لَوَاعِج

أنا «صبح الشراحه عقب ليل .. المخافة»

أحبك لو تذوب الشمس وينبت فالسكون أصوات أحبك يا مدى هالعمر من أولني إلى أخرني و أحبك ما دله بال و تحلوى طاري الضحكات و أحبك ما قسى قلبٍ على الفرقى يخيرني أنا واللي جعل وجهك يكفيني عن الوجهات أنا ما جيت لك تايه ولكن جيت أدورني

يا أغلى سر عاش بزحمة أسراري 🤍

صبحٍ يستردك في الخيال السالي أحبّه

كل المديح اللي يجيني من الناس « ما هو مثل إطرائك اللي أحبّه »

أنت صعب في المحبّة وأنا صعب المراس والأكيد : إني رغم هذي وهذي .. أبيك في وجودك يهبط الهم ويطير الحماس وفي غيابك جعل شي يجيني ما يجيك ما يعادل فقد الإنسان شي من الحواس غير قلب : فاقدٍ فيك .. شي كان فيك كان حزنك حزن ناس ٍتجامل فيه ناس والله إني محزن الناس من حزني عليك

لا تصب قهوة «..صب صوتك على جدب المعاليق / شف عروقي على صوتك ضمايا»

إيه يا اول من بنى بيته على خفاقي منت باللي مر في عمري واخذ له لفَّه

جميع الكون قدامي وخلق الله بالأعداد وأنت الثابت بقلبي وباقي الناس دواجه

عذب المحيّا لو تباعد حراويك أنسج لك دروب السفر في يديّا قلب تعلق في هواك و مساريك «حاولت فيه يحب غيرك و عيّا»

ما أنت بزيّ الناس و أكتبها لك بخط عريض تبغي أحلف لا و رب البيت ما أنت بزيّها 🤍

أحسّك لذة الضحكة بعد تنهيد وأحسّك حلم ما يوقف على رقادي معاك أصبحت مغرورة وشيخة غيد ومعاي أصبحت متسيّد ومتمادي عليك أحلى السلام وكل يوم يزيد حنيني لو رحلت لصوتك الهادي تروح بعيد .. ولا ما تروح بعيد مدام قلوبنا تعشق بعض عادي

عشت عمري مصدر أعجاب الآخرين وما هـزني في رحلة العُمر — غيرك

لك مكانٍ ملكته بين هدب الجفون لا يطولـه غريب .. ولا قريبٍ يجيـه

يا لقاي بذاتي المتغرّبه ، عن ذاتي يارضا نفسي على خير الزمان وشره أنت جيت وجابك الله عقب طول شتاتي وعودت فيك السنين الذابله مخضرّه نظرتي .. ذوقي .. سواليفي .. غناي .. سكاتي ودي أعرف لـ إرتباط اللي معك وش سره فيك من حزني ، كثر مافيك من ضحكاتي فيه أحد قال أنت تشبهني قبل هالمرّه ؟

جمعتني فيك الدنيا و ربطتنا الأقدار شفتك لي دنيا و شفت بك عمري و يوم ضاقت الدنيا و القلب محتار جيتني وأشرقت شمسك على صدري و يوم أخترتك عن بني العمّ و الدار دريت إن حبك وسط الصدر يسري لا تخليني فيك مابي عوض و لا أختار أنت العوض وأنت حافظٍ قلبي و سرّي