alamri

الذكي يجلد ظروفه ليش يجلد ذاته والحياة تحارب المتهاون المتطفل واجه الوقت المخيف وصك في صكاته لين تطلع منه سالم بالسلام مكفل والكلام اللي مثل ضرب المخازن هاته الرصاص الحي يا أما صاب ولآ جفل لآ تصير اللي مع العالم على نياته بعد صار اللي على النيات شبه مغفل

V

لا تحرّك احساسك ولا تبدي علوم جيتك جفاف ومرّ ريقك أماني حسّ ببرودي لعنبو قلبٍ محروم يوم إنّه بـ يدّك هدمت المباني الحين غِب واللّيل ما يلحقه لوم نسيتك وجيت أثبت إنّي نساني

ترا ما جيت أعاتب ولا جيت ألوم ولا جيت أدوّر في عيونك مكاني أنا جيت أوصّل لك رسالة بيوم بأنّك غديت بذاكرتي شخص ثاني تمرّ بخيالي كأنّك طيوف نوم أفزّ منها وأحمد الله جفاني عطيتك كثير وكنت بالحيل مخدوم واليوم شفني كيف صمتي كفاني

محدٍ شاف شامتها من الله سترها

لعلّ في الصبح ما ترجوهُ من أملٍ

صدفه غريبه والحقيقه ماعلى الدنيا غريب يازينها صدفه بلا سابق وعد يازينها

كل ما مروا في بالي هل المجد العريق الجدود اللي تفك الدخيل الملتجي ابتسم لظروف الايام بالوجه الطليق واتصبّر .. لين ادوّر و اعاين مخرجي ان حيا راسي رقيته على قمة طويق وان توفى مات في عزته ما يرتجي المذله ف الرجال العزيزه ما تليق والمعزه في ردي الروابع ما تجي

لا ينثني عزمك بكلمة ما يصير، دور على اللي ما يصير وعانده

قالوا حبيبك يسمع الشعر قلت إيه يقراه بعيوني قبل تسمعونه لولاه حتى طاري الشعر مابيه مير اكتبه من شان خاطر عيونه هو روح شعري وامنياته وماضيه جذع الشجر وش كان لولا اغصونه اكتب لغيره والقصايد تجي فيه كن القصايد حالفه ماتخونه

وصلت بخيالي عند بابه ولا حسيت وهبت على صدري من الشوق نسماته لي سنين اخليه في عيوني ولا مليت واشوف اتجاهات الحياه اتجاهاته انا لي سنين امر بيته ولا مريت احس الخفوق بشوفته تزيد نبضاته تصد وعيوني تلتفت كل ما صديت من يلوم مهزوم الهوى في تلفاته

يقولون البدو "عزة ضمـا ولا مذلة سحـابه" وتقولك الحقيقة بمعنى آخر "اقطع الطريق عن الأشخاص اللي يتعمّدون إحباطك ، وكف عن محاولة إرضاء من لا يرون قيمتك، وابتعد عن الذين يُسرعون بالحكم عليك، قبل أن يعرفوا صراعاتك الداخلية، وعن اللي مريت فيه ، انت ما تدين لأي أحد شيء ".

كل حلم فاتني بالأمس وصّل له سلامي ما على الفايت حسايف والندم قصة قديمة أدري أن الحلم لا منّي عطيته اهتمامي صار حلم للجميع وصار له معنى وقيمة الخساير في حياتي ما تنزّل من مقامي انخلقت بقلب طير وروح ما ترضى الهزيمة

أيا بدرًا كم سهرت عليك نواظري أيا غصنًا كم ناحت عليك بلابل البدر يكمل كل شهر مرة و هلال وجهك كل يوم كامل

حنا نُريد ويفعل الله ما يُريد جملة تريح النفس في منطوقها لا ترهق أفكارك ولا تسرح بعيد الشمس تفضح ما خفى بشروقها ازرع بوقتك طيب و أنت المستفيد الطيب شجرة ما تموت عروقها

أشوفك نظرةٍ فيها من التطنيش والإدراك تمر أحداثي بسطوة ضمير وتشعب ركابي يجوز إنّك هوى ليلٍ بعده الغصن ماينساك ليا هبت ذعاذيعك حنين أشوفك أحبابي ياضحكك غيمةٍ تسري ديار وينهمر لي ماك وأقول إنّي خضارٍ مدته ضحكتك لترابي

ظلما مشاوير المواصل والشعور الجاف فدى وجهٍ ماغطّى نوره .. إلا شعرك المبتل

الجناب السمّح، والوجه الحياوي و الكلام الذرب، والنفس النقيه والعقل و الدين والكف الرهاوي سبع، تفرض لك حضور و قابليّه