‏ᴹ

أحسن وسيلة وأنت بالخير مذكور وسـيلةٍ مـا تنتعوّض بــحاجـة قدمك طريقٍ للميامين مأثور هدي الرّسول وسنّته وانتهاجه والفاتحة والعصر والفجر والنّور وما صحّحوه التّرمذِي وابن ماجه والواحد اللّي من يناجيه ماجور إليا فات ثلثينٍ من اللّيل ناجه

سُبْحَانَ اللهِ وَ بِحَمْدِه , سُبْحَانَ اللهِ الْعَظيِم

الشاعر الكبير عبدالمعين بن عقل بن هذال الثعلي العضياني العتيبي 🎧. هو أحد الشعراء القدامي والمعاصرين في قبيلة عتيبه ... لاضاق صدري قلت يا قاسمت خيـر سج القدم يمشي علـى غيـر داعـي عديـت للعالـي بعالـي النواضـيـر وادله ليا شفته على الحـزم اشاعـي واسهروساهـرت النجـوم الزواهيـر لامـايـجـي للفجرنوروشـعـاعـي قالولي ابلـه قلـت ياهـل التفاكيـر هاذي علوم اهـل العـوم الضياعـي وانا مغير مولـع القلـب يـا بديـر اشـري وابيـع مشترايـه وباعـي والله مغير اصخـر القـاف تصخيـر تصخير مادوب العصا ليـن اطاعـي ومن دق به مثلي هجوس وحواشيـر يضيق بـه لـو الطريـق اتساعـي امقابلـن خضـر الوداياالمهاجـيـر علـى حفافـن بيـن حـره وقاعـي والله لو ان الغرس والقصـر والبيـر تمشي علـى مافـي هوايـه وناعـي عن ديرتـن فيهـا تـدب الجعاريـر وفيها الدجاج وماشبـه لـه يعاعـي لشدوانـزل فـي مـرب الخـواويـر وامشي مع الحزم السماح الوساعـي ليااختلـط نـبـت الزهروالنـواويـر غزيت في العبلـه عمـود الشراعـي غربن من النفره جنـوب المخاضيـر شرقن من الفيضه شمـال الكراعـي ياويـل مرباعـن بهـاك النهابـيـر وياوي سلفانن بهـا القلـب ياعـي تلقا بهـا سمـر البيـوت الدواويـر سمـر البيـوت مثولثـات الرباعـي بأطرافهـا كنـه قصابـة جـزازيـر يفرح بها الطرقي لياأضـرم وجاعـي واهـي بيوتـن متيهييـن المعاشيـر ألاد روق أهـل الطعـون الوساعـي اللي ابهـم شقـح البكـار المغاتيـر ترعا بهم فالخـوف من غير راعـي تلقابهـا شقـر البـنـي الغنـاديـر زرع القلـوب لكـل قلبـن ولاعـي اللـي لهـن بمولـع القلـب تاثيـر قسـمٍ مـن البنـك الكبيرالـزراعـي واللي لهن من طب الامراض تقريـر تقريـر طـبٍ للقلـوب الوجـاعـي اخذتلـي معهـم مطيـر ومشـاويـر ركضة جهل يـوم الهلـع والدلاعـي واليوم عنه اقفيـت لوهـن مناحيـر حسـم ٍلحـل المشكلـه والنـزاعـي واقفيت عنه اقفـاي ركـب المعاييـر واخذت من تالـي المحبـه وداعـي الا بحـب اللـي بنـاري مصايـيـر سمرن على جـال المنـاره مقاعـي يازيـن شبـت نارهـا للمسايـيـر لجالهـم عـنـدي عليهااجتمـاعـي اخـذ بهـم زال الحيـاة التعابـيـر والا انهـا ماغيـر عبـر ومتاعـي واسند عليهـم فـي ليـال المعاسيـر ويروح شبري فـي محطـة ذراعـي والاهـي الدنيابـربـح ومخاسـيـر يـومٍ حدورويـومٍ الهـا ارتفـاعـي ولا كل طيـرن ينتقلـد علـى طيـر ولا كل من هام الشجاعـه شجاعـي ماينتقـلـد بالـحـرار العصافـيـر ولاينتقـلـد بالقـرمـب الافـاعـي لـو قلدواشـيٍ علـى شـي تغييـر مايتقـلـد بالطبيـعـي صـنـاعـي

