بعثرة (حسابي الجديد)

اللهمَّ ارزق والدي الجنَّة بدون حسابٍ ولا عقابٍ واعفُ عنه واغفر له الذُّنوب جميعها.

@Askmuhami راعي الحادث تواصل معي لاهنت وابشر بالحل

من الخاص📩 السلام عليكم في واحد صدم سيارتي و هي واقفة و هرب ما بلغ المرور ولا نجم و بعدها طلع رقمي من لوحة السيارة و كلمني واتساب و صورلي الضرر في سيارتي و ظاهرة لوحتي يبيني اسامحه بدون ما يصلح السيارة ( كلمني لانه شاف سيارتي فيها داش كام بس كانت طافية ). رفضت اتنازل و قال ارسل تقرير تقدير و بعوضك رسلتله التقدير رفض يعوضني يقول انت قليل حيا و انا طلبتك تسامحني و انت رفضت و ما بحولك ولا ريال و دقيت على المرور و جات الدورية سجلت الحادث و راجعت المرور و قالو ارفع في المحكمة قلتلهم طيب برفع بس احتاج رقم هويته عشان صحيفة الدعوى قالو ما نقدر نعطيك مع انه فيه دليل رقمي (محادثة الواتساب) معترف بالحادث و يقول بعوضك و طبعت محادثات الواتساب و اتصل عليه العسكري استدعاء و رفض يحضر القسم. الان ما اعرف وش اسوي لا اقدر ارفع عليه في المحكمة ولا اقدر اكمل اجراءات المرور عشان ما عندي رقم لوحته، و هل لو رفعت قضية عليه بتكون فيه تكاليف قضائية؟ و كيف اقدر اخذ رقم هويته بشكل رسمي عشان اكمل اجراءات القضية. والله انه قهرني الله يقهره في نفسه و يصرف اضعاف المبلغ في صحته و عافيته.

@Askmuhami لا أقول إلا حسبي الله ونعم الوكيل .الناس تتمنى انها تكون عندهم بينهم ويخدمونها بعيونهم وانتو زعلانين انها ما تكون بالدور بينكم . ياناس اتقو الله والله انه دين وراح يرجع عليكم

من الخاص📩 السلام عليكم جدتي عجوز كبيرة في الثمانين ماعاد حتى تمشي لكن بعقلها وصحتها مشكلتها عندها ولدين فقط وبنت اللي هي امي الولدين تاركينها في بيت في قريتنا اللي الكل طلع منها وامي اقرب شخص لها في السكن نبعد عن القرية ستين كيلو رامينها على امي مع خادمة في منزلها ويطلبون امي تهتم فيها لحالها امي ماهي قادرة تهتم فيها كاامرأة وقصرت في منزلها وهذا ازعج والدي ايضاً وتحتاج احد قايم عليها ومعها طول الوقت تطالبهم امي بتداولها في بيوتهم معها لان الخادمة لا تكفي ويلزم تكون بجانب ناس على طول لكن رافضين ياخذونها ولا تدخل بيوتهم ويقولون الام مع بنتها فقط قررت امي تاخذها بيتنا لانها صعب عليها الذهاب كل مره رغم انزعاج الوالد لانه يشوف ان اولادها اولى في رعايتها والام لاتخرج من منزل اولادها خاصة انه اهتم بوالدته في منزله حتى توفيت بالتداول مع اخوانه.. والسكن و حتى المصرف مايصرفون عليها اكثر الوقت ولا يسألون ورامينها ويتحججون باعذار واهية من سنين حتى ماياخذونها لمنازلهم وفي كل مره الوالد يتخاصم معهم وياخذونها من منزلنا ويرجعون يرمونها في بيت حتى جيران مافيه و قرية مايسكنها احد ويطالبون امي تهتم فيها لحالها وتترك منزلها وتبقى معها واحد من اولادها حول سنتين واكثر مارفع سماعةيكلمها والثاني صاحب مشاكل ولسانه سيء مع امي وضاقت ذرعاً منهم ومن الضغط عليها مالحل في رأيكم وهل كلامهم صحيح ان الام مع ابنتها فقط وغير ملزومين باخذها ( طبعا الاولاد يسكنون نفس المدينة ومقتدرين جداً)

