مقرن بن حربي

ياسفينة نوح .. انا غرقان في بحـر امنياتي مابقى للعمر مرسى واكثر أحلاامي غريقه لاهتوى .. وقتي مطيحي واعتذر مني ثباتي وش يصبر قلبي الي عـروته ماهي - وثيقه اقفت الدنيا ولادري وش بقا من تضحياتي كل يوم ادفع خفوقي في طريقٍ .. مايطيقه لاقدرت اكبت ملامي ماقدرت اضمن نجاتي وان بغيت اضمن نجاتي مالقيت لها طريقه والشعور الي مع حلول المسا ينثر شتاتي اعتلا عرش الخفوق ولبس الشريان ضيقه وينه .. الي حطه الله قبلةً "لـ اربع جهاتي العفيف الي ملاذه من سنا الورد ورحيقه مايبدد ضيقتي ويلم شملي مع " حياتي لين اصافح خده الي يفلق الظلما بريقه غيبته ..زجرة عذاب ًموجها بالحزن عاتي وشوفته مثل الخيال اليا كتبه الله حقيقه لو على دربه عناي ولو على كفه .. مماتي له علي اني ماجنب عن هواه وعن طريقه وان عصاه الوقت لايبدي ملام ولا يحاتي ماوراه الا الرفيق الي حفظ عهدة "رفيقه مقرن بن حربي

عسى الله يغفر الي فات بـ ذنوبه اكابر والزمان الشين صلفقني على ذكرى حبيبٍ كنت محبوبه ولادري كيف فارقته وفارقني انا لي عام واكثر معلن التوبه وطيفه من سنه واكثر مرافقني على وجه القمر ذكراه منصوبه اراودها واسج إيلين تسرقني لامر إسمه يصير بوضعي اعجوبه اطيح ودمعتي لـ القاع تسبقني رمتني حيرتي في وسط غيبوبه صحا منها الضمير وقلبي اغرقني لاجنبت المشاعر وانكفت صوبه عذرت الي جمع قافي وفرقني عجزت انساه والاقدار مكتوبه واذا قلبه ماصدق ، لايصدقني لو النسيان عرّض قلبي دروبه مابان الشيب في راسي ولادقني

عطيتك وعد من قلبٍ يموت ماخاف ولا يقدر الي خاف .. ( شيٍ شرطتيه )

«وشلون مارضي غرورك وابلغ اهدافي وانتي ، وصية شفيع " الأمه محمْد » مقرن بن حربي

الحب جنة شوك واعماره ..قصار وقلوبنا تاطى على (الشوك وتثور) الي - شعوره هش فالدرب ينهار والي يخون الحب مايملك شعور خلوه .. للي يجرع المر والحار ماتاه لو تاهت هقاويه " بالدور ماتدرك الانذال وش بعد ..الانظار اكثر ماشاق انظارهم لقمة السور وماتدرج الدله على راس خمّار لو تدرّج الخمره على راس ،منعور الوصل مثل الريف ودروبه أنهـار ولا الجفا قاعٍ تضاريسه .. دهور ياغايبه .. ( مامل قلبي ولا جـار ) اقفيت وكفوف العتب طقة الزور لو باقين في جعبة الصبر .. مشوار ماباقين .. للنفس حيله ولا شور عزالله .. اني شره واحلامي كبار مير الليالي غيرت كل منظور شرهاتي تقد النحر قدت ، زرار وصدماتي مْن الوقت حفارة قبور من كثر ماوقفت من دون الاعذار ماعاد احب العذر لو كنت معذور واليا بغيتي نذبح الناار .. بالنار والله لاحذف القلب في وسط تنور