البارحه يوم الثريا تويقي يوم كلٍ في لذيذ الكرى راق وقفّت لين الشوف جاله بريقي مثل السراب اللي على البعد لهّاق أخيل براقٍ صوب وادي العقيقي ماشفت مثله يفضح الليل براق عساه يسقي دار ذاك الفريقي لو رغبتي ما عاد باقٍ لها باق وذيك الديار ماني عليها شفيقي تطيب منها النفس وتضيق الاخلاق قزرت عمري في بحرها غريقي متحملٍ كل المتاعب والارهاق لين انكشف وجه العدو والصديقي والرفقه اللي حبلها رمث ودقاق ولا كلفت نفسٍ بْما لا تطيقي تبيّنت لي كنها شمس الإشراق وانا ليا شفت الجفا من رفيقي وصار الامل حبرٍ على بيض الاوراق قابلت غلطاته بوجهٍ طليقي ونظرت له نظرة محبٍ ومشتاق أعطيه حتى من منامه يفيقي لا كلمةٍ سمعت ولا خاطرٍ ضاق حتى يعرف اني رفيقٍ حقيقي وليا انحرف ماهو على باب الارزاق يروح في دربه وانا في طريقي من خلقت الدنيا بها جمع وافراق علي بيبان الفرج ما تضيقي أسوقها في كل ديره وتنساق وابعد عن اللي رفقته ما تليقي ماني على جنبه معلّق بمعلاق ياكثر مالي في الديّر من صديقي لا بارت العمله وشحّن الاسواق صداقةٍ تبنا بساسٍ وثيقي لا عقربٍ تلدغ ولا موس حلاق -رشيد الزلامي

@_3jim ظُلم وجدددداً

للشاعر /#عبدالله_بن_سبيل رحمّه الله حل الفراق وحن رايم لمريوم وقوى الفراق اللي كبار دفوفه أمسيت أنا عيني حريبٍ لها النوم كن الأداوي بالنظير إمحذوفه أبكي بكا ورعٍ عن الديد مفطوم عاجاه غير أمه وكثرت صدوفه غديت مثل اللي بمسراه منجوم مني معاليق الضمير مخطوفه ونفسي غدت لاهيب منٍ ولاسوم وجسمي نحل كن السعاير بجوفه والقلب جارٍ له سواميح وهموم ومن القرادة كل طاري يلوفه على الذي جاني منه رد وعلوم شرهٍ علي اللي جميلٍ وصوفه وله الشره لوكان ماجيت مثلوم أصبر على عجفاه لجل معروفه لو بين الغيظه فأنا منه ما أشوم لين اتعذر منه وأجلى الحسوفه حقٍ على رادع شفاياه برقوم يروف بي وأنا بحال المروفه وحقه علي إليا هرجت أبعد الحوم أغضي ولاكني مع الناس أشوفه أنا الذي ياما تمناه من يوم وهو الذي نفسه لغيري عيوفه إن مت قبله قال لي : زيد مرحوم وإن مات قبلي ما الحياة مخلوفه كن اللوالي بين أشافيه منظوم أو ضيق وبل محلتم في قنوفه والعين عين اللي على رأس ملموم ماجيب له من كل نسرٍ علوفه حرش المناكب لأبرق الريش صيروم حرٍ ملك موت الحباري كفوفه أبو نهيدٍ في حشى الصدر مزموم بيض الحمام اللي رفاع قيوفه هافي حشا كنه عن الزاد محروم والثوب يشكي مانبا من ردوفه والزين في مقرن حجاجيه مرشوم رشمة مهر شيخٍ شبع في مضوفه ياجاعل موت المخاليق محتوم قرب مداهيل العنود الهنوفه

لـ البستان / محمد الخس 🎧. سبحان من سوى الاوادم من الحـور انا اشهد ان الله هـو اللـي يسـوي زولٍ خلق من نـور وبخدتـه نـور نورٍ من الخالق ماهو نـور ضـوي ادعج غنج خده بـه الملـح منثـور تقـول بـدرٍ بـان بفتـوق نــوي وعيون تذبح بالهـوى كـل منعـور سودٍ مضاليلٍ علـى القلـب سـوي نيشانهـن رمانـة القلـب ياسـرور وحرابهـن مـن دم جوفـي تـروي هو مسرفٍ فيه وانـا فيـه مجبـور حبه ملـى قلبـي وجوفـي وجـوي من زود حبه كن كـل البنـي عـور لاغاب عنـي قمـت ادوج واهـوي ابوجديل اشقر علـى المتـن منثـور واهنـي مـن بيديـه فيـه متلـوي ان كان شـدو يـم وسميـة الثـور واحسرتـي لاقالـوا البيـت طـوي وان مت من مركوز الانهاد معـذور اللـي عليـه هالـزمـان متـكـوي ولو هو عطاني صاحبي كبر الاظفور قلت الدواء منك وعلـى الله بـروي

