_Teacher. F

الله يرفع راية التوحيد دائما .. مبرووك لمنتخبنا الوطني #ملعب_الإنماء

البنك اللي ماتندم معه #ملعب_الإنماء

بمناسبة تأهل الصقور لكأس العالم للمرة السابعة 🇸🇦 بنسحب على 7 أجهزة iPhone 17 Pro 😎📱 كل اللي عليك تتابعنا وتسوي ريبوست .. وشارك بالتعليقات بـ #ملعب_الإنماء 🏟️ وبكذا تدخل السحب 💯 inma.co/zdr

@BBB_888886 @DrAlkhodairy جزاك الله خير

@TeacherF13 @DrAlkhodairy فقر دم ونقص حديد، شربيه منقوع الزبيب اليمني معصور مع برتقاله عشان الامتصاص وصفيه وعطيه ثلاث مرات بالاسبوع، الزبيب اليمني اللي فيه بذور مو اي نوع ثاني، تلقينه بالعطارين المعروفين يجي نظيف اغسلي ثلاث ملاعق وانقعيها في كوب ماء مغلي وغطيها لبكرا في الثلاجة وثاني يوم اعصريه مع برتقال

فيتامينين قد يسبب نقصهما هلع وخمول وكسل ومشاكل صحية: نقص فيتامين د D قد يسبب هلع وتسارع ضربات القلب واكتئاب وكذلك فيتامينات ب ( B1,B6,B12 ..) ويسبب تنميل وقلق وتوتر وضعف وخمول وكسل والم في الأطراف فلا تهملهما … وقد يصل الأمر لتضخم القلب إذا استمر النقص الشديد لعدة اشهر

@fassafr @abukaled_edu ارجع لمدير المستوصف يعطيك تقرير من سطرين فقط بإسمك وسجلك المدني وانك راجعتهم باليوم الفلاني للسبب الفلاني وختم وارفقه مع مشهد المراجعه ويقبل

@abukaled_edu ابو خالد هل يحق للمدير رفض اجازه مشهد مراجعة علما انه تم رفضها ؟

جميلة هي تلك العبارات و المشاعر و الرسائل التي انهالت على المعلمين و المعلمات في #اليوم_العالمي_للمعلم تقديراً لمكانتهم و تعزيزاً لعطائهم و لها أثرها الرائع على نفوسهم. يزداد جمالُ هذا اليوم لو قرنته وزارتنا الموقرة بإجراءات عملية تسهم في تعزيز مكانة المعلم و المعلمة كسرعة فتح الترقيات التعليمية و نقل الظروف الخاصة و تسهيل ضوابط النقل الخارجي بما يمنح فرص نقل أوسع لكافة فئات المعلمين و المعلمات و مسمياتهم بما ينعكس إيجابياً على استقرارهم و أسرهم.

@afrah_alsl92139 @DrAlkhodairy احسن الله عزاكم وغفرله ورحمه وجزاه بما يجزي الصابرين

@DrAlkhodairy ابوي الله يرحمه كان صبور وصبر على كثير امراض ومنها فقده لاحدى عينيه وصبر على فقد ولده اللي شاله السيل وكان يواسينا ويصبر في جميع الضروف يحمدالله ويشكره وتوفى قبل اسبوع بعد معاناه مع المرض الله يرحمه ويجبر كسر قلوبنا على فراقه ماشفت انسان صبور مثله عساه لجنات الخلد

إحدى قريباتي يرحمها الله كانت صبورة ومحتسبة وتسعى لتصبير الناس من حولها وتنهاهم عن التذمّر وترفض التشكي إلا لله وحده… وكانت صلبة المراس قاسية في عباراتها للبنات والاولاد حينما يتذمرون؛ كقولها: إحمد ربك على النعمة والصحة والعافية والستر وووو… الخ. وكيف لك وجه تشتكي من هذا الهم الصغير وربك هو الله العظيم؟ ثم تتبعها بتهديد ودي حنون: قم صل وإشكر ربك وإسترجع والا عطيتك "لزخة" بهالعصا اللي معي.. ( كانت تتكيء على عصا خشبية مرعبة) فنرجّهن ونسترجع ونطمئن … وبعد وفاتها بسنين ابلغني احد أحفادها بأنها كانت تبكي بعد تلك المواقف في ركن غرفتها ويسمع أنينها وتكاد تنهار من الحزن والألم فيقول لها؛ كنت هيبة وقوية قبل شوي؟ وين راحت هالهيبة والقوة؟ فترد عليه بصوت متهّدج : (( والله يا وليدي مانيب قوية لكني أتقوى بالله واحتسب واتماسك وأتمالك مشاعري لكي لا يتخاذل الناس ويضعفون فينهزمون في ثنايا الحياة…. ) هاتو لنا مثل هذا النموذج الجميل؟ واذكروا محاسنهم ؟

