هوى

اعفوني من النشده وكثر الازعاج انا ابخص بدرب السنع والمتاهه ياكثر ماصديت منعاً للاحراج وضيّعتكم بين الغباء والنباهه احيان ما القى لي من الضيق مخراج واحيان يضحكّني كلام الفكاهه انا بشر وأمر بظروف واحتاج عن عالم الازعاج فترة نقاهه

بكيتُ حتى رويت الأرض مبتسمـاً فقالت الأرض ما يبكيك يا عيـاده فقلتُ للأرض أبكوني و قد رحلوا حتى هواجيس بقعاء أصبحت عاده فقالت الأرض من شكواك وأسفـاه فقلت لـلأرض لا رقً ولاسـاده الشوق يضني وذكر الغير يقتلنـي لا بارك الله فـي حسـان و عنـاده

لك العذر في غيبتك ولـ طيفك التقدير متى ماسهيت , وبان لي وجهك البدري لقيتك على مفرق طرق والظروف تسير حلالاه . . لو إني ( مقابلك ) من ، بدري سرحت بخيالي فيك وأسهبت فالتفكير وطلّعت كل اللي .. مخبّى ، ورى صدري ما تمنعني ، حدود المسافة عن التعبير أنا توّي مسولف معك .. وأنت ما تدري

هوايّ العذب أنا مالي وطن غير العيون السود خذيني في كنفها لين رمشك يبسط ظلاله على كثر الوجيه اللي تبين وتختفي وتعود أنا ما شفت مثلك يا غزالٍ شايفٍ حاله تميل الريشه إللي فوق راسك مع هبوب النود ليا جيتي ما بين الناس مغرورة ومختاله ملامح يوسفيّة زينها راهي و لا محدود أجمل من القمر وأجمل من عشرة من أمثاله ليا قالوا لك انك فارقه قولي عليكم زود عليكم زود و أزينكم وجه مشروب فنجاله يا سبحان العظيم إللي فرق وجهك عن الموجود يجي و الناس حوله جالسين و كنّه لحاله أنا ما ودي أشكر في حياتي غير ابوك العود مسوي له جمايل بعد ما جاب اجمل سلاله عيون الناس لا لدّت على سلسالك المحسود يحسدونه على طيب المكان وطيب الإطلاله نحطك فالصدر ونحط في عين الحسود العود عساه اليا نطق بالشين فال الله ولا فاله حلفت ان الحزن ما يدخل بقلبك وانا موجود أنا موجود لأجل أزينه و ازيّن أحواله

ملح الأيام و الرحله ، و مسك الختام يا أقصى طموحاتي اللي ماهيب ممكنه أبحرت بك وسط موج ممتلي بالغرام وألغو المواني مسيّر الرحله المعلنه انت الشعور الوحيد اللي محط اهتمام أهديت لك قلبي الصادق وقلت اسكنه لكن حكم القدر يجبر علي الانقسام ياليتني أعرف مصير الحب وإلا اضمنه القلب عقب البعد يقرأ عليك السلام ويقول .. قلبك مع الأيام لاتحزنه

سيّد اشواقي وحاكم قلبي ومصدر إلهامي انت كل افراح عمري وانت سبتها واثرها شفت فـ عيونك وجودي وانتصاري واهتمامي ومنك عيوني تحمد الله على نعمة بصرها ما تجي عادي فـ بالي كل ما مريت سامي ذكرياتي كلبوها وجهك احلى من صورّها "ودي إنك تشوف كيف أشوفك إن جيت بـ منامي ليله تجيـبك وأنا نايم أطوّل . .في سهرها" "مرحبا وجهك" . . ويالبيه وأثني له سلامي ! المشاعر ماتبي منك سوى إنك تعذرها مشكله لا جاء بـ يوصف مدى نورك ظلامي صاحبك تاه بـ تفاصيلك وحاول ما حصرها استلذ السالفه وياك . . من واقـع غرامي وكل لحظه تمر مع غيرك ابي بس اختصرها تبتسم دنياي بـ اسمك جعل تفداك الاسامي احضن اسمك كل ما جات الليالي في كدرها ):