" معلقة أبن زويبن " ياسعود عل دياركم عمها السيل عقب البروق اللي تكاشف جهتها عطني جميع اخبارها بالتفاصيل عسى الرجوع التاليه سيّلتها لعلها دايم تصب الهماليل على فروع اجبالها و أوديتها دارٍ ربوا فيها الرجال المشاكيل من ماضي الايام ما حدن شمتها حماية الخايف ودقاقة الهيل وعوق السمين اللي تموح ذنبتها لو كان ما ارجي من وراهم محاصيل مير الرجال تحْب من سامعتها وفي ضفهم راعي العيون المظاليل اللي يذوب القلب من سلهمتها إليا اقبلت قام يتكفكف دجا الليل وكل الديار المظلمه نورتها وإلى ادبرت غطا جسدها المجاديل بين الخلايق ، لو تعرى كستها ان كفته مثل الغصون المحاميل وان فلته قام ايتثنى تحتها كنه سبيب اللي ليا ماحت الذيل راسه تعدا راسها وارقبتها صفراً وهي بعذارها سمعت الخيل اشد من ضرب الدفوف أرجفتها وقامت تشيل بنفسها والسماء شيل وصاح النذير وسبّق الخيل جتها خيالها دايم على خصمه الميل إليا فرق رجليه عن معرقتها شيخٍ مضريها لنطح المقابيل صوب الخلا بعنانها ماعفتها تفرح بها اللي ما وراها رياجيل وصكت عليها خيل قومٍ خذتها قومٍ تقفوا جلها والمخاليل اقفوا على خلفاتها وأجنبتها وابطت فزوع ،مسحبين الشماليل وجاء من يرد البل على راعيتها جابه لها وقت الحرج ربل جبريل بنت الرجال اللي كبيرٍ بختها ونادى لها يا ام الحلق والخلاخيل وين اتجاه القوم ؟ يوم اقتفتها وقامت بذرعانٍ زهتها المفاتيل تنعت وراهم لين وكد نعتها ولحق بسيفٍ لمعته مثل الاستيل وصفراً الى جات الحلاه أطمرتها وقامت تغطرف بالغناء والمواويل وجاه اندهاش وشاش من غطرفتها واومى بهم مثل الهوى بالمخاييل وضاقت بهم جرد السهال وسعتها من راح ماعود ومن طاح ما شيل وقطم الحذا راجت عليه اغبرتها في ما مضى وردتها ضرب تمثيل لو كان دورات الزمن قد محتها دنياً تفرق شمل جيل بعد جيل قدامنا كم عالمٍ فرقتها دارت بنا الايام مثل المحاحيل عنها نحت فيّه وعني نحتها نحت ولا جتني خطوط ومراسيل وليا كتبت رسالةٍ ما قرتها لكن قرار الحب مافيه تعديل لو عشت بالدنيا إلى اخر سنتها يبقى مثل ماكان لو طاله الطيل رمزٍ بذاكرتي وفي ذاكرتها

— من أجمل ما قرأت عن البل : يـجـيـك ممـشـاهـا تــبــارى تـفـاخـيـت مافـي بعضهـا عـن بعضهـا انفهاقـي ولـو حـال مــن دون المعـشـى مـراريـت تــرهــي عـلـيــه مـعـربــات الـعـمـاقـي — عبدالله بن عون

لـ مقرن بن حربي @3oi88 الحب جنة شوك واعماره ..قصار وقلوبنا تمشي على الشوك وتثور الي - شعوره هش فالدرب ينهار والي يخون الحب مايملك شعور خلوه .. للي يجرع المر والحار ماتاه لو تاهت هقاويه " بالدور الوصل مثل الريف وقطوفه ثمار ولا الجفا قاعٍ تضاريسه " دهور ياغايبه ماعاد في قلبي .. اسرار اقفيت وكفوف العتب طقة الزور لو باقيٍ في جعبة الصبر .. مشوار ماباقيٍ .. للنفس حيله ولا شور عزالله .. اني شره واحلامي كبار مير الليالي غيرت كل منظور من كثر ماوقفت من دون الاعذار ماعاد احب العذر لو كنت معذور واليا بغيتي نذبح الناار .. بالنار والله لاحذف القلب في وسط تنور شرهاتي تقد النحر قدة .. زرار وصدماتي مْن الوقت حفارة قبور ماتدرك الانذال وش بعد ..الانظار اكثر ماشاق انظارها لقمة السور وماتدرج الدله على راس خمّار لو تدرّج الخمره على راس ،منعور

