‏مقام

امنيتيّ الدائمه : " جعل سيرتنا ليا ذعذعت منها هبوب من رياحين الثّنا .. والقبول مطيّبه "♥️.

أجنّب اللي تبي نفسي ولو هو ثمين ياما من المغريات اللي تركته وراي أخاوي الصبر . . وإن الله مع الصابرين لين أصبح الصبر أخو والصابرين أخوياي

صاير من احداث الايام هادي روع قبل احمل طاقتي فوق مااطيقه كل ماجيت اطرح الراي في موضوع أذكر ان الله كفيل بمخاليقه من تصيبه لحظة إدراك من ذا لنوع مستحيل يكمل آخر طواريقه اتمانع عن طريق ماهوب ممنوع واختلي لي خلوة ماهي ضيقه مثل من هدته هدّه وفوّعه فوع حر لكن قاضباته . . مسابيقه

يالله سخر لي من المومنين الصالحين مومنٍ يدعي لـنفسه . . ويدعي لي معه

عـايف ٍ لذات بقعاء كلها من داني زاهدٍ ماعاد لي فوق البسيطه طمعه غير دعوة مستجابه من دعاء شيباني بين زمزم والحطيم آخر نهار الجمعه

لي أنافة نفس طالتّ مراويح السحاب ماتمخطرّ في الفـيافي وتسهج كل بيد

أنا في جاه الليّ تحت ظلّه الناس وأنا لوجهه رافع الكـف " قـانع " كم واليٍ عرشه مرصع بالالماس سجد له وراسه من الذل خانع الرزق لو دونه تجي الناس حرّاس اليا منعوه الناس مالله بـمانع

الطموح الأولي مايعرف استسلامي لا أزال اخطي خطاي وهامتي مرفوعه تشهد دروب المشقّة سعيي ودرهامي كلّ خـطوة سيّرتني للحلم مدفوعه كلّما اكبر سنَه تكبر معاي احلامي حالها حال الفجر ما قد حجبت طلوعه

جعل حـظي مع حظوظ المطاليق الدهّاه مثل حـظ الليّ ركابه على المصمك سرتّ

الليالي بأخر الوقت تاليها دبور مايونسنا ياكود السحاب وماطره جعل هماله يودن على موتى القبور لين زملوق النواوير يظهر قاطره ويتمثنى قبر عودن به الطيب مخبور شايبن لضاق صدري تضايق خاطره مابقالي من وصاله سوا سكة عبور يوم اروّح يم ذوده واقبّل فاطره .

الله درا عن رفـيقي وينه مغيّب جعل الجفا مايطوّل بيني .. وبينه علمي به .. اللي يجري كل متهيّب و يبدّي الهقوه الزينه على الشينه ياليت صدري وسيع .. و سده قريّب عـشان ماشره عليه ولا أنشده وينه هو طـيّب و سمعته زينه وأنا طـيّب ما أرضى على الطيّب اللي سمعته زينه

حنا خلقنا في كبد وتمرنا شتى الظروف وقلـوبنا تعشق وتردعـها العقول الديّنه جعل التعب والجهد فالدنيا مقدر ومخلوف والـرزق والتـوفيق في كل الأمـور نعيّنه يا الادمي لاصرت عايش بين أمان وبين خوف لا أرضيت ربك .. والله إن باق الأمـور هوينّه

جعل ذعذاع الهبايب لاذعذع واستدار يستدير بـمقفيات المخايل و القنوف تجتمع مثل المواليف عقب الانتظار وتنثني مثل المطاليق في وجيه الظروف كن دجاها لاتناثر على وجه النهار الجديل اللي يتناثر على لبة هنوف تاخذ أسبوعين نفس الغزاره والمسار المطر مثل المطر والوبل كبر الكفوف

بعت عمري تحت دعوى وحيّا عالفلاح في رجا اللي مدته ماهي بـ مدة شحيح جعل دمعي لا تضايقت من حاجه وطاح ما يطيح الا على شي يستاهل .. يطيح امتوسده كفي كني متوسده لي .. رماح وحالفه إني ما تكلم لو إن قلبي جريح يكتب الليل الطواري ويمحيه الصباح آه يا وجه الحياوي ، ويا لسان الصريح

يازيـن ياليت لـ اللـيال انـفراجّه ونرجع لوقتٍ خاطري منه ماطاب جـور الزمان ومـيلتهّ وانعواجـه خلتنيّ اتـرك حاجتي دون طـلاب وصلف الهبايب والهواء والعجاجه صارت مع القسمه مراويح واسباب كانك تـرقّب من حـبيبك مواجه عـز الله انك قـاضي العـمر رقّاب

عن مناكيف الهموم و مراويح الصبر كل يوم اودّع الهم و اجلس و احتريه اثرّ لي نفسٍ جموحه ولي صدرٍ ضجر وجد حالي وجد من صكت الدنيا عليه اتوزع بين الافكار و يجـفّ الحبر صرت مثل المال لامن تولاه السفيه لا عرفت ارضى بواقع ولا ازعل من قدر مشكله لا صدت النفس عن ما تشتهيه

أصدق من سراب الما وعمق الغبه وألطف من الغربي اللي كل صبح يهبّك كان ساورتك ظنون العالم المشتبه تبت ايد اللي على بعض الظنون يتبّك

عليه المشاعر مضميه والعيون جياع مع انه يشبر روضة الصدر رايح جاي له الفضل في كل القصايد وفي الابداع اقوله وانا مانيب جاحد ولا نساي لو انه سحابة وامطرت فوق مجدب قاع رعوا عشبها البدوان لين الزمان الجاي

حسّ الفكاهه والشغف والتونّاس جميعهم ما عنهم الطير خـبّر احـيان يكسرني من النود نسناس واحيان لا هملت كسري .. تجبّر ما احدٍ لمح في عيني الضعف والياس على كـثر ما اقبل زماني .. و دبّر ان زانت اوضاعي تواضعت لـ الناس و ان شانت اوضاعي .. بديت اتكبر

لك الله يالمزاج الصلف . . و زادك خاطرٍ حساس تضيق من الهـبوب اللي تحرّك طـارف ثيابك! وتفـرح كل ما ربي يسـوق من المطر نسناس وتهدأ كل ما قامت صـلاة و تبرد أعصـابك رغم خوفك من الوحده تعاف المجتمع والناس! وضاقوا كل من حولك من أصحابك وأقرابك