ابو بدر🇰🇼

والله اني ماراح أشيل هذي التغريدة من التثبيت الى إذا ليفربول حقق السابعة.

مع كل مشروع جديد، يتكرر نفس السؤال: هل الأهم هو التعاقد مع أفضل اللاعبين، أم التعاقد مع المدرب المناسب ثم جلب اللاعبين الذين يناسبون أفكاره؟ بالنسبة لي نجاح المشروع يبدأ من وضوح هذه النقطة. شنو رأيكم

مع الحديث عن إيراولا، أشوف واجد ناس تربط نجاح المدرب مع فريق متوسط بقدرته على النجاح مع فريق كبير. بالنسبة لي الموضوع مو بهالبساطة، لأن التوقعات أعلى، والضغط أكبر، والمنافسة على البطولات مختلفة تماماً. هل نجاح المدرب مع فريق معين يكفي للحكم على نجاحه مع فريق ثاني؟

إذا استلم إيراولا تدريب ليفربول، شنو أول مركز لازم الإدارة تدعمه؟ عن نفسي أشوف قلب الدفاع أهم من أي مركز ثاني. لأن أسلوبه هجومي وجريء، وإذا ما عندك خط دفاع قادر يتحمل المساحات الكبيرة، راح تواجه مشاكل طول الموسم. شنو رأيكم؟

@FatahFartas والله اتوقع مستحيل احد يقدر يقنع الثاني بوجهة نظره فلذلك خل ننهي النقاش اللذي بدأ من امس بسلام هههه

@4m3or هو مش انهيار و لكن عوامل الاصابة و انخفاظ حاد في مستوى الاعبين الركائز و عدم تأقلم البعض على الاسلوب الجديد ولكن مع الوقت كان الامر سينجح لأنه لا مفر منه

للي ما يعرف إيراولا أو أسلوبه، فهو من أكثر المدربين اللي يعتمدون على الفوضى المنظمة: لمن تشوف فريقه تحس اللعب عشوائي وفوضوي، لكن بالحقيقة كل ضغطة وكل حركة وكل ركضة محسوبة. أسلوبه يعتمد على الضغط العالي، اللعب المباشر، ورفع رتم المباراة عشان يجبر الخصم يغلط ويستغل أخطاءه بسرعة.

بحسب الأخبار، ديوماندي عطى الضوء الأخضر لليفربول وباريس. عن نفسي أشوف ليفربول أنسب له. باريس عنده خيارات واجد بالأطراف، أما ليفربول يقدر يعطيه دور أكبر وفرصة يطور نفسه أكثر. بالنهاية مو كل شيء اسم النادي، الأهم المكان اللي يطلع أفضل نسخة من اللاعب. شنو رأيكم؟

@FatahFartas إذا كان الانهيار دليل على فشل الأسلوب، فحتى فرق الاستحواذ انهارت بعد مواسم ناجحة. المشكلة مو بالأسلوب، المشكلة إذا الفريق والمدرب ما قدروا يتطورون مع تغير الظروف.

@4m3or لكن لا يدوم دايما يعطي موسم وبعدين ينهار الفريق تماما

شنو أكثر شيء يميز الفرق الكبيرة عن الباقي؟ برأيي مو الأموال ولا النجوم، بل جودة القرارات. شف ريال مدريد عقب رحيل رونالدو، وبرشلونة عقب أزماته المالية، وحتى بايرن بعد فترات التخبط. الفرق الكبيرة مو اللي ما تطيح، الفرق الكبيرة هي اللي تعرف شلون ترجع بأسرع وقت. شنو رأيكم؟

@FatahFartas مو شرط فريق صفوة يطبق أسلوب إيراولا نفسه بالحرف. شفنا ليفربول كلوب وأتالانتا ينافسون بالضغط والتحولات أكثر من الاستحواذ. بالنهاية النجاح مو بطريقة لعب وحده، المهم شلون تخلق فرص وتفرض أسلوبك على الخصم.

@4m3or هل هناك نادي من الصفوة حاليا يعتمد على العب المباشر و الفوضى و ناجح ؟

بحسب الأخبار سلوت كان متوقع يكمل للموسم الجاي، وحتى هو كان يتكلم بثقة عن استمراره. لكن بعد مراجعة نهاية الموسم، الإدارة شافت إن المستوى تراجع، والهوية الهجومية ضعفت، والمعنويات نزلت لذلك تم تغيير القرار (مو بسبب مشكلة كبيرة داخل النادي بل بسبب اختلاف الرؤية للمستقبل فقط لاغير)

أصعب التحديات لمدربين توب 7 الموسم الجاي من وجهة نظري: أرتيتا: البطولات
 ماريسكا: المحافظة على الهيمنة
 كاريك: فرض هويته
 تشابي: التوازن وإدارة النجوم
 دي زيربي: الاستقرار الدفاعي
 إيمري: الاستمرارية
 إيراولا: التعامل مع التكتلات وتطبيق أفكاره تحت ضغط جماهيري وإعلامي كبير

@SCOUSER777 أتفق إن الفرق المتكتلة من أكبر التحديات لأي مدرب، وممكن إيراولا يحتاج يطور هالجانب. لكن أشوف ظلم نقول ما عنده أنماط. بورنموث مو مجرد كرة طويلة وضغط، عنده تحركات واضحة، ضغط منظم، وحلول بالأطراف. إمكانيات الفريق هي اللي كانت تحد من تنوعه أكثر من أفكار المدرب.