لاميلت شمس المغيب وضاقت فجوج ، الثرى والصمت حده قصّر السنة السوالف والكلام اهيم في عزلة قصيدٍ .. رجعت عمري ورى ماتنتهي لين الصباح يفرق اجنحة الظلام مدري متى الروح الشقيه تهتني حلو الكرى وتغيب عن طيف السهر وتعانق طيوف المنام ودي لو إن العمر يرجع بي واعدل ماجري واقفي عن دروب نهايتها حسافه .. وانهزام وانسى مداهيل قديمه كانت لـ قلبي ذرى وانساك ياسبه ملامي واعتبر مالك مقام هاذي سنه والقلب ينقل جرحك الي مابرى جرح لو يمس الرواسي راحت شتات وعدام كم .. كلمه ودي لو لسانك عليها ماقرى ليتك ذكرت ان الغلا يفرض عليك .. الاحترام ودام الكلام الابجدي مافيه حرف .. لـ الزرى ليه الاوادم علت حروفه على نطقٍ .. وخام وان جيت أشبه كل حرف اني وفيت مع البرى صديت صدت من يعز النفس عن كثر الملام ياصاح انا كيف التهي والقلب يصبر .. مايرى وشلون ابنسى تضحيات مالقت منك اهتمام شرعت .. لك باب الضمير اللي تهالك وانفرى وضميتـك بـ عين تشيلك من ولهـا لـ الغرام واهديت لك قلب على قل الكلايف .. ماضرى جفت شرايينه مثل ماجفت بطون .. الغمام عاد .. انت قلبك مايروف ولا يحن ولا درى مدري بلاك من الصبا ولا على سن .. الفطام والشاهد الله مايبقالك غير طيف .. لاسري يطري علي اخر لقى يوم اختفيت مع الزحام جيتك وانا الي ضامن وهقواتي “ ترد البرى “ لكن خساره ماحصلي منك لو رد السلام .. مقرن بن حربي

ياسمية .. قلبي المشروه غايب لو مشاريه المشاعر .. ماتعدا اقبلي مع نفحة انسام (الهبايب) انتي الحب الحقيقي .. والمبدا معك يغمرني شعور بلا سبايب واتسامى ، واتمادى ، واتحدا اذكريني ..لانهمر دمعك سكايب واعذريني كل ماوقتي .. تردا والله اني ماسلمت من النوايب بين جاب الحظ ولا الحظ ودا بس في حبك تحديت المصايب اجبر كسور الليالي .. واتفدا لو مداهيلك على راسي نصايب مايموت من الهوى غير الآشدا ادري انك صفوة وجيه الحبايب والحبايب في .. محبتنا ..تقدا ظنك المخطي لابد يكون صايب وظنك الصايب عن الشكات عدا وزنك بوزن الذهب مابه شوايب والذهب ماقد خبرت بيوم صدا فيك عفة دعوةٍ من قلب تايب والطف من الورد عاد الورد ندا احتويني دام فص الشوق ذايب لين احس بـ قلبي العجلان هدا صرت انا وياك والسبع العجايب نتشابه .. والشبه ملحوظ جدا مقرن بن حربي

الحـب .. بان وبان تـااثيره من يوم بانت غاية مرادي بنتٍ عفيفة قلب وصغيره ولا تشبه الا وردة ..الكادي ثاني قمر ..واول تـباشيره طلة علي بـ ثالث اعيادي ماني مدور بعدها الخيره مادام بان الخير من بادي قلبي وكر وشفوفها طيره وتحوم في جوي وفبلادي وان ملّت وضاقتبها الحيره تقبل علي وتسكن فوادي مقرن بن حربي

انا نديم القلم ، والقاف ، والدفتر لا هود الليل واقبل همي .. الخافي اهيم واشوفلي وسط الفضا معبر واصافح الغيم لين يروح ، متقافي عاد الطواري تعيد .. الماضي الاغبر اليا تمادى الخيال بـ وزني ، وقافي لو ماضي الوقت خيب هقوتي وادبر مهوب شرط انهزم عن باقي اهدافي عزيت نفسي عن الي غاب واستكبر من يوم قفى تركت علومه .. خلافي العـزّ منهج .. وكسر العـزّ ما يجبر وانا ما حب اعتلي في غير مشرافي يارب عذني من الي شوفته (منكر) لين اتناسى واشوف الحال متعافي مقرن بن حربي