@Ayar2030 موجودة بكل المدارس، الضعيف واللي ناسي وجبته يتوجه للمرشد او مسؤول المقصف حسب توجيهات المدرسة ودائما يبلغون الطلاب لكن المشكلة بالطالب اللي مايتكلم ولا يطلب. بالإضافة الى فسق الطلاب شفت بكذا مدرسة الأكل ينرمي وهو جديد وتمنيت في ركن للأكل الزايد ويعطى اطفال ثانيين ويستشعرون العطاء

قد مره فكرت فيها والله المدارس لازم يكون فيها مبادرة مجتمعية بموضوع الأكل

@M3950085560663 @Ayar2030 عشان البيبي جلس لحاله اكيد عنده أحد

@Ayar2030 أم سلاف عسل أحبها وأحب مقاطعها بس ماقد شفت عندها عامله كيف عرفوا ان عندها ؟؟ صراحه تستاهل عاملتين مو وحده الأطفال الله يصلحهم خراب وعذاب الله يعين عليهم

فيديو لطيف لأم عظيمة طاقته حلوه إيجابية كنت مبسوطة و أنا اشوفه وأدعي لها ليييين فتحت تعليقات التيك توك اقسم بالله فيهم طاقة سلبية عجيبة اللي تقول وضحي للمتابع ان عندك عاملة واللي تقول انا عندي ١٠ و سويت وحطيت ! مو فاهمة يعني هم مستكثرين عليها العاملة ولا يبونها تتعب دبل عشان يكونون لطيفين معها ؟ مافهمت وش يبون بالضبط المفروض دامك عانيتي زيها تساندينها تكتبين دعوة لطيفة تكسبين فيها أجر ليش اللطم على كل شي عند هالبشر !

@abnalrabia اللي يصيحون بالتعليقات مهب مستوعبين الموضوع، المشكلة بالمدارس مهيب البصمة ، المشكله هي بقاء المعلمين ساعتين بدون طلاب..هل فيه وزارة أو ادارة توقف المعاملات الإلكترونية وتقفل الباب عن المراجعين ويجلس الموظف ساعتين يتلفت؟

أتمنى من وزارة التعليم مشكورة إستثناء أخواتنا المعلمات من برنامج حضوري ولا يطبق في مدارس البنات نهائيا لسببين : - أن المعلمات لديهن إلتزامات أسرية ووالدين وأطفال وتربية ورعاية - أن المعلمات حقيقةً ملتزمات بالحضور والانصراف بكل إخلاص وتفاني - بعض المعلمات في مناطق نائية #حضوري

@classyii @mm36996 قال من شاهدك يا أبا الحصين قال شسمه 🤣🤣

@mm36996 ههههههههههههههههههههههه ضرب بنفسه مثل يعني انا وهو انا بكيت ياخي ههههههههههههههههههههههه

طارق العمري يوجه عتب لمنتقدي عبدالقادر الشهراني على بكاه.. والله أنا بكيت يوم زواجي والرسول صلى الله عليه وسلم بكى أمام الناس لما شاهد صاحبة خديجة..

@tahany6897 "اللَّهُمَّ مَن وَلِيَ مِن أَمْرِ أُمَّتِي شَيئًا فَشَقَّ عَلَيهِم فَاشْقُقْ عَلَيه".. تنافس رائع في ترهيب المعلم بدلا من تحفيزه وتوفير بيئة عمل ملائمة ومواكبة وأدوات مساندة لإنجاز مهامه

🔴 #تعليم_عسير يصدر إجراءات حازمة بشأن حضور وانصراف المعلمين والمعلمات عبر بصمة #حضوري: الاستئذان الشخصي (طارئ - طبي) هو لجزء من الوقت في يوم العمل وليس حقاً مكتسباً للموظف. يُمنع الاستئذان الشخصي لمدة يوم كامل ويعتبر غياباً بدون عذر. سيتم استكمال الإجراءات النظامية بحق أي معلم أو معلمة قام بالتحضير أو الانصراف في موقع آخر ليس ضمن نطاق المدرسة. رفع الإجازات الرسمية عبر نظام فارس خلال 48 ساعة من يوم الغياب ليتم انعكاسها في حضوري. تطبيق الإجراءات النظامية حيال الغياب وعدم التواجد والتأخير والخروج المبكر بدون عذر. يبدأ الدوام الرسمي قبل 15 دقيقة من بداية الحصة الأولى، وتكون ساعات العمل للمدارس الصباحية 7 ساعات.

