HP wa zamani

Vyama vya CHADEMA na ACT Wazalendo ambavyo ni Vyama vikuu vya upinzani nchini vimekosolewa kufuatia matamko yao waliyotoa muda mfupi baada ya 'Tume Huru ya Kuchunguza Matukio ya Uvunjifu wa Amani yaliyotokea Nchini Oktoba 29.2025 (Siku ya Uchaguzi Mkuu) na siku zilizofuata' kukabidhi ripoti yake kwa Rais wa Jamhuri ya Muungano wa Tanzania Dkt. Samia Suluhu Hassan, ripoti ambayo imepingwa vikali na vyama hivyo Mchambuzi wa masuala ya siasa na jamii Ally Makame ni miongoni wa wadau waliojitokeza kukosoa matamko ya CHADEMA na ACT Wazalendo akihoji vikao vya vyama hivyo vilivyokaa muda mfupi baada ya Tume kuwasilisha ripoti yake, na hivyo kwenda mbali zaidi kwa kudai kwamba kile kilichoelezwa kwenye matamko hayo si misimamo halisi ya vyama bali ni utashi wa watu wachache ambao amedai kuwa wamekuwa wakitumia majukwaa ya vyama vya siasa kwa maslahi yao binafsi jambo ambalo halikubaliki "Hawa waliotoa taarifa kwamba hawakubaliani na Tume naweza kusema kuwa si vyama vya siasa Tanzania bali ni vyama vya uadui Tanzania, kwa sababu Mtanzania yeyote anayeipenda Tanzania na ikiwa unakwenda kwenye utaratibu unaotakiwa, vyama hivi vingeenda kukaa vikao vyao vya kisheria na Kikatiba halafu wakatoa tamko likajulikana kwamba hili ni tamko rasmi la chama" -Makame Makame ameeleza hayo alipokuwa akizungumza na Royal TV leo, Ijumaa Aprili 24.2026 ambapo amesema kutolewa kwa matamko ya vyama hivyo muda mfupi baada ya ripoti ya Tume kutolewa kunaonesha kuwa huenda haviendeshwi kwenye misingi ya kisheria na Kikatiba.