د. سليمان العقل

🧵ثريد عن #الأشواقاندا أو #القسط_الهندي 🪴 هو نبات من الطب الهندي الشعبي القديم و اسمه العلمي Withania somnifera كان يستعمل للاسترخاء وللتعامل مع الضغط النفسي. والمادة الفعالة تكون في الجذور غالبا. يمكن تناوله على شكل مسحوق،كبسولات،شاي وزيوت موضعية.

@ipndol ما في احد فوق أحد، السالفة كلن يؤدي عمله.

الحقيقة تقول : ما يرضون اخصائيين واخصائيات العلاج الطبيعي ؛ لأنهم شايفين انفسهم فوق الطبيب نفسه 😬

@Moh_Blueberries وش الستيك اللي كيلو ب ٥٠؟

محنك الصدق

@xzoo_mx @DrLalibrahim غير صحيح.

@SolimanAlakel @DrLalibrahim الادارة الصحية مالها دخل في الموضوع كل ما في الامر لوبي شركات التامين عندهم مسسطر على السياسة الصحية.

في كليات الطب دائما يشاد بالتدريب الطبي والممارسة الطبية في أمريكا وكندا. وهذا صحيح فقط في التدريب والممارسة السريرية فقط، لكن كنظام صحي النظام الأمريكي فاشل جدا. بل يعتبر كمثال للفشل في الإدارة الصحية. أكثر نظام صحي مكلف في العالم ومع ذلك هو الأسوأ نتيجة بين الدول المتقدمة

@dr_mask11 للأسف مرضى فعليين وفي اماكن المتوسط 70 إلى 80 في الرعاية العاجلة

مدري ايش دخل عدد المرضى في الكليجا ، المشكله كلنا عارفين انهم ماهم مرضى فعليين وذا بكلام نفس الدكتوره وذا الشيء ماهو متكرر ، الزبده اي احد يشوف ان الطب مايوكل كليجا يقدم استقالته اذا كان على راس عمل واذا كان طالب يترك دراسته ويعطي فرصة لغيره ياكل الكليجا او احمد ربك على النعمة الي غيرك مايذوق ربعها وحاول تحسن من نفسك

@Moh_Blueberries غريبة البندق اولى انه يسوي حساسية من الزيت

اختي الصغيره كانت تأكله شبه يومي ويسبب لها حساسيه بسبب زيت النخيل لين قررت ابحث وادور لها وصفة نوتيلا صحي سويت لها واحد بدون سكر مضاف وصحي 100% وادمنت عليه

@Banitoto البوتكس والفيلر يحطون كثير اطباء الجلدية

ما قد شفت طبيب أسنان مسوي فينير ولا طبيب جلدية مسوي بوتكس في جبهته ولا جراح تجميل مسوي خشمه 😃

@alhadab أكره الاحكام المطلقة. تنظيف الأسنان اللي سويته أنت في السعودية فاشل. وتقييمك فاشل اكثر لأنك بنيته على تجربة شخصية. بالنسبة لي تم عمل جميع الاجراءات الوقاية لي خلال جلسة تنظيف الأسنان.

تنظيف الأسنان في السعودية فاشل بما تعنيه الكلمة السبب مو لأن طبيب الأسنان في أمريكا أذكى. السبب لأن نظام التنظيف مختلف بالكامل. في كثير من العيادات عندنا. التنظيف مجرد إجراء سريع. الطبيب أو الأخصائي يشيل الجير الظاهر وخلاص. عشر دقائق ويمكن أقل. المراجع يطلع وهو يحس إن أسنانه نظفت. لكن فعلياً كثير من البلاك والبكتيريا ما انشالت. في أمريكا الموضوع مختلف شوي. التنظيف يعتبر إجراء وقائي أساسي مو خدمة تجميلية. عادة اللي يسويه هناك أخصائي اسمه هايجنست. هذا الشخص دراسته كاملة تقريباً مبنية على تنظيف الأسنان والوقاية. يعني شغله الأساسي طول اليوم هو التنظيف. الجلسة غالباً تأخذ 45 إلى 60 دقيقة. مو عشر دقائق. يبدؤون بقياس الضغط وبعدها قياس الجيوب اللثوية حول كل سن. يقيسون عمق الجيوب اللثوية عشان يعرفون إذا فيه بداية التهاب لثة أو فقدان عظم. بعدها يشيلون الجير فوق اللثة وتحت اللثة. مو بس اللي تشوفه بعينك. كثير من الشغل يكون تحت اللثة. وهذا اللي فعلاً يقلل البكتيريا. بعدها يستخدمون السكالر الالتراسونيك ثم أدوات يدوية دقيقة. بعد كذا التلميع. أحياناً يحطون فلورايد في النهاية. والأهم من هذا كله. يقعد يشرح لك كيف تنظف. وين الخطأ في التفريش. وش المناطق اللي أنت مهملها. فالتنظيف هناك مو مجرد تنظيف. هو تشخيص مبكر + علاج وقائي + تعليم للمريض. عشان كذا كثير من مشاكل اللثة تنكشف بدري عندهم. بينما عندنا أحياناً المراجع ما يكتشف المشكلة إلا لما الأسنان بدأت تتحرك. بكلمة بسيطة. التنظيف عندهم جلسة طبية كاملة. وعندنا غالباً إجراء سريع قبل ما المريض يقوم من الكرسي.