- لاهبّني من يمة الشرق نسناس أخذت اكرر في ضميري سؤالي الليل هذا كن له صوت هوجاس؟ ينده معامييلي وصفرا دلالي وأنا ما ارد اللي ينادي على ساس ماني بـ مثلك يوم انادي تعالي ياغاليه وأن بان في عيني الياس وجهي ذبوله بان منه اختلالي عديت في راس الطويله وانا راس ماني بـ تبعٍ ماتعدا ظلالي في رحلتي مريت الأطلال عساس مرباعها قفرٍ من الناس خالي هبهابها يطرق على غصن يبّاس كن غيمها عن حال الاوراق سالي ان جيتها زوّدت في باسها باس تقول ثنّت حزنها من خلالي ياغاليه؟لولا الشعر وأحمر الكاس ماكنت أميّز بين عمي وخالي اسامر طيوفك على جال كرّاس غالي وسيّر له من الشوق غالي الجذع يشره لاكسر غصنه الفاس وشلووون ماشره لانحل منك حالي؟ أثر الرسايل تحمل شعور وأحساس مابين برد حروفها جمر صالي بان فمواريها بدر فوق جلّاس وبان فزواياها سواد الليالي فروقنا واجد لو الفرق ينقاس حتى ان تشابهنا بدا الفرق عالي! « أنتي ثلاث حروف من حولك الناس وأنا ثلاث حروف . . . لكن لحالي » - عمر الودعاني

يا ضيقتي ماني بشاكيك للناس مثل ماني عايش مع الناس عيشي بيني وبين الضحك مشوار عساس و مسافة ٍ تحتاج دربيل جيشي الانبساطه والطرب و التوناس راحت ضحية عنفواني و طيشي توازن الضيقه مع الهم و الياس مثل التوازن فـ النظام المعيشي صار الزمن حده مثل حد الامواس يضرب بـ شلفاء مثل شلفاء القريشي و كان الفرح بنكه مثل بنك الافلاس بـ نسوقها على حساب الطبيشي ..

بعض الاوادم لعزمني تعذرت النفس عن بعض العباد محجوبه مامقصدي يوم اتعذر تكبرت لكن ماكل ٍ اسلوبي اسلوبه والنفس لو اني عليها تسيطرت ماتقبل المسيار نفس مغصوبه واكبر خطيه جبرها يوم ناظرت اخاف اعاني من قساها صعوبه _ بدر الحويفي رحمه الله

لـ الشاعر / شقير بن عقيل الجذع واصاحبي دونه من الشط غبّه غبّات وأمواج ٍ تكيد السفينه دونه محيطٍ كوّنه حكم ربه ما حدّدو طول المدى غايصينه كم قاربٍ هاز العبور وقلبه وكم ضاع به من صافيات المكينه في نجد وأنا في ديار المسبه دارٍ عجزت أعرف لهلها رطينه دارٍ عسى صم القنابل تدبه تحرق علو أرضه وتظهر دفينه دار الهنود اللي مباه ولاحبه حيث الشريف اللي يجيها تهينه فيها يعيش اللي نسي خوف ربه خطو البهيم اللي تهاون بدينه نذل ٍ لقى الحوض الحرام وشربه قطع اليدين ولا حياة الغبينه يمشي على راسه من العيب قبه تبّاع عبّاد البقر في عرينه متى براي الله نروح ونكبه وأشوف من عيني تبي شوف عينه لو هو بعيد الدار قلبي يحبه وروحي عليه من المحبه حزينه خشفٍ سلب قلبي غلاه ولعبه لعبة سلوك الوتر مع لاعبينه زند الغلا فيّه قدحبه وشبه وطحن ودقق بالمحبه طحينه بعده مرض قلبي ولاماه طبه وعليه قلبي باح خافي كنينه وجدي عليهم وجد من ماه صبه على بذور ٍ مشتراها بدينه في خانة المليون سمه وحبه غير النقود وما تحوشه يدينه وبعد استتم الزرع وهوه تعبه خيّل عليه اللي حقاقٍ غشينه وأخذ عليه السيل ربعه وغبه لين اختلط حبه وتبنه وطينه وعوّد وحظّه فالمجالس يسبه يطق كف بكف لمعذلينه على الذي حي ٍ وميت بحبه الوصف كامل والمذاهب حصينه لا عاري ٍ عوده ولاهوب دبه معزلٍ تزها البناجر يدينه مناحرة صدر ومحاجر ولبه وليا عرض خصر ٍ يهلّك جنينه خشفٍ عذا نجد العذيه مربه غربٍ من الدمام شرق المدينه في قريةٍ مابين وادي وتَبَّه أربع حروف الاسم يا عارفينه للي قرا بأي الكتاب وكتبه اسمه بحرف من اسم هاك المدينه

