𝕹𝖔𝖔𝖔𝖗 🦋 حساب جديد

متل العادة تسكر حسابي بسبب التبليغ ع الصفحة من بعد هيدا التويت وهيدا حساب جديد دعم يا اصدقاء وممنونة سلف❤️

طلعت اليوم ع ضيعتي المنصوري بجنوب لبنان، وللأسف لقيت بيتنا عالأرض. ما بقي منو شي، لا حجر ولا زاوية ولا حيط واحد. بيت طابقين عمّرو بابا من شقا عمره بالسعودية، كان يجمع كل ريال ليشتري كل حجر زغير ويصير بيت كبير لإلنا شباب وبنات. كنا نجتمع بالضيعة ونشوف البحر ونشوف مدينة صور من التلة اللي بيوقع عليها بيتنا. كل تعب بابا راح هيك، وما بقيلنا شي للأسف. كتير ناس محبين من الضيعة خبروني الأسبوع الماضي إنه بيتنا راح، بس ضليت عايشة على أمل إنه يكون بعد في جزء منه معقول يترمم. لكن اليوم شفته تحول لتراب، وأخد معه ذكريات الطفولة. ما بقى شي يعوضنا عن بيتنا، قصور الدني كلها ما بتعوضني عن حجر واحد راح. بكيتك كتير يا بيتنا يا شقى عمر بابا، والمكان الهادئ لماما اللي كانت معلقة فيه متل ابن من ولادها. وداعًا يا بيتنا الحبيب، رح اشتقتلك ورح ضل بكّيك ورح تضل بقلبي.