنا سكتنا مانقدر نناقشه لان خلاص عقليته كذا والحين خايفين من انها تجي ويسوي فيها شي ومانبيها تقاطعنا ابد

@Askmuhami مهما حصل لاتتركين وظيفتك طلقك طلقتين والثالثة بيطلق في اي وقت عشان كذا تمسكي بوظيفتك وربي يفرج همك وييسر امرك

من الخاص📩 السلام عليكم قد سبق وقفل زوجي عليه الباب وانا داخل البيت عشان مااداوم وكلمت الشرطه واستدعوه، ومره قفل الباب عشان ماادخل.. قالوا الشرطه طالما انتي خارج البيت مو من عندنا الموضوع بس تدخلوا الاهل وحلوا الموضوع.. الحين رجع على نفس الموضوع انه لو رجعتي داومتي الوجه من الوجه ابيض وبقفل الباب بالمفتاح مابخليك تدخلين البيت.. لو حصل ايش الاجراء اللي اسويه؟علما اني عندي ٣ اطفال ودوامي (معلمه في مدرسه) وفي منطقه بعيده عن اهلي ماحولي احد اعرفه، ماابغى الطلاق ولا اسعى له ( بيننا طلقتين) بس ابغى الاجراء بالضبط اللي اسويه في حال قفل الباب، ولاحد يقول كرامه وماكرامه تعبت وانا رايحه وجايه عند اهلي بدون فايده طالما ماطلق مابطلع من بيتي..

@Askmuhami لاتغلطين هالغلطة ابدا هو متغير بدون سبب تبين تشترين شقة وتكتبينها باسمه ؟؟؟ من جدك ولا تمزحين ؟؟ لا ولا ولا ولا والف لا (وجهة نظري الشخصية) بتكتبين الشقة ويطلقك ويتعذر باعذار وهمية. واضح انه مو جاد .

من الخاص📩 السلام عليكم أنا معقود قراني على شخص، وكانت بيننا علاقة حب لمدة سنتين قبل الملكة. خلال الفترة الأخيرة (حوالي سنة) وبسبب ظروفه المادية، حسّيت إنه تغيّر عليّ من ناحية الاهتمام وصار يرفض يلبي احتياجاتي العاطفية، ودخلت في دوامة ندم لان حسيت انه كارهني، رغم إني ما أطلب منه أي شيء مادي ابداً، بالعكس وضعي الحمد لله مستقر. واجهته وتكلمت معه وقال إنه يحبني بس مو عارف كيف يتصرف! ومشّيت الموضوع. بعدها بفترة شفت شقة وعجبتني وقلت له إني ناوية أشتريها، زعل عليا و شرحت له ان الي بينا أكثر من كذا وأني ابي اسهل الموضوع علينا الاثنين وحرام وقتنا يضيع وانا مقتدرة، بعد النقاش اقتنع بس طلب مني أسجل الشقة باسمه، وقال أعطيه فرصة ٦ شهور وبيأثثها بالكامل ونخلص الزواج. سؤالي: لو اشتريت الشقة بفلوسي وسجلتها باسمه، هل يحق له يتصرف فيها (بيع أو تأجير) بدون الرجوع لي؟ وهل فيه طريقة نظامية تضمن حقي وتثبت إن الملكية لي حتى لو كانت باسمه؟ لاني ماني مرتاحة له صرت، كل يوم مع اصحابه وقفطه يكلم بنات مرتين وانا ماني مقصرة معه بشي ولا اطلب بس قلت يمكن نفسيته تعبانة يبي يهرب من الواقع.