ولي خلوجً هايفت بي على النوح يا وين ربي جابني في وعدها جاوبتها بالنوح والصوت مبحوح لين اهجدتني يوم ربي هجدها انا تقول مصلب ً لي على لوح والناق صالبةً على عظم يدها اعول من الوجلا على مترف الروح والناق تعّول يوم قفى ولدها يا ناق كان الولف صايبك بجروح ماصابك اللي صابني منه وادها علي من ضيم النيا ميّل ورجوح وعلي هساتً كثيراً عددها منه السهر لين الدجاء يفضحه ضوح صبحً حناديس الغداري طردها ومنها لو الحظّار بمزوح وفروح قلبي مصد وخاطري ما يرِدها مع هاجسي كّني بغبة بحر نوح ولادري متى الشدّه تحلل عقدها ولولا دوجتي فالخلا وين ابروح يوم اتلهى بالحرار وهدها مع مهمهً قفرً به الشوف مبروح اتبع هوى روحً تقلص جهدها لا اصيح صيحة من لقى اخوه مذبوح في ساعةً حظّارها ما حمدها وحوّل عليه وقلبه مامعه روح وامه تلوى به قليلً جهدها #عبدالله_بن_عون #بن_عون

" كلّ ساقٍ سيُسقى بِما سقى" الدنيا ستدور والمشاهد ستُعاد والأدوار ستتبدَّل كل مؤذي سيؤذى ومن لا يؤدبه ضميره تؤدبه الحياة حين تدور اللهم أنتَ حَسبي في من أذاني قولًا أوفعلاً يا الله.

ردية الشاعر #عبدالله_بن_عون والشاعر #محمد_الخس رحمه الله : تفتحت بيبان قلبي بعد حول كف العذل يا عاذلين معذولا ياصاح كثر العذل واللوم مملول ما يسمع المغرم نصائح جهولا وكلن على طبعه من الناس مجبول والفرق واضح بين ذولا وذولا أنا شريد الفكر والحال منحول سليمٍ جسم في ثياب معلولا دايم زعول ومني الفكر مذهول ارا الجلد وحصون صبري صمولا ياصاح اخذ مني عن الحال مدلول شيٍ لجا في ضيق جولي يجولا راحات قلبي ما تجي لي على النول حتى ولا من طيف خلي رسولا راعي جديل فوق الامتان مجدول دلال شيخ فوق ورك الذلولا العام جرحي من هوا البال مكتول واليوم عيني تفضحه بمهلولا ما اشوف غير مجمل الحفل مجمول في خاطري عن كل حيٍ يحولا ليا ضحك باللي كما صافي اللول بين الشفايا والكلام معسولا تخالهن وادٍ من الوسم مسيول ريضان قلبي عقب ماهي محولا ولو ناشني من فيض حسناه هملول يخضر قلبٍ من فواده جفولا عزاه يا محمد عن الوصل مشكول لاهنت شفلي يالمجرب حلولا يابو خلف شف لي من الراي مفتول قدام لايقف القمر بالأفولا ان ما تهيت منك الافراج بحلول عقب النهر ما ينورد للدحولا رد الشاعر محمد بن خلف الخس : البارحه جفني جفا يابن هدمول لذ الكرا وش حيلتك وش تقولا ليا قلت وش رايك ترا ما بها زعول الراي دايم به صعود ونزولا ليا صار فكري يم ابن عون مشغول هاك القبال اللي عسى ما يزولا انا اصله من فوق من تقطع الكول والا اتصل به هاتفي عجولا حيث ان ابو نايف له الحق مدبول فيما ملكت وما يديني تنولا راع الجواب اللي من الفكر معدول مافيه ما ينقال لولا ولولا كنه من الواحد وعشرين مزلول بيدين فنيٍ يسوي شكولا ياصيرف الجوهر تغزلك مقبول جعلك لمطلوبك من الله تنولا شعاك طفل غض مجمول مدلول اللي بنغماته غنوجٍ خجولا عجاب لعاب بالاوصاف مكمول مرن معك راضي ومرن زعولا مثله يخلي طيب الفكر بهلول من فقد عجاب المزوح الدجولا قبلك سميك قال يا احول يا احول خذن قلبه زاهيات الحجولا ما فيه قلبٍ عن هوا البيض معزول يا ابن الرجال الطيبين الفحولا اللي لهم في نجد تاريخ وفعول يوم القبايل تفتخر بالفعولا ان كان قلبك من عراويه منتول ياما وياما شال قلبك حمولا احمول حب اللي غذاهن من الشول بيض العواتق عايزات الدلولا اللي ليا مرن وانا القاع ماهول غضن وفي عيونهن تقل حولا وانا تراي مبيدن هجن ونعول مع دربهن يوم اسطفاق النزولا هذا الصحيح وبيننا الشك مزيول ياللي فوادك للموده ميولا ان كان خلك واقف دونه شمول شمول تقول ابعد وحنا به اولا محجرين ودونه السيف مسلول والعين دون مغيزل العين شولا وانته على حسن النبا ضايق الجول والباب دونه مغلق بالقفولا عليك باللي من زبنهم مشا طول حكام نجد مطوعين العيولا ان كان قاموا فيه صاحبك مكفول ما والله اذكر غير هذا حلولا ماهوب وقت مصافق خيول بخيول اليوم حكامٍ وححمٍ عدولا