الله كتب تنتهي العشرة و تنطفي الشموع مات الأمل في رمال اليأس و الحلم ضاع خلاص مآ عاد في قلب المقفي رجوع من يوم جرحك سطا به ساقها للضياع روح بفالك ترى ما أرضى عليك الخضوع و أرحل شجاع مثل مآ جيت صوبي شجاع وإن مرّ طيفي على بالك بليلة ربوع اسأل غرورك وش الدنيا بليّا متاع وأنا بحافظ على جرحك مابين الضلوع واليا تذكرتك تنحرت الفجوج الوساع ودعتك الله ولا ودّي تجفّ الدموع ياللي وداعك مابعده في حياتي وداع ..

لا تستحي لك الله إن صدري رحيب إن كان في خاطرك نشده هاتها إنشد بما أوتيت من جرءه و أجيب إلين تبلغ غايتك غاياتها لكن لا تنشدني عن الغايب و أغيب في برزخ الذكرى و في لوعاتها الحب ساحة حرب سالمها صويب وعدوّك اللي طاح في مثناتها

أدخلي في وسط قلبي راضيه مرضيّه و أعتقي سود الرموش من الدموع الزرقا دام كرسي الحكم فاضي فـ أعلني الفرضيّه قبل لا تطرق على الباب الهنوف الطرقا الحياه حبالها طوليّه و عرضيّه في ثراها تايهين و في بحرها غرقا تبترم مثل إبترام الكوره الأرضيّه و تنصرم مثل إنصرام الحال عقب الفرقا

أحلام قلبي كبيره من كبر شاني و الصعب لأهل الصعب تتسهل دروبه مدري على وين بمشي ؟ لكن إيماني أصدق من إيمان مذنب مسته توبه عندي يقين بـ عدل ربي و ميزاني من عاش يتبع ضميره فاز بـ حروبه ما طيح الله هالدعوات بـ لساني الا و هي ليّ مقسومه و مكتوبه .

كيف الطواري على بابك توديني ؟ و كيف المساري تسيّرني على بيتك؟ اخترت أعيشك ولا اخترتي تعيشيني يا قصةٍ ينتهي عمري .. ولا انهيتك جفّ الملام ، وتوارى الهرج في عيني و متّ وحياتي فـ صوتك بس ما أوْحيتك روحي .. وروحي على الاطلال ترثيني قصيدةٍ تاصلك .. لو كان ما جيتك

تعال .. مالي سوى طيفك رفيق و جليس وأسبوعي يمر من دونك عذاب ونكد ماشفت عصر الربوع وشفت يوم الخميس أتمر كنها صباح السبت و إلا الأحد !

تشبّبت من ساعة لمحتك مع إنّي شاب جذبني دجا مجدولك و وجهك البدري من الحين نقدر نرفع الصوت حنّا أحباب بعد ما هدا دق الخبيتي ورا صدري حسافه على وقتٍ قضيته وأنا مرتاب هذا الزين كلّه ليه ما بان من بدري تناسيت عمري يوم أسولف معك بسهاب أثاريني أحب العذارى وأنا مدري

أسف لكل إنسان جاني من بعيد حاول تسلّيه القصايد و إنجرح ما يدري إن حتى الثلاث أيام عيد أشوفها ثلاثة أيام الترح دخلت في الساحه بـ مرثية فقيد وشرحت ما أخفى خاطري ولا إنشرح أنا نويت أحزن عليها من جديد الشاعر أخر من يفكّر في الفرح

إعتبرني معطيات الواقع اللي يستثيرك حبّني مثل الخيال وخلني مثل المخيله القبَال اللي تشوفه قادر يحدّد مصيرك والقبول اللي لمسته منك يكفي عن قبيله بعترف لك بالحقيقه كامله وأنت وضميرك بعد ماخضت الحياة بسكة الصَبر الطويله يوم مرتني حياتي كلها ماشفت غيرك أنت صورة كل مشهد وأنت قصة كل ليله