@Askmuhami انت تقول كتب البيت بأسم ولده من زوجته يعني البيت الان في الصك بأسم اخوك من أبوك هذا معد لكم شي فيه اما الوصيه فهي تبطل لان لا وصيه لوارث وتصبح غير نافذه أما إذا قصدك انه كتب في الوصيه البيت باسم ولده هذا يبطل شأنه شأن الوصيه

من الخاص📩 السلام عليكم ابوي عنده ثلاث زوجات وكتب وصية ان الارث ماياخذونها امي وعيالها وكتب البيت الي حنا عايشين فيه بإسم ولده من زوجته الثالثة عمره ٣ سنوات كيف ناخذ حقنا منه وهل المحكمة تنظر للوصية ؟

@FdFdHME للأسف والله مدري وش اقول لكن الأمور هذي ماهي مستقره وغير آمنه لذالك انا اعتبرها مجرد إقناع وكلام فاضي الدنّه الان اغلبها عماله وطلعو السعوديين من السوق والعمال حسب ما فهمت انه ياخذ منهم شهريا مقابل كفالتهم وكل هذي على بعضها ما تدخل ٣٠٠٠ الاف ونسبه الخطوره عاليه استخيري قبل كل شي

#فضفضه جاني خطيب مو متوظف بس قال يشتغل على نفسه يعني عنده عمال تبع المحلات وسياره دنه اللي تنقل العفش وابوه يقول يدخل فلوس بس تكفون قولو الصدق اللي عنده عمال وسياره دنّه يطلع دخل كافي يعني خايفه لان مو دخل ثابت والدنيا غاليه.

@yalolo38 لسان حالك تقولين مو ناقصتك توقعي ان بكره احلى من اليوم باذن الله 🌹

عاد تدرون اني دليل حيّ على فشل نظام الطيبات اكره البيض و لا اطيقه..الدجاج ممكن مره بالاسبوعين و الله مااتذكر متى اخر مره اكلت دجاج، منتجات الألبان مااشربها و لا الاجبان لاني مقاطعة الخبز يعور لي بطني النتيجة: منفوخة زي البالونة و مفاصلي تعبانة و اعرج و ضروسي تتكسر وحدها #سوالف

@yalolo38 آخر حل دقي على الشرطة بلاغ على نفسك 🤣

يمكن لو دخنت تضبط اموري #بس_أقول

@Askmuhami من ابسط حقوقك ولا فيها اي شي بالعكس هذا يدل على حرصك لابنتك واذا كان الرجل صادق ولا يوجد ما يخشى كشفه لك فسوف يقوم بإطلاعك على ما يخص موضوع الطلاق واذا ظهر لك خشيته ومحاولة ثنيك عن رغبتك أنصحك بعدم إتمام الزواج

من الخاص📩 السلام عليكم ابنتي متقدملها شخص مطلق وعنده بنت بحضانة الام ايش نصايحكم وهل عادي اطلب بأدب وذوق ان يطلعني على قضية الطلاق لمعرفة سبب الطلاق

@Askmuhami ترا ماهو لازم نفس الموقع يكون فيه كميرات مراقبه لا احيانا امتداد الشارع نفسه لان عندك الوقت ونوع السياره وهذا كافي لكن غلطت بعدها انك ما بلغت في نفس اللحظه ونصيحه لك ببلاش ركب داش كام لو تتسلف فلوسها خصوصا في المدن الكبيرة

من الخاص📩 السلام عليكم تعرضت لحادث من شخص عاكس الطريق طلع بوجهي وقفت بس مانزلت بستوعب الي صار هو وقف شوي ولانزل ثواني بعدين مشى مافي بالطريق كميرات ولامعي. داش كام قهرني الله لايوفقه ومشيت من المكان