الليله المشروه من داعي الشوق ياموقف آمالي على حلم ..لقياك لاتبدي الفرقا ترى القلب محروق راحت شرايينه مثل سود الاسلاك كملي وانا من جور الايام مخنوق حتى النفس يستوطنه كل تكاك تلعبي اوهامي على كل طـاروق واليوم حدتني على طرق ليلاك كنت متوقي وان غفا قلبي افوق لكن معك مافاد .. تركيز وادراك تقدر تزيد حقوق وتضيع حقوق مادام من شافك يبا يطلب رضاك فيك العذوبه بين لمحه ومنطوق انقى من الهتان وازكى من الراك اظاهر انك من ثرى الغيم مخلوق وبين القمر ونجومه البيض مرباك تاه الخيال الي على وصفك يتوق سبحان من كملك بالزين واعطاك الله يردك داخل القلب .. معشوق لين اتمكن منك وادمح خطاياك ماعندي الا كلمة الحسن والذوق اتعبلها واتعب على بسمة شفاك ولياطغى حبك معي قلب وعروق والله .. ماعاد ارجيك ولا اتهقواك اما التقينا من على القمه وفوق ولا عساك تغيب وتغيب ذكراك مقرن بن حربي

انت الهوا والحب والغي والفال وانت القصيد وكل فكره جديده وانت الكلام الي من الروح ينقال مانت بـ كلامٍ كل غاوي.. يعيده وانت الغزال الي مايطري على بال يتعب له الصياد .. وازرى يصيده وانت الطريق الشرح في كل الاحوال واول طريقٍ يقطع العمر .. سيده وانت السحاب الي سقا كل مدهال تنبت له الدنيا على الي .. يريده

سارت اقدام القصيد وخلدت للقاف جره بين تصوير الخيال وبين تدوين المحابر والقصيد ..المختلف من لهجته ولا مقره ودك إنـه مايقال الا عـلى" افواه المنـابر يستلذ بْه " اللبيب وتستنير بْه " المجره منهجٍ فيه الكلام العايدي .. مقطوع دابر عاد انا الي ذاخرلي من بنات الريح "حره لانكشف عبر الزمن فرق المظاهر والمخابر قد تحلويت " المراره لين ذابـت كل مره ماشكيت ظروف وقتي لو صبرت ومت صابر ادري ان الموت مره وادري ان العز مره وادري ان المجد مصنوعٍ من عزوم الاكابر التجارب وجهتني لـ الصواب ولـ المسره يهتدي قلبي لاشفت الذنب في قلبً يكابر وانت يـ الراس الشجيع الي محد يقدر يغره كل حيٍ يعتبر بين السما والارض " عـابر " من معه رايً وجيه ومن حفظ للقلب سره يتقي .. ظلم العبيد ويتقي سلم " الجبابر والحياه الي تسوق لك الملذه والمضره ماتساوى منزلتها غير في سور .. المقابر مقرن بن حربي

يامرحبا يانديمة .. حرفي وقافي النار حيّه وجمر الشوق .. مارمد انا لاشفتك حذفت همومي خلافي تبطين ..وابدي لك الاعذار متعمّد وشلون مارضي غرورك وابلغ اهدافي وانتي وصية شفيع " الأمه محمْد " مال الزعل حل من مبداي واعرافي الا اني اترك حسابه يقعد .. مْجمّـد يرضيني اسمي لامر المبسم الصافي وثغرٍ على بهجته كم جرحٍ يضمد فضلتي اسمي على الي غيره وكافي (لو كان ماعبـّد ولو كان ما حمْد) وحروفي الاربعه تشرح لك الخافي مافيه حرفٍ ماشكرّ صوبك وحمّد من بارد انسامك ومن همسك الدافي الميم ذايب وحرف النـون متجمد