@almalqam قد سمعته بمسلسل بدوي من زمان بس ماقالو الفارس

دلالة شرب القهوة في الفناجين : الفجنان الاول (الهيف): يشربه راعي البيت قبل الضيف علشان يطمنه ان القهوة موب مسمومة مثلا الفنجان الثاني (الضيف ) : يشربه الضيف بالقوة الا في حال كان بينه وبين راعي البيت عداوة او له طلب صعب زي المسلسلات يقول لله ماشربه لين تنطيني طلبي الفنجان الثالث (الكيف): الضيف موب مجبر على شربه ويعتبر اقل الفناجين قوة عند العرب الفنجان الرابع (السيف ) : اقوى الفناجين عند العرب واذا شربه الضيف معناته خلاااااص انا معك ياراعي البيت في السراء والضراء واللي بيلمس شعره من راسك بلعن ابو سنسفيله الفنجان الخامس (الفارس ) : هذا عاد سالفة شيخ القبيلة يجمع الشباب حولة ويرفع هالفنجان الخامس ويقول ثارنا عند فلان بن فلان من يقتص لنا منه ؟ ويقفز من بينهم فارس يقول انا ياشيخ انا ياشيخ ويشرب هالفنجان الخامس ويروح يذبح خصمهم . . لعلك عزيزي الزميل الالكتروني تعتقد انني جبت هالكلام من نخاعي ! ابدا هالكلام نقلته من موقع وزارة الثقافة (الدليل التعريفي الصادر بمناسبة عام القهوة2022م) وهو دليل في غاية الجمال واللطافة وبالطبع لن اضع له رابط لأنني موب خدام عندكم روحوا دوروه بنفوسكم

@Rufaidah_ أعطيني غرفة صف بتجهيزات معقوله واجلس لين العصر

@Ask__Education كلنا مرينا بنفس الشعور والضغوط وغربة مع أطفال مئات الكيلوات لسنوات، لكن كُلّ مُرّ سيَمر خففي ضغوط على نفسك واستعيني بأحد يساعد سواء قروبات المنهج بالتليقرام أو مكتبات ومب شرط تقدمين كل مايطلب منك المهم منهجك وطالباتك

🇸🇦 مـﻧـــ الخاصــ 📩

@farwse @Ask__Education خذ استثنائي سنه وجرب حظك شف الحياة بدون راتب والبحث عن وظيفه كيف

@Adleov @Eyaaaad تعلّم لا ينقطع قلبه الطفل

@Eyaaaad ولدي الله يحفظه غالباً تجيه غصه مفاجأة وقت الأكل مدري وش مشكلته المهم صار يخاف من اسعافاتي أكثر من الغصه لأنه يجيه هبد مو طبيعي ابقسه من كل مكان بطنه وظهره وراسه ماتطلع اللقمة الا وهو مورم من الهبد اللي جاه

شاب سعودي تمكن من إنقاذ طفل غص بقطعة بلاستيك كانت في فمه وكاد أن يموت بعدما أغمي عليه لكن لطف الله ثم تدخل الشاب الذي استخدم (مناورة هيمليك) في الضغط على البطن عدة مرات حتى خرجت القطعة واستطاع التنفس والوقوف من جديد ولله الحمد. الحادثة وقعت في "أبها" والمقطع أرسله لي أحد أقرباء الشاب الذي يوصيكم بتعلم الإسعافات الأولية.

@Abdullhaljedani للعلم ٣٠ دقيقه بعد ساعات العمل النظامي.. بعدها تبلغ الشرطه ، مب مطلعينهم ١١ ومدارس ١٢ ومدري كم ويجلسون أولياء الأمور ساعتين او اكثر بالشوارع بين المدارس

نظامياً .. مدة مناوبة المعلم في نهاية الدوام لا تتجاوز ٣٠ دقيقة . ولكن لو انتهت هذه المده وما زال هناك طلاب خاصة في المرحلة الإبتدائية هل تتركهم أم ماذا؟ شاركونا الرأي ،،

@ahmedaldk1 اول مره اسمع عنه، نجرب وندعم

@mesfer2773 يخربون على أنفسهم.. برنامج حضوري للإدارات كان يفتح للموظف داخل نطاق اي مجمع اداري ، نفس الشي للمدارس بيفتح لك اذا كنت داخل نطاق ١٠٠ متر لأي مدرسة .. مايدري عنك انت تبع المدرسة هذي او لا لكن تحضيرك صحيح ولايظهر لهم الموقع

من الخاص : بجوار مدرستي .. مدرسة بنات في نفس النطاق دخلت حضوري بدون انتبه إن المدرسة مدرسة بنات وحضرت نفسي معهم 🤦🏻‍♂️... معلم آخر يقول يقول حضرت نفسي في مدرسة غير مدرستي !!🤦🏻‍♂️ هل هذا من الممكن أن يحدث ؟! من لديه معلومة نستفيد منها 🌹

@satoshicup101 @Alajelab السكته الدماغيه مب شرط وفاة دماغية .. تصير غالبا اثناء العمليات او زي الجلطات ويتم اسعاف المريض لكنه تؤثر عليه عقليا وجسديا

@Alajelab ليش ما كتبو او توفيت قبل كذا😂😂🥶🥶

- في حال الوفاة وانت عندك مرض ما صرحت به ما يسقط التمويل العقاري و يبقى دين على الورثة .. تراهم يراجعون ملفك الصحي بعد الوفاة .. او عند عجز الورثة بالسداد يدخل العقار بالمزاد العلني ،، الله يرحمه . - يمديك تضيف او تصرح بالمرض بعد و قبل منحك التمويل العقاري وما زلت على قيد الحياة لكي يغطي التأمين .