قصيّد 𓄄

اليوم يا أجمل بشر يوم " الأثنين " وراك خليتني __ أجلس لحالي ؟

وين أودّي غيمة الأحلام من شمس الحقيقه وأنت موجٍ لا تلاطم شفت به جزري ومدي ضحكةٍ لاحت على وجهك نسايمها رقيقه تعترض لي في صباحات الهوى و أقول ودي كل دربٍ ما خطت رجلك على مفرق طريقه ما يعد من الدروب ولا يجيب ولا يودّي

المحبة طب الأرواح الأول والأخير والعلاج اللي ما نلقاه عند الصيدلي — عبدالكريم البدراني

علي الحرام انه دواء الكبد من لوهام يطفي لهيب شب في الجوف لا هوبه.

بدا قلبي من الشوق تظهر عليه أعراض تلاحق بيدك إصلاح مايمكن _ إصلاحه — غازي مشعل

اذكر أيام الغرام وحبك اللي ما نسيته لو يوردني الهلاك ولو يجرعني النكاده أتذكر وجهك الطاهر وصوتٍ ما سليته يتردد في مسامع عاشقك حزة رقاده باقي أنت المنال ومطلبي واللي بغيته يبطي غيابك يحد القلب عن غاية مراده نعرف الغربه من يسافر عن بلاده وبيته كيف قلبي متغرب وسط بيته في بلاده ؟

اتمنى أصير خاتم في يده لو كنت حره مثل ماهو تاج و فعوله على عنقي قلاده قد تغزل في بنات الفكر و أنا مت حره وبعدها خلا البنات وقال كلمة فكر ساده أي حاجه تلفت انظاره شوي تصير ضره لو يدقق في شعاع الشمس شفت الشمس غاده — العنود الواصليه .

- يُقال أن - كل ما حبّيت الشخص من أقصى قلبك تطلع لك أشياء تذكرك فيه، وطرا علي بيت لأحد الشُعراء / " كل ماجيت أبنسى وأتسلى مرني طاريك من بين الطواري "

الليالي في حضورك طيبة فال ومناوي وفي غيابك واللّه إنها يا بعد روحي زهيدة .

تعدّيت معه الحد والحُب والمألوف وأنا في غرامه صرت مؤمن بلا ملّه! تركْت الكواكب خلف ظهري ولا لي شوف سوى وجهه اللي شمس عمري تحت ظلّه أحبَّه محبّة من سكن في فؤاده خوف على واحدٍ —— يغنيه عن عالّمه كلّه! — عبدالله السرحاني

شارد ذهن وأفكاري تعيد المشاهد في ذاك المكان اللي تمرّه وأمرّه جالس أجاهد الدنيا وأهلها جهاد و صلك منقطع وطيوفك مستمره .

سيّد البال تاخذني عليك الطواري اثر مالي لو يطول الجفا عنك صدة انت ليلٍ تخاطفني عليه المساري وانا ما جابني لك غير صدق المودة ودي اخذ من عيونك ومبسمك ثاري شيّ يوخذ بـ لين وشيّ يوخذ بـ شدة عاد و ان بان بين الساعدين انكساري من يلوم القوي لا بيّح الشوق سده .

خليتني للسّهر والليل ماهو قصير في غيبتك تمشي الساعة على هونها .

من بديتك وأنا مدري شلون أنتهيك أشهد أن .. من رمى حبك بقلبي رما خل عيني عقبّ طول البطا ترتويك كم لها عامٍ ذابحها عليك الضما قبل أعرفك وتعرفني وأنا محتريك وكنت اكنّ ـ الوَلا ـ لك أنت والانتما وكنت أشوفك وأحس إني مشبّه عليك واثر الأرواح تعرف بعضها بالسما ! "

أشوفك في صباحات الأماني والوله يختال وأشوفك في غروب ياخذ الشمس من أياديها فقدتك من هنا لين السنين تجود لي بوصال وأضمك بالديار اللي من الفرقا وأنا أجيها .

أشوفك أقرب من الأفكار أقرب من حرَّة الثار حبيب صعبٍ على النسيان ياخذك بدوره أشوفك اقرب من اني اقول حدانا ظلال وسور واحس الأرض ما دارت بعد عينك ولا دورة على صورة موقفني حنيني لي ثلاث شهور وعيت لا تدور الأرض مدري عيّت الصورة !

حبيبي أنت يا سبّة شقاي وعلّتي ودواي دخيلك لاتمادى في جفاك وتقتل أزهاري دخيل الشّعر وإحساس الشعور وعزوتك وأعداي دخيلك وين أولّي عنْ عذابك وأهجر أسواري؟ أمانه لا غزتك الذكريات ومرّتك ذكراي تذكّر منْ هدر دمع الفراق إن جاب لك طاري!

معي عمر و بقايا أمنيات و ضحكتين و باب ومعك مفتاحه لـ حلو الحياة اللي أنا أرجيها .

وجودي على شوفه و لو ساعةٍ فاليوم و أخلي عيوني ترتوي منه و أضمه.

تراك الفارق اللي مايجي مثلك ولا شرواك أنا ويّاك عشت اغلى سنين العمر و اجملها .