ياصاحبي مرزوق .. ماني معلا
لو الاسامي والمواقف تشابه
الشيّب رحّب فالصوابر وهلاّ
الوقت دور بذرته لين جابه
صارت ثلاثين الليالي تدلى
من مرها يجني صويب وصوابه
والحزن ياخذني لحاشا وكلا
اني اقوله للورق والكتابه
شاعر لاهزه حزن كبّر وصلى
ماجر عبراته وجر الربابه
ماوده العالم بحزنه تسلى
ولاتعرف ايامه وتفهم عتابه
اذا خفت حزنه وجوده تجلى
واذا حزن .. طالت ليالي غيابه
ولاعاد يستغرب من ايامه الا
ايامه اللي ماتثير الغرابه
العربية