لـ شاعر الوصف والغزل #شقير_الجذع وقلبي اللي صايرٍ به خوايا يحتاج عن حب العماهيج منظار سبة ثلاثٍ جدد(ن) به سوايا العصر يوم الله قسم لي بمسيار جني وأثر هن ناوياتٍ نوايا يبن قتلي عمد واللي نوّن صار المخ اخلن فيه بعض الخلايا والقلب خلنه يفكر ويحتار بزين الوصوف وفارقات التهايا وسود العيون وزين شكبات الاعمار الضبي منهن فيه وصف وحلايا وازريت لافرق بينهم والقدم حار جني بلبس وكن هنه عرايا لبس الدلع وانا يشوقن الانظار خشوف اللي من ذيرتها الرعايا ما يرتعن الا جديدات الاقفار هيم البطون دقيقات الشفايا نجل العيون نحورهن مثل الانوار منزيات كن ابطونهن قوايا مغار صدر وردف ووسوط ضمار وشقرٍ على الارداف مثل العوايا اشقر تقول بمقدمه يشتعل نار سودٍ لطراد المحبه منايا ليا شافهن صاحي الفكر ينهار عين اشقرٍ وايق بعين الحجايا يشوف له جولٍ تدارج ولا طار واللول كنه بين هاك الثنايا او قحويانٍ نابتٍ فيه نوار بعد ثلاث وسبع واربع عشايا في ماقعٍ خالد ساقيه الامطار ولو قلت ادورهن بسبع النحايا ياضنتي عن وصفهن ملقى الاذكار لا هن متان ولا نحاف هرايا سبحان خلاق البشر محيي الاشجار غصون موز فوق حوض روايا في فيّ وناش تساقيه الانهار او عود ريحانٍ يوزع هدايا تشريه تجارٍ وتجلب لتجار ماشفت انا لوصافهن تهايا لا والذي لمكسر العظم جبار الا من الغزلان فيهن حلايا طول الرقاب وصدة الضبي لانذار وفيهن عن الغزلان فرق ومزايا بعدّ التواصيف تقول عِيِّب الابكار اجسام بالطول المعدل رهايا لا هن نعانيعٍ ولاهن بقصار مثل الذهب يفرق بوزن الوقايا يزيد سعره لو يطيحن الاسعار الا حلاهن بزينة سجايا وانا بليت بحبهم سر وجهار وجدي على ما مز هاك الشفايا قدام يلقى العمر قصاف الاعمار وجدي عليهم وجد راعي ودايا يبست سواقيهن وماء عدهن غار من عقب ما كانن جمامٍ سرايا نشفت مجاري ماه مافيه قطار الجبو مقطع وقطعن الركايا وحتى الحمام اللي على جوهن طار وراحت جرايدهن سوات الحنايا يبس الجريد وحت عرجون الاثمار او وجد من ماله بنا به بنايا حول به الزلازل من عشرة ادوار ويا لجتي لجتة ذهيبٍ ضمايا وردن وردوهن رديين الاشوار في لاهب المرزم ضماين حفايا وعلى المراكيب برّكن فوق الازوار ودكن وقامن يسبرن الهبايا بجوٍ خلا ما به من النزل ديّار على الذي منهم جروحي خفايا كن الحشا من عقبهم يلهبه نار حطن عليه مثلثات الكوايا وراع الهوى دايم على الجرح صبار منهم عنا قلبي منهم دوايا ومنهم شربة من الهوى كاس الامرار هوى النفوس انواع وهما هوايا لو خيروني غيرهم ما نبا اختار ولو قلت اوصي ماتفيد الوصايا اخاف انا من هرج حاسد ومغتار اخاف ياخذها بعين الخطايا ولا يوصلها ليا كشف الاسرار يفرح عليه بكلمةٍ من عدايا الوقت باير واكثر الوقت بوار ماغار افكر من خلاي بخلايا واعوي عوا ذيب سبرله بمسبار قنيب سرحيٍ حدته الضرايا يحوفله فرقٍ ورا شبك وحضار يا من سمّيه بين هايا وهايا ويا من سمّيه بين غايب وحضار هدمت قلبي هدم خطو الهبايا لجرها وادٍ من الوسم معتار بخدٍ عليه رموش عينك ضفايا كنك تدق ابها على قلبي اوتار وردتني بالحب حوض المنايا ترقد وانا نومي هواجيس وافكار والعفو يا معطي جزيل العطايا اطلبك غفرانك وعتقك من النار