@99uy__ يسسلاام👏🏻👏🏻

بعد منتصف الليل ؛ أعتبر هذا « صبا .. ولا تصابي » يا بصيص آمالي اللي خاب آملها بان شيبي و ذْبلَت زهرة شبابي وانتهى طيش البدايات وجهلها كن أهل ذيك المرابع والمرابي ديرةٍ .. مستفرد الريح بـ نخلها جوها غايم . . و واقعها ضبابي توجع اللي شافها واللي دخلها المطر وهو المطر من حر مابي لو يسمّي فوق كبدي ما غسلها والطيوف اللي ماملّت من عتابي كل يوم تعيد لي .. قصة بطلها لا يزال أجمل ما يكتب في كتابي : " دعوةٍ من قلب و الله ما قبلها " إبتسم لي وابتدت قصة عذابي قال أحبك قلت أنا أحبك دبلها قبل لا يقرا من عيوني جوابي كانت عيونه تقول بشوق قلها يا حبيبي كل ما ضاقت رحابي أذكر وساعٍ .. عليها الروح ولها أنت حلمٍ .. كل يوم يدق بابي مثل ما دق الضلوع اللي نزلها شاعرك .. لا تابعي و لا صحابي لكن إن ما سر نفسه ما خذلها لا يتاجر بـ ( الشعور ) و لا يرابي كل يوم يحاسب النفس بعملها أقرب أحبابه .. هو اللي ما يحابي وأجمل أحلامه هي اللي ماوصلها ودي آرجع من بعد طول إغترابي ياكثر ما أشتقت لـ الديره و آهلها

صوت الهوى في المكان الصامت : أونَس خليل ما يذبح الليل هذا غير : صمت العباد علَّم هدوء المكان أن حسِّه أغلى نزيِل من طافيات الشموع، لْموضيات السهاد من الكتب، للرفوف الساكنة، للقليل : من ذكريات السنين، الماضيات، الجداد ما عاد باقي صباح، ويحتريه النحيل ولا تبقَّى سراب، ويهتويه الطراد ! أن مالت النفس، وغصون السواقي تميل وش يمنع اللي عيونه مولفات السواد اللي تذرِّي يديَه مْن الهبايب : فتيل باكر يذرَّي يديَه مْن الهوى لا أستزاد كل الليالي الجميلة قابلة للرحيل الأنفُس المظلمة؛ رهينة الأعتياد ! أنا أكثر اللي تشبَّث في مسيلٍ يسيل وأنا أكثر اللي تعشَّم بالدفى من رماد وأنا أكثر اللي يغمض في رجى حلم ليل من يوم بانت سعاد .. إلين غابت سعاد

دايمٍ تخطي واسامحك من قلب ودود وادمح الغلطه ليا جات كن محد درى اتغاضى عنك لكن تعديت الحدود ويش اسوي معك والصد والهجر جهرا كل ما ظنيت بي ظن يرقى بك سنود وانت ظني فيك قدام وتعوّد ورى لا متى وانا اترجّا الوعايد والعهود لا تشالا الجرح الاول تبيعه ما برى

من يجبر الخاطر المكسور يا غايبين ؟ اللي تهقويه في رجعتكم الامنيات من راجع الذكريات .. استذكر الراحلين وهذا هو الجانب السيء من الذكريات الفقد له وجعة تستأسر المستحين اللي من الحزن ما تسعفهم المفردات كنت احسب اني قوي .. لين ابتلاني الحنين اللي ما خلاني اسلى واهتني ، بالحياة يومياً اجاهده يا مره .. او مرتين إلين راحت جميع محاولاتي شتات وذخرت لي للظروف المقبله دمعتين وهليتها كلها ذالليل قبل المبات ودي افضفض ، لكن شيباننا الاولين وصوا على الصمت ، وأنا ملتزم بالوصاة عز الله اني على نفسي كسير وحزين ما كنت هاقي بها تنساق للمغريات والليل هذا .. مواريه على العاشقين خذا من الليله اللي ضعت فيها سمات يا سامر الليل بلغ معشر السامرين لا تامن الليل .. لو تامن عيون البنات

المراسيل عيت لا تجيب السلام يا كثر ما أنخذلت وياكثر ما أحتريت من بعد كل صبر أحس بالأنهزام وكل ما جيت أبيأس من وفاك أستحيت المحبه ، الأحلام ، الوعود ، الغرام هي غدت من سنيني ؟ ولا أنا اللي غديت ؟