@Askmuhami اول شي اسال الله ان يعينك ويصبرك ويكتب أجرك ثاني شي ليتك اثبتي باي طريقه ضربه لك تصوير اثر ضرب بتقرير طبي اي شي الي أملك لك هو الدعاء فقط لعل الله ان يبدل الحال الى احسن وحاولي تتوظفين يمكن تتصرفين بقدر اكبر وتقدرين حتى تسكنين باستقلال عن مجتمعك الوظيفه لمثل حالتك أمان

من الخاص📩 السلام عليكم تكفون بدون تجريح والله اني ضايعه وابي تدلوني انا ولدت ببيئه مدري شلون اشرح بس اخواني اللي معنا بالبيت متعاطين ويقعد يسولف فوق مخي ويهذره وانا ادري مو منه من اللي ياخذه وصرت اكرهم بصراحه مع انهم اخواني وقطعه مني بس يجيني نفور بالقعده معهم كبار وبدون وظايف وعاله علينا امي كبيره بالسن وماتقصر معنا هي الوحيده اللي مصبرتني على الدنيا وخواتي المهم انخطبت وتزوجت من شخص يعاملني اعوذ بالله راعي بنات وعلاقات بس م يتعاطى ويمد يده ويبيني اخذم اهله٢٤ ساعه وانزل لهم كل يوم صارت مشاكلنا كلها روحي لاختي روحي لامي جيبي لجدتي وسو مع اني م اقصر معهم والله بس الواحد يشتاق للخصوصيه شوي ومافيه خصوصيه ببيتي وطول وقته ي بالبحرين ي بكوفيهات م اتذكره قعد بلبيت يلبس وياكل ويطلع وانا زي الخدامه ولا بان بعينه لين طفح الكيل واخر مره مد يده ويرسل لي حسابات وهميه عيال عشان يحطني بالفخ ويطالب بالمهر بس انا مب راعية ذا الحركات وابلكهم وكشفته ورحت لاهلي لي شهرين الان وهو معلقني لايبي يطلق ولا يبي يرجعني رجعت لنفس البيئه اقابل اخواني المتعاطين طول الوقت اكره نفسي بسببهم والله اتمنى الموت لولا خوفي من الله ثم امي الله يطول بعمرها ماعندي اطفال بس قعدت معه سنه وتزوجت بعمر صغير اصلا دلوني تكفون

@Askmuhami اول كنت احسب ان السؤال كم راتبك عند الخطوبه عشان توفر لها حياة كريمه الحين عرفت ليه هذا السؤال 😂🤣

من الخاص📩 السلام عليكم ابي اعرف كم مقدار النفقة لابن واحد الان الاب يعطي نفقه للولد ١٠٠٠ شهريا ولكن ما تكفي وانا الحاضنة وودي ارفع دعوى نفقه للزيادة بس اخاف يحسبها القاضي وتطلع اقل من ١٠٠٠ ، هل احد عنده خلفية كيف يحسبونها ، ويعطيكم العافية.

@Askmuhami للأسف من الأخير ان كانك صادق في ما قلت والله أبوها مهوب رجال ان كانك صادق فيما قلت

من الخاص📩 السلام عليكم انا رجل تزوجت من شهرين وبعد اسبوعين من الزواج زوجتي راحت لاهلها وابوها قال البنت فيها حسد وبعالجها اجا واخذها من البيت وحاولت خلال شهر اخفي الموضع عن اهلي ولكن كان هناك مماطله من البنت وابوها وبعدها قال بنتي ما تبغاك وهيا قالت انا تزوجتك مجبوره وانا خسرت مهر وذهب وهدايا وجوال وقاعه ومطربه وعشا وجميع تكاليف الزواج والان البنت وابوها ما يردون علي مالحل ؟