@4m3or الي مخوفني اسلوبه مع الكوره اشوف كثير يقولون محدود بذا الجانب . ما عنده أنماط والخ كله كره طوليه وضغط رياضا ضعفه بموضوع الفرق المتكتله

@Ahmedsa47611132 جونز كامكانيات فهو لاعب ممتاز جدا وشفناه الموسم اللي طاف ضد تشيلسي شلون عذب ماريسكا ولكن الاعب عنده عيب وهو يحب يخلي الكره برجله، الاعب حاليا وده يروح للإنتر عشان دقايق لعب اكثر، حاليا القرار عند جونز إذا بيطلع او لا واتوقع انه راح يطلع.

@4m3or جونز اكتر لعيب كان ذكي جدا في الضغط مع كلوب كان دائما هو الأول في الضغط عالحراس و الدفاع رغم أنه نص مش مهاجم

إذا استلم إيراولا ليفربول أشوف أقل اللاعبين توافقا مع أسلوبه هم: إندو: الرتم العالي تسيميكاس: المساحات غوميز: البناء تحت الضغط كييزا: الإصابات جونز: يطول بالكره مو لأنهم سيئين لكن لأن إيراولا يعتمد على الرتم العالي والضغط المستمر، فلذلك أتوقع خروج بعضهم خلال أول موسمين.

@TheLariani @a7_we20 اتفق ولكن هذي ليست ميزه بالسلبية

@4m3or @a7_we20 هو انسان يفهم كورة فقط ومايتفلسف عشان كذا ناجح

أرتيتا: ✅ شغله مرتب ❌ حذر بزيادة إيمري:✅ ثعلب تكتيكي ❌ دفاعي مرات تشابي :✅ يطور لاعبينه ❌ يبيله وقت إيراولا: ✅ ضغط وجنون ❌ مساحات ورا دي زيربي: ✅ كورة ممتعة ❌ يخاطر واجد ماريسكا: ✅ استحواذ ❌ يتوه تحت الضغط كاريك: ✅ هادي ❌ خبرته قليلة ايجابيات وسلبيات المدربين

@a7_we20 كاريك مو مجرد اسم، عنده أفكار واضحة بالبناء من الخلف، السيطرة على الرتم، وتطوير اللاعبين الشباب. ممكن مو أفضل مدرب بالقائمة، لكن عنده هوية كروية واضحة.

@4m3or الله يجبر بخاطرك ما لقيت شي بكاريك قلت هادي 😂😂😂

إذا إيراولا استلم تدريب ليفربول، أشوف الفريق يحتاج: ظهير أيمن. قلب دفاع سريع.
محور دفاعي يغطي المساحات.
جناح مباشر وسريع.
ظهير أيسر احتياط. لأن هذي المراكز تخدم فكره أكثر، خصوصاً مع الضغط العالي والرتم السريع اللي يحب يلعب فيه.

@FatahFartas أشوف فيه خلط بين الاستحواذ والهيمنة. مو كل فريق يمسك الكرة يهيمن، ومو كل فريق يلعب مباشر يعني فوضوي. بالنهاية العبرة بخلق الفرص وفرض أسلوبك على الخصم. وإيراولا أثبت مع بورنموث إن الضغط والتحولات السريعة تقدر تنافس فرق تملك جودة وإمكانيات أعلى.

@4m3or هناك فرق بين تدريب فريق نصف جدول والاعتماد على الضغط و الفوضى خاصة في الدوري الانجليزي و ان تلعب بفريق يريد الدوري و الأبطال و ان تهيمن و تمتلك الكرة مثل كل اندية الصفوة لي يحيرني هل ممكن نحقق دوري او ابطال بهاذا الاسلوب اراها مستحيل

أحس بعض الجماهير متخيلة باركولا لاعب مختلف عن اللي أشوفه بالملعب.

بما إن برشلونة حسم تقريباً صفقتي جوردن وبرناردو سيلفا أشوف الأولوية الحين رأس حربة وقلب دفاع. إذا ما جاء ألفاريز، فأرشح كاسترو مهاجم بولونيا لأن ستايله قريب منه من ناحية الضغط والحركة والقتالية. أما بالدفاع فأرشح لوكيبا، سريع ويعرف يغطي المساحات ويناسب فليك واجد. هل تتفق؟

@FatahFartas أتفهم وجهة نظرك، بس أشوف وصف كرة إيراولا بالفوضى فيه ظلم. لعبه سريع ومباشر، لكن وراه تنظيم وضغط مدروس. لو كان عشوائي كان ما شفنا بورنموث ينافس ويحرج فرق أكبر منه. مو كل لعب مباشر فوضى، مثل ما مو كل استحواذ يعني كرة أفضل.

@4m3or انا لست متفائل له ابدا يعندي الاندية تتطور بلإستحواذ و التدرج بالكرة و اللعب المتنوع و تهدأت اللعب و ليفربول يتجه للفوضى و اللعب المباشر و الكراة العالية انا اراها الحمق بعينه