أقتبس المنشور المرفق وأعيده وابدأ بما بدأت به .. منشوري هذا عن فئة تعرف نفسها ولا أعممه على دول او شعوب ففي كل الشعوب فئة كبيرة خيرة في كل الدول لم نر منها الا الخير والمساندة ولا يعرف الحقد طريقًا الى قلوبهم فجزاهم الله خيرًا وهذه الفئة بالتأكيد لا يخصها ما سأقوله هنا: وضعت هذه الحرب أوزارها أو توشك وبقي الخليج بفضل الله وكرمه ومنته قويًا كريمًا عزيزًا شامخًا محفوظًا بحفظ الله ثم بحكمة قادته الذين أعدوا العدة لمثل هذه الكريهة و ضربت شعوبه المثل في الصمود والتلاحم وكان تأثير هذه الحرب على الخليج واهله بفضل الله ثم بأبطال قواته الدفاع الجوي تأثيرًا في الحد الأدنى.. نعم حصلت وفيات وسقط شهداء نسأل الله لهم الرحمة وسقط جرحى نسأل الله لهم الشفاء وخسارتنا في هذا الجانب لا تعوض حتى ولو قل عددهم ولو كان العدد شخصًا واحدًا فالانسان في الخليج قيمته لا تقدر ..أما الخسائر في المنشئات فبفضل الله قادرون على تعويضها.. وثبت في هذه الأزمة أن الخليج ليس مدنًا من زجاج كما كان يقال ولم يتدمر الخليج ولم يسقط كما كانت أمنياتكم ، ولسوء حظكم أنه سيستفيد مما حدث ليصبح أكثر قوة وأكثر استعدادًا وحيطة لما قد يكون من شرور قادمة .. ولا زالت السعودية وستظل بعون الله عصية على الأعداء كريمة وعزيزة، ولا زالت الإمارات وستظل بعون الله عصية على الأعداء كريمة وعزيزة، ولا زالت البحرين وستظل بعون الله عصية على الأعداء كريمة وعزيزة، ولا زالت قطر وستظل بعون الله عصية على الأعداء كريمة وعزيزة، ولا زالت الكويت وستظل بعون الله عصية على الأعداء كريمة وعزيزة، ولا زالت عمان وستظل بعون الله عصية على الأعداء كريمة وعزيزة.. ولا زلنا بلاد خير وفير وكرم غزير وفي نعم من الله ليس لها نظير.. ولا زلتم وستظلون تنتقلون من خانة الحاسد الحاقد الى خانة الشامت حين شدتنا ومتى ما زالت كما هو الحال الآن ستتحولون لخانة الحاسد الحاقد مرة أخرى.. أدام الله علينا نعمه وادام عليكم ما أنتم فيه من حقد وحسد.. ختامًا اقول لكل الكثر في الدول العربية والإسلامية الذين وجدنا منهم الوقفة المعنوية الصادقة والدعاء والتضامن جزاكم الله خيرًا ولا حرمنا محبتكم وفضلكم

@Askmuhami يكفي انه مايصلي . اذا كانت علاقته مع خالقه كذا !! فما في فايدة من ذكر اي شي ثاني .

من الخاص📩 السلام عليكم أنا متزوجه لي أسبوعين واكتشفت ان زوجي مايصلي من اول يوم وانا اذكره واقوله يلا نصلي وإذا صلى يصلي بدون وضوء ولا يهتم بنظافته ولا يغسل بعد استعماله الحمام أكرمكم الله لا جسم ولا يدين ويكذب بسوالفه وفوقها بشهر العسل شفت معه علبه زي الدزرت لكن من محلات الح*شي*ش الي على شاطىء احد الدول وسألت كم شخص وقالو ان اي احد يروح للدوله ذي يجرب ذا الشيء وكل تفكيري كيف يجرّبه بشهر العسل وليش يخلونه كنه شيء عادي تجرّبه ويلا نعيش حياتنا ؟؟… قلت اوكي بشوف إذا رجعت لدولتنا صح الشخصيه اختلفت شوي يعني قبل بالسفره كان مفهي مره بس ماني قادره أتحمل احد يشير علي هل اصبر عليه ممكن يتغير ؟ مع أن عمري٢٢ وهو ٣٠ وانا من احد الأساسيات عندي ان زوجي يكون نفسي متدين بس هو عكسي وشخصيته طفوليه تعبت كل يوم اقول اصبر بس عيني عينك اشوفه يكذب على الناس ولا يهتم اني اعرف الصدق ، وكان قايل لي انه تارك الدخان له ٥سنين ولا يستعمل الدزرت ولا شيء لكن الواضح لي انه ماترك الدخان وأنه يستعمل الدزرت عندي بالبيت ممكن امشيها ذي بس ليش الكذب قسم بالله لما اشوفه يكذب يطيح من عيني اكثر وما احس انه فيه من الرجوله ولا ذره كل تفكيري كيف بجيب عيال من أبو مثله؟

@lara19ry من وجهة نظري الشخصية ممكن يتعدل وضع زوجك ويصير احسن اصبري واستمري ولاتنسي الدعاء والصدقة اقوى سلاحين يعينونك باذن الله.