@Askmuhami هاه ابلش 🤣 وهي حامل تبدا النفقه وان جابت توم طيب 🤣النفقة دبل حاول تصلح الأمور وهدايا وكلام طيب والأمور التافهه الي انت تقولها الله اعلم انها مهيب تافهه لكن انت تقول كذا تسهلها على نفسك تبي شوري ؟باقي في الأمر عقد زواج يمكن اصلاحه حاول واجتهد ولا تستعجل إلى ان تصل إلى باب مغلق

من الخاص📩 السلام عليكم زوجتي حامل وخرجت لبيت أهلها بسبب أمور تافهة ورافضه ترجع وعرفت انها سافرت خارج المملكه كيف الطريقة الصحيحه للتصرف ولإثبات النشوز مع العلم ان أهلها غير متعاونين

@s9_l6 ماشاءالله عليه الله يخلف على ركبنا هذا مكينة خياطة

سرعة قياسية عالمية ٢٨٨ قفزة في ١٠ ثوانٍ

@AsoooolA1414 @kkiix4 @Askmuhami المجموع ٣٠٠٠ صحيح ؟ قسط العقاري من ٤٥٪الى ٦٥ ٪ استقطاع البنك ناخذ النص يبقى ١٥٠٠ مع الدعم ٢٥٠٠ .سياره ملابس بنزين فواتير كهرب ماء جوال مصاريف اكل كم ؟ اقل شي ١٥٠٠ الباقي ١٠٠٠يعني راح يحكم بالكثير ٤٠٠ هو يدفع ٧٠٠هذا شرح بسيط عشان توضح لك الصوره لو تزوج وجا له ولد تنقسم النفقه بعد

@rc9_ba @kkiix4 @Askmuhami الدعم السكني يعني انه اشترى مسكن عن طريق الصندوق العقاري ماله اي علاقه بالقدرة الماليه هذي نقطه والنقطه الثانيه تقول هذاك تزوج يعني عنده مال وهذا ايش وضعه مو هو كمان تزوج والا هو متزوج على الصدقات ؟؟ عنده فلوس يتزوج بس ماعنده ينفق على اولاده كيف تحكمون انتم

من الخاص📩 السلام عليكم انا مطلق زوجتي وادفع لهم شهرياً 700 ريال وكنت ادفع سواق 400 وبعدين ضاقت علي متزوج وعندي طفلين وقلت لها تسجل العيال بباص المدارس وادفع 400 سنويا او كل ترم ورفضت مصره ع السواق الخاص ورفضت انا واستمريت ادفع 700 شهريا والحين رافعه علي قضيه تبي 2000 شهريا نفقه وسكن وانا كل راتبي 3000 والدعم السكني 1200 هل يحق لها تاخذ نصف الراتب ؟

@Askmuhami كلب والصدام الأمامي والخلفي كلها رايحه 🤣

@Askmuhami اعوذ بالله كل هذي طلباتها !! باقي إتعاب المحامي إذا انتهت الجلسه وقدرها (٥٠٠٠) ريال ترا المحكمه تحكم بالعدل وليس ما يطلبه المطلقون بالكثير ٥٠٠ ريال شهريا وبس هذا تقريبا الحكم

من الخاص📩 السلام عليكم طليقتي رفعت دعوى نفقة مستقبلية، ولديّ منها طفل واحد.. ووضعي المادي غير جيد أبداً وليس لدي وظيفة. وتطلب التالي: نفقة المأكل والمشرب وقدرها (١,٥٠٠.٠٠) ألف وخمس مئة ريال سعودي، ونفقة المواصلات وقدرها (٥٠٠.٠٠) خمس مئة ريال سعودي، ونفقة عيد الفطر وقدرها (٢,٠٠٠.٠٠) ألفان ريال سعودي، ونفقة عيد الأضحى وقدرها (٢,٠٠٠.٠٠) ألفان ريال سعودي، ونفقة الملبس وقدرها (١,٠٠٠.٠٠) ألف ريال سعودي، وكسوة الصيف وقدرها (١,٠٠٠.٠٠) ألف ريال سعودي، وكسوة الشتاء وقدرها (١,٠٠٠.٠٠) ألف ريال سعودي، ونفقة فواتير الماء وقدرها (٥٠٠.٠٠) خمس مئة ريال سعودي، ونفقة فواتير الكهرباء وقدرها (٥٠٠.٠٠) خمس مئة ريال سعودي، ونفقة علاج وقدرها (١,٠٠٠.٠٠) ألف ريال سعودي. هل هذا معقول؟ لدي الأسبوع القادم جلسة لدى قسم الخبراء، أفيدوني بارك الله فيكم.. ماذا أقول؟ وماذا أكتب في مذكرة الدفاع الأولى.