@Abdulrh28547181 العيادة فيها خصوصية عالية وبالأخص عيادة الموظفين. المشكلة بالموظفين نفسهم إنهم بالعادة يروحون يسولفون عن نفسهم.

عندنا زميل راح عيادة الموظفين وفحص وطلع فيه سكر ولا علم احد .. اليوم الثاني يتقهوى ويقوله احد زملاءه لا تاكل تمر ترى بيرفع عليك السكر وسد نفسه المسكين انه يداوم وكل شوي يذكره بالسكر.. لذلك لا تفحص بعيادة الموظفين ابدا 🤣

@Moh_Blueberries ليش السكوات بالاخير

يوم نزلت التغريدة ذي البعض يقول جودة التمرين هي الاهم والكلام صح ✅ عينكم 59 دقيقه تقريبا خلصت تمريني الي كان عبارة عن ٢ تمرين صدر ٢ تمرين ظهر ٢ كتف ١ باي ١ تراي ١ بطات ٣ جولات سكوات 🔥 والصدق جدول full body خيالي والله تطلع من النادي تحس جسمك متفجر من البمب 😂😂🔥

@HeshamHRH كانت بالسابق سنوية من بداية محرم إلى منتصف صفر. السنة اللي راحت اول اسبوعين من ذي القعدة

والله اليوم أفكر بهالموضوع! دخيلك يابو سلمان عطنا شهرين بالسنة off season للخليجيين فقط نعتمر فيها بسلام؛ شهر بالربع الأول الهجري، وشهر بالربع الثاني.. جمادى شهر محد يدري عنه عطنياه…

@Wed_H17 الله يسلمك من ذوقك 👍

أتفق جداً.. جمال العقل إغراء لا يُقاوم.. والحديث مع عقلٍ جميل أشبه بالرمال المتحركة.. كلما حاولت الخلاص تغرق أكثر.. 🙏🏻

@Az_Fhodi جربته و برجر بوتيك احسن منه.

يا ترى مين التاجر صاحب النفوذ اللي قادر يقنع مُلاك In-N-Out وياخذ الفرنشايز ويفتح فروع لهم في السعودية؟! ودي أجربه وليه الامريكان يشوفوه مختلف عن أي مطعم وجبات سريعه يقدم برغر. ما أعرف اللي راح أمريكا وجربه هل فعلًا يستحق هالشعبية؟

@sibamassa في ناس مرابطين يا صديقي يرد حتى لو هو يصلي

الرجال الذي أمامي أخرج الجوال وسط الصلاة ليتأكد من المتصل ثم أعاده إلى جيبه، فالحمدلله أن المكالمة لم تكن مهمة ..

@nkflaw4 عادي الدم كان بعضلاتك مهب بمخك.

- اذا تحسست حاجة اللي قدامي وساعدته بدون ما يتكلم - اذا شفت شخص يتعرّض للإحراج وصرفت النظر عنه - اذا وقفت بالأماكن المخصص للدخول والخروج من القطار - اذا لمّيت الصحون والاكواب والقراطيس وحطيتهم جنب بعض عشان يشيلهم العامل ولا يلقّطهم من وراي

@Moh_Blueberries السالفة ان اغلب جينات الشرق الاوسط القلوتس كبيرة كفاية. (بيج رامي وهادي شوبان مثال). العرق الاوروبي عندهم ذي المشكلة والبطات الصغيرة Calves. صراحة ما قد مرنتها ولا قد حسيت إني احتاج وسكوات مرة وحدة بالأسبوع تكفي.

