مبارك منصور البراك

( فَخُذْ مَا آتَيْتُكَ وَكُن مِّنَ الشَّاكِرِينَ )

اعتم من الليل واوضح من مجي الصباح افصح من لسان ابو الطيب بقرطاسي اعذب من العذب واصفى زلالٍ القراح اقوى من الموهبة واصدق من احساسي مقضي ايام عمري من كفاح لكفاح اواسي الناس وانا بحاجه مواسي واجهت من شان ناسي شايلين الرماح ً " اثاري اللي طعني رمحٍ من ناسي "

أهنئكم بـعيد الفطر المُبارك أعاده الله علينا وعليكم بالخير والمسرات كل عام وانتم خير و عيدكم مبارك 💐

﴿رَبِّ اجْعَلْ هَٰذَا الْبَلَدَ آمِنًا﴾ اللهم احفظ بلدنا وأهله، وأدم علينا الأمن والسلام. #الكويت_الان

يوم قربت امسك طموحي بيمناي والارض من كبر الفرح ما وسعتني VS قامت تلاشـت فرحتي من محياي واوهام عمري بالخفا صافحتني !

مبارك عليكم الشهر تقبل الله منّا ومنكم صالح الأعمال وكل عام وأنتم بخير ❤️

فاقد لي ذهيبٍ، غير كل الذهايب اعقلتها المحبة والظروف أطلقتها وساقت الريح بخطاها صِدوق السحايب وأودعتها الحيا وارتاحت وودّعتها اِفقدوها ليا ظميَت عروق الرحايب واذكروها ليا سالت بطون أوديَتها أما أنا ماني بباذل لها إلا السبايب لين ترجع بها الدنيا مثل ما خذتها

جعل يفداك يا راسي مباري الهبايب الصواديف فـ معاندك تظلم بخَتها غنّ ويطيب لك ما كان ماهو بـ طايب من مقافي سنين العُمر لمقبلتها لي ثلاثة ليالي من غياب الحبايب وأنا نفس العلوم أدور في دايرتها أول الليل شابّ وتالي الليل شايب كل ساعة عليّ تطول عن سابقتها

ما ودي ادعي عليك ويقبل الله دعاي واشوف حالتك من عقب الدعاء تندمر الله يغفر خطاك ويحسن الله عزاي عن كل ليبه بـ لساني وتأمر امر أعذارك الكاذبه طوّفتها من وفاي لين أصبح العذر ماله خانه ولا ممر بغيب لي غيبتن ما هيب فتره وجاي لا والله الغيبه اللي صدق غيبه عمر

العمر عاشت سنينه كلها في ذراي ولا اذكر بـ عمرها عاشت لها يوم مر لكن هالحين يوم انه تبين غلاي تقول بين الضلوع العوج وقده سمر لو انوي اسوق رجلي يقصر الله خطاي ما والله اعيد غلطاتي ولا عاد امر وشلون تقفين وانا ما عطيتك قفاي ولا شفت غيرك من الخفرات بيض وسمر

أسالك في وجه الولي رب الابرار رازق ضعيف الطير فوق الغصوني « ان كان باقي لي معزة ومقدّار عوّد ترا شوفتك تشفي طعوني »

البارحة ما بين ذكرى وتذكار عيّا يطب النوم سود الجفوني يا غايبه والشوق مخلوق من نار نارٍ لها شبّاب حدر المتوني من غبّت عني صادق الدمع مدرار ماهنت لو غيرك عليا يهوني وشلون تتركني على عتبة الدار وأنت الوحيد اللي بكت له عيوني

« فمان الله و اللي بيننا يبقى لـ يوم حساب أخاف أسامحك يوم الحساب و أنجرح ثاني »

أعاتب من ؟ و الدنيا بخطاها ماعليها عتاب مثل ما جابني درب الزعل لهناك ودّاني هناك لـ وين ؟ مدري بس أعرف إن الطريق غياب غيابٍ كل ما طال الطريق تخف نيراني كسرت الباب أبو مزلاج حزن ولا بقى لي باب و دانيت الجفا حتى لو إني كنت ما أداني

وش الومك عليه ؟ و خاطري دون الملامة طاب ياوجهٍ يوم أشوفه كنت أشوفه وجهي الثاني كذا أستكثرت الراحة على قلبي بدون أسباب كذا ترضى لي عصف الشتات بعز خذلاني ؟ مثل ما كنت أشوفك حقيقة فـ زمن مرتاب لقيتك زيفٍ يشكك عدوي كل ما جاني

« دام عشّاق الهوى دايم يخـوضون المعارك وش يرد مجـرّي الهياب عن عين الجـميله »

انسي اللي فات دام الحزن ماهوب اختيارك و استريحي و اذكريني كل صبح .. و كل ليله ادري اني .. من كبر مقدارك اقرب من أزارك ولك علي اكسر غرور الممكنه .. و المستحيله فكري .. في كل شي إلا في موضوع انكسارك من يحـبك ما يرضى كـسرك لو نسبه قليله

أسعد الأيام وأبركها .. عـسى أيامك تبارك يوم أشوفك تسلّبين الروح بـ العين الكحيله من يغبط بـ شوفتك جماعتك ويغبط جارك معك مافكر يضيّق الكون .. ولا يستوي له ما تركتي لـ العتب فرصه وأنا ما نيب تارك ليه أعاتب و الخطايا منك تشبه لـ الفضيله

كل ما غنّيتها خلف الاسم المُستعار اغمزت لي عينها .. تدري أني ميدها « ما يجي عندي لـ الابيات تقدير و وقار غير لا منها اسمعتها و قالت عيدها »

موميٍ بـ سنين عمري لـ قصّاف العمار بين دنّاقة عزاها و ضحكة عيدها من طهارة قلبها تنبلج شمس النهار و يمسك ابليس العور هامته من كيدها علمتني كيف يضحك على الحلم الزرار و كيف تغفي مُفردات القصيد بـ جيدها و علمتني كيف اغني مع الاسما الكبار قبل اعرف اركّب المُفرده على أيدها

والله اللي طرّف الليل و النوم استذار و العيون ارخت هدبها و طاح وليدها يا عيوني كل شيٍ توقّعتيه .. صار فكي عقال الملامه و فكي قيدها مرتكب لي غلطة ما يكفّرها اعتذار ما اعرف ليه ارتكبها و ليه آعيدها و القلوب اللي تعرف المنافع و المضار لا شعاها شاعي اهل الهوى يا جيدها