🪶

" لا حداني زماني تفزّع أشعاري " .

أخاف أموت وتفْقديني وتبكين وما أحد يضمك عقبي ليا بكيتي وأخاف لامنك بغيتي تنامين ما أحد يمد لحافك ليا استويتي وأخاف ما أحد يقول لك يوم تدعين أبشرك زانت بعد ما دعيتي وأخاف لا قمتي وخاطرك شين ما أحد يعرف من نظرتك وش بغيتي وأخاف واجد واجد إنك تروحين يا ويلي ان رحتي ولا عاد جيتي.

اخاف عليك واخاف تنسـاني .

"أخاف العُمر يمشي وتتبع جرته الأحزان واخاف من كثر المساعي تخيّب هقوة أحلامي واخاف يمضي العمر.. ويقولون أجله حان وانا في خاطري غاية تلاحقني في رحلة هيامي واخاف لا جار عليّ وقتي في زماني ما تبان ولا ألقى لـ مدهالك دربٍ يسرق وحشة ظلامي"

حُرية الفكر .. هي أبسط حقوق الحياة والعاقل اللي يعرف " حدود حريته " من سكر أبواب قلبه ، لا تفتش وراه من حقه يعيش بالدنيا .. خصوصيته فقير الأدراك .. أفعاله - تأكد رداه تكشف لك أسراره السوده و ماهيته .

"ما جيتك أعلمك كيف المشاعر تدار جيتك بقلبٍ سليم ونيةٍ صافيه أنا شعفني هوَاك وجنّة الحب نار و عيني من النوم مطروفه ومتجافيّه اعاف بدوٍ هوَاهم من هوَى أم الحوار لا باردو قد ليالي القيظ متقافيّه أقبل إلى شفتني على وشك الإنهيار وأقوم مثل المريض إلى أونَس العافية "

يالراحل اللي عقبك الصدر جيّاش ما جيت لحظه فـ الخيال ونكرتك وشلون بنسى عطفك اللي معي عاش وانا لا مات اللي ما اعرفه ذكرتك .

إن رحت يا كثرهم وان جيت ياكثري ضاقت بيّ عْيونهم لو كنت وحداني تعبت و أزريت ما ملّيت من صبري ليت الذي راح مني كثر ما جاني أحيان ودي أطيح من التعب وأزري وتشيلني عزّتي .. وسلوم جدّاني .

لك الله كل ما أناظر تفاصيل البشر .. بـ أرجاي أشوفك في ملامحهم .. و تزداد الجروح جروح حبيبي دولة أحساسي ذريعة ضحكتي و رضاي تعال و كل ما جاني من صدودك غدا مسموح إذا الماضي عذر هجرك ترى الحاضر عثا بـ أقصاي و إذا ماني بـ أحبك حيل ترى ما لـ الندم مصلوح .

ذخرتك طلقةٍ ترمي بصدر الصّاحب الكذّاب لعل سلاحي موجه .. على صدري وشرياني .

لا تستخفّ فيني وتراهن على بقائك — أنا مُستغني .

مابقى لك في مشاويري مسافه اعتقد حنا .. وصلنا لـ الأخير الندم والعذر ودموع الحسافه مالها قيمه بعد موت الضمير البحر هادي و تغرينا ضفافه بس لا هاج البحر موجه غزير خايف من البُعد ؟ لا لا تخافه لا تخاف البُعد و أحبابك كثير اشكر احساسك على قل الكلافه يا كبيرٍ طحت من عيني صغير .

اللي بقى من بقايا الحب مقدارك أبيه حولي على شان يغفى جفني يؤسفني إني ما عاد أبرر أعذارك ويؤسفني إن قلبي المشتاق يؤسفني .

مشتاق لك والشوق حطّم سكاتي والكبر عيّا لا تجيني ولا أجيك واللّي مصبّرني وجامع شتاتي أسمع اهداءاتك و أشغل أغانيك وشلون تفصل عن حياتك حياتي وانا بـموت وعادني ميتٍ فيك .

أحس اني كبرت وبيّن بـ طبعي مدى التغيير فلا هذا هو احساسي ولا هذي هي اطباعي بديت اتعمق بـ نفسي ولا اهتم لـ كلام الغير يقولون الهوى غفله واقول ان المدى واعي غديت أودع المقفي ولا أحب اسمع التبرير أشوف ان التفاصيل الكثيره ما لها داعي .

دربي طويل وخاطري واصل أقصاه وأخاف لا أهون وأكف أجتهادي يارب لامن صاروا العالم أشباه ميزني أنا مقدر أعيش عادي .

من لا يودك صادق الود لا توده ومن لا يداري خاطرك لا تداريه القلب يجفل من وجيه مصده وانا اشهد ان القلب دليل راعيه وسيل جرى عن مدرجه لا تحدّه جنب وخل السيل يضرب مجاريه ومافات من دنياك صعب مرده خذلك من الماضي عبره وتوجيه .

تذكرتك البارح وشعب الرياض رقود ولا في يديني شي غير أنثر الدمعه تذكرت وقتي معك يـ بو العيون السود يوم ان الأيادي فـ آخر الليل مجتمعه .

عداك الملام وشرهة الولف يا نزّاح عن دياري اللي مانت بأول خسايرها تبعت السراب إلين سلّمك للمرواح ولدّيت ! وعيوني .. تزوّر عبـايرها قنعت وتركتك للزمن والزمن فضّاح على مهله أسرار المخاليق يظهرها بقى لك معي ذكرى ليا غمّض المرتاح " تمشط بقايا كبدي بروس اظافرها " .

تغيّرت يا الله لا تغيّر على ايّ انسان لي اسبوع وانا فاصلٍ رقم جوالي كرهت الصباح الهادي ولمّة الخلان وولفت السهر والشعر والمرقب العالي لعينك تركت احباب قلب وربع واخوان امانتك امانه .. لا تخليني لحالي .