ثنائية غازي جري المطيري وشقير الجذع تختلف في وجهات النظر بـ "الحب تحديدًا" ياشقير اذا انك معلنٍ بالنكوفه انا يابن عساف من غزوي انكفت —غازي جري المطيري زولٍ لو انك يا المطيري تشوفه والله لا تمضي باقي العمر ما انكفت —شقير الجذع العتيبي

مسُاء الخير و الوصف , أما بعد : من أجمل من وصف المحبوب شعرياً، هو الشاعر الكبير المظلوم إعلامياً " #شقير_الجذع" أبدع و تفنن في أبيات عذبة من قصيدة فاخرة يقول فيها : - الله من حبٍ تكنه ضلوعي حتى توزع فالشرايين توزيع عليك يا زاهي ثلاث الردوعي أعوي عوا ذيب ٍ وقفله على ريع ذيب ٍ يجر الصوت من عقب جوعي وياخذ مع البيدا هذيب ومذاويع جايع ولا حوله من النزل دوعي ويجر له صوت ٍ يشيب المراضيع وعليك من بين الحواجب دموعي هجّال وسميٍ امزونه مصاليع قطعت فيّه يالغزال القطوعي أشريك وأنت تبيعني بأرخص البيع وعذبت قلبي يا حسين الطبوعي وحبك شربته مع نسيم الذعاذيع ما ارخي لهرج الناس دونك سموعي لو عذّلوني عنك لااسمع ولا اطيع ليا غاب عنّي ليلة ٍ بالسبوعي كنّه تمزّع بشرة القلب تمزيع ما عاد أفرّق سبتها والربوعي يصيبني سجّه عن الدرب وأضيع خشف ٍ معي ياللهوا طار شوعي وخلاّ لذيذ النوم عندي تقاطيع إليا ذكرته والخلايق هجوعي أفز فزّة غافيٍ عقب ترويع للبيض نوع ولشقر الراس نوعي زين الوصوف وكاملات التطابيع من جفّل الغزلان فيها ربوعي وفيها وصوف من الحرار المواقيع لا هو متين ولا قصير الدروعي ولا هي من الحدب الطوال النعانيع ولا هو نحيف ولا بمشيه يتوعي عليه وصف مجدّلات المصاريع يابن جري قلبي معه صار طوعي وشرّع له أبواب الهوا الخمس تشريع واحد منه قلبي تقول مخلوعي كنّه ينشعني من الخمر تنشيع وثاني بقى نومي على راس كوعي أفتح مشاريع ٍ وأقفل مشاريع في غبة ٍ تغرق طويل البتوعي يصعب على من طب فيها المطاليع وثالث بديت وعنه صعب ٍ رجوعي يابن جري تصعب عليّ المراجيع ورابع بقى وقتي نزول وطلوعي يضرب بي الهاجس وساع المخاويع وخامس ملك ما يملكنّه ضلوعي لا هوب لا سلفه ولا هوب توديع ولا هوب غصب ولا رضايه وطوعي الحب قسمه والمناهج تناويع هذا الخبر والله عليه السنوعي وأبغى الحلول من الرجال البواتيع اللي على الصعبات مثل الدروعي رحامة ٍ وقت القطاعة قواطيع اللي مواقفهم سواة الرجوعي مودع هشيم القاع خضر ٍ مهانيع وأخص فيها اللي له العسر طوعي غازي له العسرات دايم مطاويع رفيقي اللي فيّ دايم جزوعي ياجب لي أشرحله جميع المواضيع عساه يلقا حل بأيات نوعي وألاّ يقنعني عن الحب تقنيع

