OT.

في معجم الأحرار تعريف الإنسان كائن يموت إن ماتنفس كرامه :)

والله إني ما أغبط إلا جموع الساجدين لا أستلذوا بالذكر و الشكر والأدعيه اللهم كن بعوني على طاعتك لين ألتقي بك في نهار العدل والتسويه فيك أعلق هقوتي ياملاذ الخايفين لا أنقلب حالي على الحزن عقب التسليه جعلني من ذكرك أروى ياخير الذاكرين مثل ما الحُجاج تروى بيوم الترويه :)

ماني بحاتم ولا عنتر زماني مير مافيه لا بخل ولا رخامه :)

مامشينا على حسب الزمان ومزاجه عندنا للمصاعب قو عزم وجراوه نصدم ظروفنا واللي نواجه نواجه مانحب الهوان ولا نحب الرخاوه من نصانا نبي نعطيه فوق احتياجه كل مازاد حمل الوقت زدنا قساوه عزة نفوسنا تطغى على كل حاجه في هواها نذوق المر زي الحلاوه :)

احدٍ يشيل الحمل من دون ربعه واحدٍ يشيل الربع على بعضها :)

احد يشيل الحمل والحمل كايد واحد ليا من شال شال الاضافه :)

يغيب في ساعة الشدة كثير الكلام ويبين لك طيب وقت الرخا ماهرج :)

اشره على وقتٍ يضد الأكابر شيخ السادات حتى خدمها :)

تغانموا الأوقات والوقت موقوت الوقت مثل الظل والظل مايل ياللي تخطط لك مشاريع وبيوت في طاعة المعبود كيف أنت قايل :)

الحظيظ اللي في الأيام الثمينة ما يطوف لا الفروض ولا النوافل :)

الهي وقفت بباب رحمتك ذل وخوف كبير الرجاء وذنوبي كبار و انت اكبر كرهت الخجل من كثر ما اعصيك وانت تشوف وجيتك وانا المتوجل الاشعث الاغبر :)

هنيّاً لمن يستغفر الله بالاسحار وينفض غبار الصدر ويصحح اعماله طقوس العبادة تنعش المخ والافكار وتعطي الجسم طاقه مثل طاقة الآله :)

يوم البرامك نازعوا حكم هارون حلت عليهم نكبةٍ برمكيه ومن نازع السلطة يبا يروح مغبون ولا تسمى نكبته جخدبيه :)

بين على الوجه من كثر الذنوب الشحوب يارب تعلم بتقصيري ماهو من هوان داخل على رحمتك تغسلني من الذنوب لو سيئاتي تبي غير رمضان رمضان :)

تزودوا فإن خير الزاد ماهوب بالانعام بالتقوى الحرب ضد الكافرين جهاد لكن جهاد نفوسنا أقوى :)

مافيه علمٍ من ورى علمك يفوت ومافيه أمر إلا بيديك زمامه جيتك وذنبي حمل وإيماني القوت في وحشة الدرب القصير وظلامه عمري تحت امرك مقدر وموقوت زدني حلاله واغنني عن حرامه اعوذ بك من كل مرجف وطاغوت قدري لغيرك لاتنزل مقامه اذا بديت انساك ذكرني الموت والنار والجنه ويوم القيامه .

يارب وانت اقرب من السمع والصوت تبصر شعور اللي يخونه كلامه انت المَلك والمُلك لك والملكوت الكون كونك وأنت محكم نظامه علقت فيه الأرض ياذا الجبروت وسخرت للإنسان طيب الإقامه رب البحر والموج والدُر والحوت والريح والبر والشجر والغمامه

@k_tflan مع انّي املك فالمواجة شجاعة ولسانٍ تتعود منه خايب وخايف :)

" فقرة بسيطة " — كملو الشطر وامتعونا مع انّي املك فالمواجة شجاعة ……………………… ……. خايف

غير اللّٰه اللي خالقك لا ترتجي خلك مع اللي كل عين تخايله اليا كتبلك ربك الرزق بيجي وإن ما كتبلك رزق منتب طايله :)

الارزاق عند الله ولاهيب عند الناس توكل على الله واطلب الرزق من عنده وعلى ميلة الايام خلك قوي الباس ترا قيمة الرجال في ماكسب زنده :)

ياكثر ما انعم علي اللّٰه واعطاني له الشكر والثناء والحمد والمنه عطاني العافية والشوف ولساني ولاعاد ابي الا الستر والعفو والجنة :)