من الخاص: أنا متزوجة من ٣ شهور ونفسيتي تعبانه ما احس ذي الحياه الي كنت أتخيلها كنت مرتاحه نفسيا في بيت اهلي اكثر💔 زوجي ما يهتم بنظافة فمه رغم كل محاولاتي باللين والمصارحة، يتحسن شوي ويرجع نفس الموال لازم اطلب اطلب واتكلم تعبت، والموضوع صار ينفّرني ويضايقني. وكمان عنده اضطراب الوسواس القهري بالعبادات، يتعالج دواء وسلوكي لكن احيانا ينسى دواءه وحتى لمن ما ينسى لازم اساله اتأكد نسى ولا اخذه لان ساعات فعلا ينسى مو انه مايبغا( صرت في حاله توتر دائمه وكل يوم اتطمن اسال) وكذلك جلسات العلاج السلوكي أنا وراه ، صح هو يحاول يتعالج بس احس اني في دائره قلق مستمره وأحس صرت أنا اللي ألاحقه وأتابعه وتعبت نفسيًا من التوتر والحوارات، وما عدت أحس براحة وما احس اني متقبله شكله ١٠٠٪ + مايهتم بهندامه ولا كشخته ماكأن في زوجه معاه بالبيت يعني احس تجمعت علي من كل جهه . هو طيب مايرفع صوته ولا بخيل ويحبني ومتعلق فيني، وهذا اللي مصعّب علي القرار، بس صرت أفكر بالانفصال وخايفة أندم، محتارة أعطي العلاقة فرصة أكثر أو أوقف هنا قرايبي الي قال لي اصبري عليه دامه طيب ويحبك وانسان كويس ولو انفصلتي ماترتبطين إلا بشخص منفصل عنده أطفال او منفصل بدون أطفال لكن فيه بلاوي ماتدري عنها او معدد وفيه الي قال انفصلي عشان نفسيتك حرام صحتك قاعده تتدهور

@FdFdHME اسال الله لك الثبات

#فضفضه أنا رجل متزوج وأعمل في بيئة أتعامل فيها مع نساء بشكل يومي وبصراحة أتمتع بوسامة وكاريزما وقدرة على الحديث والتواصل وهذا الشيء بدل ما يكون ميزة فقط أحيانًا يضعني في مواقف فيها اهتمام زائد أو تجاوزات غير مريحة، وأجاهد نفسي على الالتزام وغض البصر أمرّ بضغط مالي كبير، وعليّ ديون تقارب 250 ألف، ولذلك أعمل في هذا المكان كعمل إضافي إلى جانب عملي الأساسي، لمحاولة تجاوز أزمتي المالية وتغطية التزاماتي هذا الوضع بدأ يأثر علي نفسيًا وعلى وقتي مع أسرتي. وبحكم طبيعة العمل، واجهت مواقف صعبة؛ بعض النساء عرضن عليّ مساعدات مشروطة بالزواج، وأخريات بطرق محرمة، وقد رفضت جميع هذه العروض لأسباب دينية واجتماعية لكن بكون صريح: مع هذا الضغط، صرت أشوف قدامي أكثر من طريق غلط ممكن ينهي مشكلتي بسرعة، وهذا الشيء مخوفني على نفسي قبل أي شيء أنا عارف الصح، لكن الضغط قاعد يختبرني بشكل حقيقي. سؤالي: كيف أتعامل مع هذا الوضع بعقلانية وثبات؟ وكيف أطلع من أزمتي بدون ما أخسر ديني أو نفسي أو أهلي؟أحتاج نصايحكم.

@jwjw339431 @Askmuhami الله يكتب لك اللي فيه الخير ويسخر لك زوجك ويييسر لك اللي فيه خير وصلاح لك

@farfoxy @Askmuhami ماراح اهدمها. .. اذا تعسرت الامور. طلبت بيت لي ولعيالي وهو بكيفه يبغى يتزوج ويحطها بذاك البيت . انا مالي رجعه.