من اجمل المرسلات الشعريّة بين العمَلاق #عبدالله_بن_عون و الشاعر #نجر_بن_فيصل_العصيمي استمتعو معي ؛ يا نجر انا حاولت اجنب هوا الغيد وعيت يدي لا تطلق من شعفته وعمرت له بالنفس يا نجر تخليد لعلي اقضي ما بقا من حسفته أثر العرب معهم مع العلم تاكيد عودٍ قسى ماتنتعل هدفته وبالصدفه اللي ما سبقها مواعيد وفالموقف اللي ليتني ما وقفته عرضت شناح الطول مسلوبه الجيد اللي بها من قايد الريم لفته يانجر عادت لي ليال التواديد واحيت بقلبي ذكريات شعفته ومن عقبها ذقت العنا والتناكيد وسهر الليال اللي يطرا عرفته واليوم ابا ارفع لك من العلم تسنيد حيث ان رفع العلم يبرد حسفته يالشاعر اللي ما تدوس المناقيد وصرح الكرامه معتلي في شرفته ويوم اني اسند لك وافندك تفنيد قدام ذا جربت غيرك وعفته ماتنتنوخ للحمول المفاريد وجنيف انا وش حاجتي في جنفته يانادر ما في هدادك تصاديد فعله ينومسني لو اني كتفته مانته هذاك اللي ليا ازرا عن الصيد عود على راعيه ينقل علفته انا ادري انك يا نزيه المواريد فنجال عذري الهوا قد رشفته وعشقك هو عشق الفاضلين المحاميد اللي حصيله ما يلاقي كلفته وانا ليا جا من طرفك المراديد اما هجرت العشق والا ردفته واقبل تحياتي مع اطلالة العيد باللي عليك من المكارم عطفته واغلا نقود سيق ما راح بزهيد لو البضاعه غاليه ما صرفته رد الشاعر نجر : حلو الهدايا من يدين الاجاويد من الكريم اللي بسط لي صحفته عبدالله اسند لي من الشعر تمهيد لبس الشرف عيدت به والتحفته واختصني من بد كل القواصيد قصده يعبر عن ظروف صدفته وهجدتني فآخر صيامي مهاجيد واشتلت حملٍ فوق متني نسفته وشكى علي وزادني منه تعقيد راي يناسبني وراي حذفته راي الهدا يامجرد السيف تجريد كمل على مشوارك اللي نصفته والحب قبلكك ساق عنتر وابا زيد وانته بعدهم يابن عون استضفته ورقيت فوق وفي سنامه مجاويد وبنيت له صرح رفيع وسقفته ذكرتني باللي جرالي تراديد عهد من الماضي وحلفٍ حلفته والله ما اخبر لك عن الحب تجليد لو عنه يوجد علاج وصفته وليا حصل فيضة ربيع وتجديد زان الطرب واللي تبا العين شفته وانا ثلاث سنين لا انقص ولا ازيد ارخيت في حبل الشداد وجعفته قالوا علامك قلت يالربع ما اريد يوم الهوا دشوه ناس عسفته والا انت حبك معتلي فوق وبعيد في راس عيطا ثابته ما شطفته واخفيت خافيها على زيد وعبيد والا ترى ما فيه ذنب اقترفته ما انته بعارضها لرماي وقعيد وخبل على النمه تزايد رجفته والناس فيهم طيبين ومقاريد اللي يدق الصيخ اللي يعفته وانته وانا مشوارنا يقطع البيد وشوفي بعيد ومركز الخوف طفته جنبت عن عرعر وحزم الجلاميد وجنيف ما اعرف قوته من ضعفته ويا وسع نجد ليا عطيت الجراهيد والتمر يعرف طيبه من حشفته ياللي علي تعمد العلم تعميد الراي جاك وسرها ما كشفته