.

@e34ijj انتم وين عايشين احسكم مو معنا مستحيل

افضل شي يوم تاخذين حقك ومعاك محامي شاطر 😭

@_i89sun الف الف مبروك مقدماً والله يوفقك 💗💗

@29_bll خريجه خلاص الحمدلله باقي لي فقط تدريب و مشروع

ماشاءالله تبارك الرحمن !

@pink2ss ياخي هالولد متاكده انه عاقل ولا فيه شي بس ما عندي دليل

ليش توي أشوف هالشي ؟ مستحيل والله ياحسون

@_i89sun اي مستوى!

الي يسال عن تخصصي إتصال تسويقي

باقي أيام قليلة وتبدا سنة جديده ومن فترة وأنا أفكر وش الأشياء اللي أبي أحققها فيها عندي أهداف كثيرة وأفكار أكثر وكل يوم أقول ببدأ أرتبها وأكتبها لكن للحين مو عارفه من وين تكون البداية.

قدحنا في الديره

اليوم استوعبت إن حتى الملل والايام العاديه نعمه دام امي بخير ومعي كل شي يهون اذا الشخص اللي تحبه بخير قدام عيونك يارب لا تذوقني خوف في من أحب ولا تختبر صبري فيهم واحفظ لي امي❤️.

أبغفى كأني الطفل الغرير ولا تصحيني .. أبي ارتاح من بعض الشقى ومن لعبة الايام

على كثر الزعل اللي كان بقلبي إلا إن الله جبر خاطري بطريقة تخليني أبتسم.الاختبار طلع مره حلو

صباح الخير
وفي يوم السبت ابتُليت بثلاث:
فانيل، ومشاعر متقلّبة،
ومعركة ما بين قلبي وعقلي

اليوم عرفت ان فيه فرق كبير بين شخص يجيك وقت فراغه وشخص يتفرغ عشانك I no longer care

من ضمن القصائد اللي سمعتها ولا زال لها أثر فيني، مرثية شالح بن هدلان في ذيب وهو حي: “ما ذكر به حي بكى حي يا ذيب واليوم أنا بابكيك لو كنت حيا” وجّعني جدًا وخلاني أفكر: هل ممكن الشي اللي نخاف نفقده يصير فعلًا ! الغريب إن “البكاء على الحي” مو ضعف يمكن هو أعلى درجات الوعي، إنك تحس بالفقد قبل لا يصير، وتشوف المسافة تكبر بهدوء، وتحاول تمسك شي يتفلّت منك بدون صوت ومع هذا كله النهاية كانت أقسى وعاش شالح بن هدلان الفقد فعلًا

مو اميرة ولا صاحبة سمو بس من انولدت وانا احس اني ملكة بس مفلسة شوي يعني مو بس شوي! تقريبًا كثير بس! ملكة ملكة ما فيها كلام

احس طاقتي أنتهت دفنت أشياااء كثير بداخلي وما عاد أقدر أحارب أو أناقش أو أعاتب

بعد تفكير كثير وطويل تاكدت مافي شي أسمه " الكل يتعوض"هذي جمله يقولها إللي ما يعرف يحب ولا يحافظ على وجود أحد في حياته في ناس مستحييل تتعوض وما تتكرر في حياتنا مرتين في صاحب لو خسرته عمرك ما راح تلقى بنفس حنانه وحبه لك وما بترتاح مع غيره وفي توأم روح عرف يطلع كل الحُب والحنية والصبر إللي بداخلك في ناس فعللاا مالها بدييل

وعد كانت اول الداعمين لي كانت جمبي كل ما احس اني بحاجة كتف يسندني كانت هنا في كل الاوقات الاوقات الحلوه والاوقات الصَعبه كانت تهون على قلبييّ الحياه وقسوتها وجودها يُطمن قَلِبييي يستغربون ليش احبههااا وهذا دعمها لي لما كنت متوتره

يارب أنا أدري حناني ياخذني لدروب أجهلها وأعرف هشاشة خاطري كيف تذبحني أناجيك أن لا يقسى علي حناني ولا أحن على أرض يابسة ماترويني

اليوم كنت معزومة وكان اليوم اخف من النسمه عندنا جاره مثل العافيه في البدن تجنن، أول ما شافتني قامت ترحب فيني من بين العرب وتذكر ربي علي وكأنها فرحانه فيني لحالي. تعاملني معاملة استثنائية من بين الضيوف شي يلمس القلب ويخليك تبتسم بدون ما تحس… أنا فعلًا أعشق معاملة خالتي مريم

انقال لي يوم: “الخسران فعلًا اللي ما عرفك” وانقال لي بعد: “وجودك لحاله يطمن كأن الدنيا تهدآ ذا جيتي” وتعودت أسمع: فيك شي يشبه الأمان اللي يخلّي القلب يرتاح بدون سبب واللي يعرفك صعب ينساك ما فيه شعور أحلى من إنك تكون إنسان حضوره راحة وأثره ما يروح

أمس كان ثقيل بطريقة غريبة قلة نوم وتعب. في المستشفى شفت شايب بروحه كل شوي يسأل عن الأذان وينسى ويرجع يسأل كأنه أول مرة. المشهد ما طلع من بالي وخوفني ممكن يجي يوم وأنسى كل شي عشته؟