@Askmuhami امهم تسوي تهويشه لك بس الولد بي باي البنت تلزمك وتزوج وعش حياتك

من الخاص📩 السلام عليكم سؤالي عندي بنت ولد اعمارهم فوق ١٨ سنه ومطلق امهم وكنت انفق عليهم سابقا الان بعد بلوغهم فوق١٨ سنه هل انا ملزم بنفقه شرعا ونظاما لن امهم تقول راح يرفعون دعوى ضدي بخصوص النفقه وانا ظروفي الماديه صعبه ،

@Askmuhami فرصتك وجتك من السماء 🤣🤣شكوى وتفرجي من بعيد

من الخاص📩 السلام عليكم اخت زوجي بعد طلاقي منه مرسلتلي سب وشتم وش الحل معها ؟

@hhyrroo @n100m200 @Askmuhami جانبي مشتري (كلام البايع)يقول جاني مشتري وبعدها ٨ شهور عشان يتحول الصك (كلام البايع) وبعدها خلص وجلس اسبوعين يماطل (كلام البايع) يقول لو بعتها لغيره (كلام البايع) بعدين هو عارف انه(ورقي))) وعارف انه باخذ مده لتحويله والثمان شهور النظام اخذها والبايع ماله دخل في التأخير ياذكي!!

@rc9_ba @n100m200 @Askmuhami ياولد انت غبي ولا ايش؟ اللي ينتظر له ٨ شهور الشاري ماهو البايع البايع اخذ ٨ شهور عشان يحوله الى الكتروني وبعد ال٨ شهور صارله اسبوعين ينتظر الشاري يحول المبلغ كامل وينقل الارض له

من الخاص📩 السلام عليكم جاني مشتري لارض امتلكها وطلب شرائها واتفقنا علي السعر 3,600,000 ﷼ بس الصك ورقي دفع عربون 300,000 علي انه بعد ماتخلص الاوراق وتحويل الصك الي اكتروني نتمم البيعه وتم كتابه ورقة علي هذا وآخذ الوقت ٨ شهور للانتهاء من الورق وتحويل الصك الي اكتروني والحين لي اسبوعين وهو يماطل مره بجمع المبلغ ومره اعمل لي خصم وانا رفضت مع انه في الورقة كاتبين تفاصيل مبلغ العربون وباقي المبلغ وش الحل واذا بعتها لاحد غيره هل ارجع العربون له وش العمل معاه

@n100m200 @Askmuhami ٨ شهور والرجال يبي فلوسه ولا استلمها ولو نزل العقار نزول قولي جا المشتري وقال العربون لك مالي فيه حاجه على كيفك بعد ؟ هو ما زرفه هو يبيه يدفع المبلغ كامل يعني عادي تتعطل مصالح الرجال ٨ شهور وهو ينتظر !!

@rc9_ba @Askmuhami على كيفك ؟؟؟؟ في أي قاموس هذا تزرف عربون ٣٠٠ ألف ريال صاحي انت ... تراه عربون والرجال متأخر ثمانية شهور صاحب الأرض وفوقها ياكل فلوس العربون ماعاد فيه خوف من الله ولا وش سالفتكم