ِ

المهم إني معيف وخاطري سامح وطايب مابقى عندي من أصناف الطموح إلا القناعة أدري إن الأقوياء ماخلقوا إلا للنوايب مير مظلوم الزمان يبدل القوة بطاعة -سفر الدغيلبي

جبرنا الزمان نطاوع اللي ماهو بـ يطاع و نرضى بحاجاتٍ من اوّل ،، ما ترضينا -سعود الشطيطي

فتحت جوالي قبل ليلة العيد وقعدت اقلب في جهات اتصالي نويت اهني الكل دون تحديد لكن قبل ما ارسلهم ضاق بالي قريت اسمن جر بالقلب تنهيد إسم العزيز الي على قلب غالي اللي رحل فجأة من دون تمهيد مات وتقفته السنين الخوالي وجه الفرح عقبه كسته التجاعيد ولا عاد به قلبٍ من الهم خالي

«ودّي آخذ فترة غياب لكن وين أغيب؟ واتجاهاتي؛ بـخيبة الآمال — مطوّقه»

عايش بمرحله مدري وش تسمّى لكن الظاهر اسم المرحله : عادي زاهد ٍلي بامور ٍ.. حبّها جمّا وصاير يقفّي اغلى الناس ماانادي حتى لو الوضع ماهوب اخو شمّا العرب تخترش جنبي وانا هادي ! — سلطان بتلاء

لا يهمّك جور الايام يالصدر الرحوب خلها تمضي مثل ماعلى غيرك مضت - مساعد الرشيدي

عسى وضعي المزري يزينه الزمان الجاي مابي من عطاه الا اني أرجع على خبري - سعد بن جدلان

ما مرتني الذكرى القديمة، مرور كرام أحس بوجعها ينّتشر داخل أعماقي - حزمي بن سعد

راحت سنين العمر راحت سنينه وانا على باب الامل واتحراه ياللي توصيني على الصبر وينه وتقول حث الصبر لو يلحق اقصاه الصبر مفتاح الفرج خابرينه لكن مفتاح الصبر وين نلقاه ؟ - زامل السبيعي

"العقل ماهوب دايم صحيح الاتجاه الدروب أحيان ودّك تخالف سيرها" - مزيد الوسمي

«في شطر بديع كله يأس وخذلان انا مليت دور الشجرة .. المثمرة»

تضيع، الضيعه إللي مْاتبي فيها رجاحة رآي لا شفت أحلامك يكبر عليها الوقت ويسمي - عويد النجود

المعارك وسط صدري بس وجهي دوم هادي لو إني آطى جمرةٍ حيّة .. حمدت الله عليها — فهد السعد

فيني من الضيّق مايعقد حجَاج المزوح حتى السكِينة تلاشت والأمان أنسرّق

يا ربي اسالك .. المعونه والثبات على الظروف اللي تجي متراميه واسالك عفو ومغفره قبل الممات تنجيني من نار العذاب الحاميه ما عاد عندي قدره المّ الشتات رغم ان عيوني من سنه متعاميه و مهما تصد العين لا زال السكات ما يقدر يداوي الجروح الداميه ! - سعد بن لويبه

-فيّ آخَر محّطات اللِقاء بـ أقصى مسَافات الذهاب أبشرك بعد التعّب ما راحت جرُّوحي سُدى أمشى معي حفنة أمل و العيِد و أجداد الثياب باقي في ظلَ الغيّب لي صدفة و للَّصدفة صدى مدِّيت شوفي في مَدى الفنجان و المقهى ضباب و بـ أعيش أصارع خيبة الرّؤية و أدورّ لي مدى! صحيّح كنت أطرد وهّم و أتوهَم إن الجرح طاب! و أنا أدري أني طول عمري و المُّعاناة إحددا .. لكن تلذَّذت الوهّم ما قلت قلبي ليش ذاب لين إنتهى بي حالي أمشي في متاهات الرَدى! يا صاحبي خلّك معي لا تبتديهَا بالعتاب لطالما في ضيعّتي كنت الموجه و الهُدى صاحبك الأول لملم جُّروح الهوَى و أقفى و غاب شايلٍ على كتفه حنيِّن لا أستراح ولا هَدى! ما هو غريبٍ في البلّد و يحسّ دايم بإغتراب! كل الشوارع خانته . . و الأرض ضيَاعة جِدىّ .

اللهم كما سيّرت الجبال سيّر لي رزقي ونصيبي وأكرمني بكرمك وأعطني أكثر مما أتمنى

- الخيال بسّاط ريح التايه ان ضامته ديره يتغرّب به و يعبر به تهاتيه . . الصَّحاري السعاده و الحياه و لذة العمر . . القصيره اتعايشها معه و انسى همّومي و إنكساري ودي اعيشه وْفارق واقعي شره ، و خيره و اعطي ايامي و لوعّتها سماحي و إعتذاري ياقصر عمر البنادمّ ؛ياصغر شبّه الجزيره في عيون الي ماحصّل للحزن مخرج طوّاري من فقد وجهٍ بشوش و طله و ضحكه وغيره ماتعنيه الدروب ؛وْ لا تخوّفه . . المسَّاري لا تلّوموني . . ليا من غبّت الايام الاخيره عايش الغربه ووحشتها و انا داخل ديارّي! اكبر من الكفر في قلّب الوليد ابن المغيره و اوضح من الحقّ عند لسان ابو ذر الغفاري الطيّوف الي من الغيّاب صارت لي خشيره من امامي من خلافي من يميني من يسّاري أتغنى ( ياحبيبي شرهة العاشق .. كبيّره و كل ما زاد الغلا زاد المعاتب ) وانتظاري مابعدك الا شتات و غصّه و وحده و حيّره وضيق واحزان وجروح ودمع وألامَّ وطواري! جف بيّر ومات غصَّن وهاجر من الغصّن طيره و المساكن خاليه و الصوت ما عمّ الحواري! ذكرياتي و الهوى و الليل و الشوق و نذيره هي مسيره ؛لـ ارتيابي و اضطرابي و انهّياري صرت لا مر الصّباح و جات شمسه مستنيره رحت ادوّر فيه لـ السلوى ولـ البسّمات طاري! مايرد الياسّ عزم ولا محى النسيان .. سيره هذا انا واقف وادوّر لـ الامل ضوح و موارّي .

«ياوجودي وجد من لاعته شهب الظروف لين شافه من يعرفه .. ولاعاد عرفه» — مبارك بن رادعه

-«عزَّي لمنهّو حزينِ و جَاحدٍ همّه يبين إنه سلّى و الحال متدَّاني»