يكفي خوف من المجتمع من اهم العضلات هي عضلة (قلوتس) اكبر عضلة بالجسم معاد فيه الام اسفل الظهر تخليك تشيل أوزان عالية تساعدك في العلاقة الجنسية حتى بالمظهر يكون عندك افضل من الي ماعنده نهائياً ‼️ بس المقصد عضلة القلوتس مو الي تكون مليانه دهون 👍

@FATMA28399202 واياك

@SolimanAlakel الله يكتب اجركم ويرفع قدركم

في هذه الليالي الفضيلة يتفرغ كثيرون للعبادة، ولصلة الرحم وذكر الله. بينما يقف زملاؤنا في القطاعات الصحية والأمنية على رأس العمل لخدمة الناس. احتسبوا الأجر؛ فالنبي ﷺ قال: "عينان لا تمسهما النار: عين بكت من خشية الله، وعين باتت تحرس في سبيل الله".

@xoo1444 تورم الوجه يجي كثير مع nephrotic syndrome. ثانيا كان ببالي ردة الفعل لالتهاب الحلق مع إنه نادر وفيك بارك

تمر علينا حالات كثير نزلة برد عادية والأغلب بسيط ما يحتاج أكثر من راحة ومسكنات. والأغلب ما يستدعي مضاد حيوي حتى، أحد الحالات جتني لطفلة عمرها تقريبا 11سنة. نزلة برد عادية مع سخونة لكن البنت كانت مرهقة شوي. راحت مركز خاص وتم علاجها بمضاد حيوي في العضل. راحت الحرارة لكن ما زال عليها آثار التعب وزارتني العيادة مع والدها. كشفت عليها العلامات الحيوية طبيعية بدون حرارة. في تورم خفيف بالوجه لكن الأهل ما لاحظوا اختلاف وفي شحوب واضح. فحصت الحلق سليم تقريبا. فحصت البطن في تضخم بالطحال. طلبت لها تحاليل عامة وقلت خل نشوفها بعد التحليل من بكرة. بعد نص ساعة كلمني المختبر إن النتيجة حرجة والهيموجلوبين واصل 6 (الطبيعي 12) يعني انيميا حادة. تواصلت مع الوالد مباشرة بالجوال وبلغته يتوجه لأقرب طوارئ بشكل عاجل وبرسل له صورة التحويل الورقي ومختصر الحالة بالواتس. (فيه تجاوز شوي لكن ما ودي أمشوره يستلمه ويروح الطوارئ). ربع ساعة بعدها بلغني المختبر بنتيجة حرجة ثانية إن وظائف الكلى فيها فشل حاد (الكيرياتين واصل1000 والطبيعي 120). رجعت تواصلت مع الوالد بلغني إنه وصل الطوارئ، طلبته يعطني الطبيب اللي مشرف على الحالة. وكلمته لأن التحويل الأول كان أنيميا بس وما ودي أبلغ الوالد بالفشل عن طريق الجوال. بلغت الطبيب وكان التشخيص ببالي إنه فشل كلوي حاد بسبب العدوى PIGN. او انحلال الدم اليوريمي HUS. اللي صار بعدين إنها دخلت العناية المركزة وعمل غسيل كلوي مرتين. واتضح إن السبب فشل كلوي مزمن وليس حاد بسبب مرض وراثي. المستفاد من الموضوع 1️⃣ من كل ألف نزلة برد عادية، بتجي العيادة وحدة بمضاعفات مثل التهاب صدر حاد أو ردات فعل نادرة. او مرض مزمن غير مشخص 2️⃣ الحالات الطارئة قد تتطلب تجاوز بعض السياسات في سبيل مصلحة المريض. 3️⃣ مو كل حالات الالتهابات العابرة تحتاج تحاليل او فحص دقيق، لكن في حال التعب الشديد او تكرار الزيارة لنفس الشكوى لابد من التمعن. وآسف على الإطالة (تفاصيل الحالة تغيرت شوي للحفاظ على خصوصية المريض).

@DTyby3083 نعم اضطرابات المزاج البسيطة إلى المتوسطة، تشخيص وعلاج ومتابعة. الأمراض العقلية متابعة فقط.

@SolimanAlakel هل طبيب الاسرة مدرب للتعامل مع المريض النفسي ؟

رغم أني أداوم في عيادات مختلفة التخصصات ضمنها الطب النفسي، كثير من مراجعي الاكتئاب والقلق يفضلون العلاج في طب الأسرة. والسبب حسب ما سألتهم إنهم ما يبون يحسون إنهم مرضى نفسيين، ثاني شي ارتياحهم للطبيب/ة المعالج في طب الأسرة. لا تزال عقدة المرض النفسي قوية في المجتمع المجتمع 👎

@dr_mask11 واضح انه هو يصرفك بس، ولا تراه زين 🏃‍♂️

اعطيته فرصة ٣ مرات وكل مرا يثبتلي انه اقل من العادي مقارنة بالسعر