The Plis Chronicler

Disa tam-tamxhinj me emër që kujtuan se u bë deti kos për lugët e tyre të ndryshkura, u thonë flamingove se rezoluta e djeshme e Parlamentit Europian na qenkej fitorja e tyre e parë! Në fakt e vërteta është se flamingot fitoren e kanë pasur në xhep pa nisur protesta, pavarësisht se nuk duan ta shohin pasi po shijojnë sfilatën e bukur në bulevard mes sorrave, korbave e llapaqorrave, sepse sa të jemi unë dhe Partia Socialiste mbrojtja e mjedisit dhe zhvillimi në harmoni me natyrën në zonat me ndjeshmëri të veçantë, është prioritet i padiskuteshëm🦩❤️ Sa për “fitoren” e parë janë të keqinformuar nga sorrat dhe korbat, sepse amendamenti i “fitores” u rrëzua, ndërsa amendamenti i miratuar nuk ka asnjë lidhje me Zvërnecin, pra me pejsazhin e mbrojtur Pishë Poro - Nartë, po shprehimisht me zonën e mbrojtur Nartë - Vjosë ku qeveria ndan absolutisht të njëjtin qëndrim me europarlamentarët. Dhe kjo nuk është lojë fjalësh me emra vendesh, po është e vërteta e fakteve që burojnë nga dokumentacioni teknik zyrtar, jo nga kanalet sociale🤷🏻‍♂️ Ndërsa lidhur me rishikimin e ndryshimeve në ligjin për zonat e mbrojtura, europarlamentarët do të informohen se ai është pjesë e agjendës së negociatave dhe si i tillë do të jetë fillimisht në një proces analitik me Komisionin, ku do të identifikojmë çdo pikë që nuk përputhet me kriteret e standartet e BE-së🇦🇱🤝🇪🇺 Thënë sa më lart, rishikimi i konceptit “fitore” do të ndihmonte sidomos VIP-at e rënë nga vaktet politike dhe ata të fryrët me botokse llajkesh e follouersash, që pas përshirjesh me epsh në nxitjen e histerisë digjitale, të gatiteshin për një zgjim pa dhimbje të papërballueshme zhgënjimi nga fundi i revolucionit imagjinar🤗

Shqipëria është një vend i ligjit. Ashtu si Italia dhe Greqia pas krizës së thellë ekonomike, që zgjodhën ekonomistë dhe profesionistë për qeveritë e tyre tranzitore, a duhet të bëjë të njëjtën gjë edhe Shqipëria? A duhet të zgjedhim një njeri të ligjit si Kryeministër të Qeverisë Tranzitore? Një CV e shkurtër për Altin Dumanin: Si kreu i SPAK-ut, në vetëm 3 vite goditi nivelet më të larta të korrupsionit. • Ka çuar në paraburgim Ilir Metën (kreu i PL), Sali Berishën (kreu i PD) dhe Erjon Veliajn (numri 2 i PS dhe kryebashkiak i Tiranës). • Ka kërkuar paraburgim për zëvendëskryeministren Belinda Ballukun. Sot ai është Komisioner Publik për vetingun e gjyqësorit. A mundet Altin Dumani të jetë kandidati që do të kryejë vetingun politik dhe do t’i japë SPAK-ut mbështetjen e plotë qeveritare nga policia, SHISH-i dhe koordinimin me institucionet e BE-së? Qeveria Tranzitore me mandat të papërcaktuar ka vetëm dy detyra: Filtrimi ose vetingu i të gjithë politikanëve dhe vënia e tyre para drejtësisë. Përgatitja e vendit për zgjedhje të parakohshme.