FAHAD

ربي اشرح لي صدري ويسر لي امري

ليت كسر الذات يبرا بالجباره والكتايف كان ابا احاول واضبّه بالكتايف والجباره

تجملو ياصحابي المتجملين تجملو .. لو كان من باب الرياا المرجله : يا طيب راس او قو دين ومن يجمع الثنتين .. يا جعل يحياا

دق باب الفكر من عقب السنين ويا ثقل عقلي .... إليا منه شرد أشرب الشاهي عسى فكري يزين و احتارت أفكاري ... و شاهيي برد

طاويً بعده بليلٍ يهيض من سراه مامعي في وحشه الليل لباس العقال . . اطوي الطرقه بقافً رفيعٍ مستواه في حروفه كاني اختار من لؤلؤٍ تلال

البارحة.. من ضيقه الصدر محسوس غابت علي الشمس في راس قمه رجلي على جمره و كبدي على موس عامين و الثالث على آخر متمه صديت عن اودم به الحبل ممسوس وعن وجه بن عمٍ يهين بن عمه ادري بمسيري عكس والدرب معكوس وادري ان سلاح الداب نابه وسمه ما قلت جعل الروس تفدا لها روس اقول وجهٍ تمدحه لا تذمه

وانا مغامر واعرف ان العمر فاني وآبيع بنت الكحيله في عشا ليله

لا برد عزم الردي زاد عزمي ما برد حالفٍ ما قرع الوِرد من عدٍ تبيـــــه يا وجدي وجد من شاف معروفه جحد ضاع معروفه ولا شاف من يثني عليه بيدت دنياي بالحال تكفى يافهـــــد غيرك من الناس يالقرم مايشكى عليه ونتي ﻻ هوّد الليل والسالي رقد ونة اللي جدّد الحزن فرقا وآلديه

هو غرامي زال ماحشرجت حول الوريد جاعلٍ ربي وداده على الحال دعوه ٰ إن هرج لي عيد وان مد لي يمناه عيد يوخذ الفنجال منها على غير شهوه (: !

ياخوي الجنب لاعاد تلحقني ملام و انت ما تدري وش الي يشيله منكبي الخفايا بين حدب الضلوع الها مقام اكبر من دبي و الشارقه و ابو ظبي ماعشقت الصمت واعلنت حربي للكلام كون ابحفظ قدر وجهي ودقني وشبني واهنيّك ترقد الليل وعيونك تنام اما انا يابري حالي وياكثر اتعبي

انا منصدم في معظم اصحابي الغالين ولا عاد باقي .. شيٍ ابنيه واهدمه من اول بغيت اعطيهم اعيوني الثنتين اقول ابشروبي كل ما احتجتو الـ خدمه وهالحين ابي درب السلامه ولا ادري وين تركت السريع وعارضوني مع الخدمه حلالاه لو إن الرفاااااقه لها ( تأمين ) يعوض جميع اللي خسرته من الصدمه):

حاول تعيش بصمت قدر المستطاع ولا تقيس الناس بالهرج تغدي ٰ اخر من يسولف عن الحرب الشجاع واكثرمن يسولف عن الطيب الردي

وش جابني لرسوم الاطلال يا سعود واوجاع نبش الذكريات الحزينة سويت في نفسي خطا غير مقصود كنّي غشيم باصبعه سد عينه عز الله ان الخط واسع وممدود والهزعة من الخط ما هيب زينة لا باغي حاجة ولا نيب محدود مير اللقافة تاليتها غبيّنة طبيت جو كن ما طبه الرود مهجور رغم ان العرب نازلينه

لا تصدق الناس في هرجٍ يقولونه النــاس في وقتنا كثرت مذاهبهم ٰ كم شخص تلقى بني عمه يسبونه وإذا بدا اللازم اطلق من شواربهم

عليك بالشاهي اللي غادين لونه حمار شفة هنوفً ، طولها فارع القاهره شعبه دايم .. يسوونه يهب ريحه عليك مع اول الشارع ذي فكرة الشاعر اللي فاض مكنونه من شعره الشعبي اللي ماله مضارع سمعتها الكبري اللي شارعه دونه دنّق له الكبري .. وصفق له الشارع

يارب زدني تمسك بالشيم والمبادي وبدون بعض المبادي ما للأنسان قيمه خسرت بعض المصالح من سبايب عنادي لاموني الناس كني مرتكب لي جريمه احدن على حسن ظن يقول وين انت غادي واحدن لقاها وسيله للحكي والنميمه ويكون ردي حسب عرفي وحسب اعتقادي ماعندي القدرة أبني فوق الاصنام خيمه

نسمع النخوات حتى فـ البلوت وفـ الاتاري لين صارت ساحة النخوه بـ حاجه لـ الصيانه ٰ سمجوا تكفى هل الطلبات فـ ارصفة الحواري مادروا تكفى تهز الرجل وتزلزل كيانه ٰ لانطقْها الكفو يندب له كفو في ظرف طاري يرتجف منها الخليج اليعربي وارض الكنانه

متى ما طرالك تلحق البدو يافرحان خذني معك فالرحله اللي تريحني خذني على باب اشهبً كنه السرحان ابا النود مع طارف زوايها يلفحني خذني مابا المجلاس بين اربعة جدران ابا امشي مع الرمضا لو الشمس تجرحني

@ShawarmerSA @KUhp2222 الكود انتظرته

لمحبين الغالي @KUhp2222 ❤ هنا 👇🏼 تلقون مفضلاتنا من أغاني مخاوي الليل ووحده من هالأغاني هي كود بالتطبيق😉 وش لون مانغليكم؟ 🎶

لو كل ما ثارت عجاجه تحيزمت تهت الطريق وكل عاير صدمته بعض الكلام أخير من رده الصمت وسلم الرجال أهل السلوم احترمته .

تعرّضت أمور صعاب ماني بها مكلوف بعضها ظلمني كــبرها مع صغر سني غرايب وشطحات و خروجٍ عن المألوف لي ســنين أمثّل مجــتمع ما يمــثلّني !