طوّل وسجلته على الكشف تاخير
يمكن حداه العارض الي حداني
لكن مواري صدّته هالسنه غير
و الا قبل لو زعل رد ابثواني
معقوله ان الي حصل كان تخدير
يبغى ينسّيني ، و راح ونساني
لكن على ماقيل يالله عسى خير
مالله كتب لمواصله عمر ثاني
- محمد بن مريبد
عوّدت نفسي ما تحسّف على شي
لان العمر ما يتحمل للحسايف
بعيش لحظات الفرح دامني حي
وبزرع الضحكه بجرد الشفايف
ولا ألحق الهقوات شي ماهو لي
ولاعدت اجزع من فراق الولايف
إن غاب غالي فـ الحزن باخذ شوّي
أيام وتروّح علومه طرايف
- حمد السعيد