من الخاص📩 السلام عليكم متزوجه- مصابه بالتصلب اللويحي- اسكن في شقه ضمن عماره كبيره تضم كل اهل زوجي 4 ادوار كل دور شقتين عندي ولدين الكبير21- الاخر 19 الاخير عمره 15 توفى قبل 7 شهور كانت وفاته بالبيت وقت العزاء وبسبب حزني طلبت من زوجي نطلع شقه وفعلا ذهبنا لشقه اخذها بعقد لمده سنه بينتهي العقد شهر 5 هـ صار نقاش حاليا. لازم نرجع للبيت الاول بعد انتهاء العقد انا رفضت علما ان زوجي راتبه 35 الف ولديه ارض في شمال جده ب800 الف وارض في محايل ب400 الف رغم اني كنت اعاني مشاكل بسبب عماره اهل الزوج وكنت اتامل ان اخرج بما ان زوجي راتبه عالي في هذه الحاله مالي وماعلي ؟؟ انا لا اريد العوده الى عماره اهله مهما كلف الامر

@prop_solu نصيحتي لك لاتاخذين قرار في هالفترة لين تهدين فكري زين ولا تتاثرين بالردود الحياة حياتك والقرار قرارك وسوي اللي تشوفين فيه راحتك وامانك ومناسب لك.

هي أنا إمرأة عمري ٤٥ عام تزوجت لي ٣ سنوات من رجل معدد متدين محترم كريم لكن فيه مشكلة تتكرر لي معاه جلافته ، هو بعمر ٥٨ وعنده السكر ، ولاكتب ربي أجيب منه أبناء عنده مشاكل إنجاب ورضيت بقدري لكن جمعت كل مواقفه لما أتعرض لتعب أو فقد أو حزن ما ألاقيه قاسي في الكلمة ، يسوي نفسه مجنون لايكترث الى إن جاء آخر موقف وهو اللي أتمنى فيه رأي العقلاء توفى أخو أمي ، طلبته أذهب للعزاء سفر فرفض و طعته و لما جاء اليوم الثاني جاء قال فين الغداء قلت نفسيتي مو تمام ماسويت قال قومي سوي قلت مالي نفس قال أقول قومي ، فصرخت صرخه بأعلى صوتي قلت انت ماعندك دم ماعندك إحساس ! فقرب مني يقول لاترفعين صوتك ياغلطة عمري و خرج و حظرني واتس اب و له يومين ماجا البيت ، أنا مايهمني لو يغيب قرن اللي يهمني الحق في تصرفاتنا لأني ما أتمنى غضب ربي علي للعلم كل يوم أكبسه واسوي له أكل صحي و أراعيه ورحومه جدا جدا معاه وطيبه وتقصير في البيت لايوجد واعزز له كون عنده ضعف وامدحه كثير علشان ما أكسر كبرياءه .. الآن في خاطري رغبه بالرحيل مع تردد مادري يسوى أو لا و اصلا هو احتمال يطلق يستبق رغبتي

@FdFdHME اذا ماحضرت عزاء خالها ووقفت مع امها واهلها بعزاء مين تحضر؟؟ انت لو خالك توفى هل بتشوف انه مو بلازم تروح توقف مع امك وعيال خالك ؟؟ ولو زوجتك مستشارة ودخلت عليها وسمعت نفس الموقف منا وش بتكون ردة فعلك؟؟ حط نفسك بالموقفين وبتلقى الاجابة على اسئلتك.

#فضفضه انا مستشار أسري وسمعتني زوجتي الثانيه وانا اكلم مستشيره واقسم لها واحلف واقولها كلمة وعد وتزعل وبررت لها ان المستشيره بيتها بينخرب وتبغاني اتدخل قالت هذا اسلوب لين وتوسع ولافيه احترام انك تقسم لها وتوعدها ،،المشكله الثانيه خالها توفى وقالت تبغا توقف مع امها وتحضر العزا في منطقه ثانيه بعيده حول الف كيلو وانا رفضت وتزعل وتتحسس واني خيبت املها، هل معها حق في الموقفين ؟ وكيف سمحت لنفسها انها تتصنت ع المكالمة علماً اني رجل ستيني كبير وأفكارها اني اتلين مع النساء ومع اهل بيتي قاسي جبار وسمعتني اكلم ولدي من زوجتي الاولى وقالت ليه تنفخ عليه ومع الحريم تقسم لهم و توعدهم ولدك اولى بالتفاهم آرائكم.